RUMA 5:20 - Bible Zulgo

²⁰ Ama Mbulum a vəl məpala ahəm ŋgar a Musa ka, i dəba ŋa ya dite bakal a səkah aka gà mburma hinne asa ivaɗ. Ama na bakal aka səkah ka, ŋgwal ana Mbulum a ge a ter a tekeɗe, à sìkèh a hinne mbaŋa.

RUMA 5:20 ပူးပေါင်းရင်းမြစ်များ

Mata 20:9

Zàmma tsəka, gà mburma ana tə da a gùvàh nda ndzemde ə̀zləm ŋa ya, tə daha ka, ku weke a ŋgat dukw maya ba ŋgar kamala ana a vàk i dala ya.

Mata 9:13

Ama kinehe ka, dzalum aka dukw ana a ne i huɗ bazlam ata ya, na Mbulum a gwa: *fa* Ama i dara ka, aà mazàlà a gà na ta gweɗe a, waytsà mər ka, gà ŋgwal ŋa ika miɗ Mbulum a tsa, say a gà ɓəzla bakal ivaɗ.»

Luka 7:47

Aɗaba taŋa na iye ihər i gweɗek a nda ndzer: Məkəs aaha ka, bakal ŋgar a riŋ hinne, ama ka, aka pəl. A sər ba, aka pəl ka, aɗaba ana a waya iye hinne ya. Wur ana Mbulum aka pə̀lar à bakal hinne tsəka, a waya iye hinne tsa mbeete.»

Yuhana 10:10

Aɗaba mala akəl a dere a ka, aà mege akəl, aà makə̀ɗà mburma, dite aà manəsa à duwa ndzàɗak ndzàɗak a bəɗ. Ama iye i dara ka, dite gà mburma tə ndza barbararra, ta ŋgat mesife ana à ndìv a tsa aà biybiy a.

Yuhana 15:22

Na mege i dara ndeɗiŋa, dite i tsik a tar gà bazlam tsəka, ana ka, Mbulum à gis a tar nda seriye ŋgar tsa. Ama kinehe ka, tàa tsaraka dukw ana i tsik a ya tserdze, dite ta ge a dər akaba bakal ka, bakal tar ata à pìl a asa tsa.

RUMA 4:15

Aɗaba məpala ahəm a ge a ka, dukw ana, dite matsəɓatsəɓ Mbulum a gis a dər gà na tàa zazam məpala ahəm ata tsiye ɗekɗek. Aɗaba ana məpala ahəm a riŋ tsəka, duwa a riŋ na ti nis a dər a tsa mbaŋa te.

RUMA 6:1

Na kataya dze ana, dite ki gweɗekwe a kinehe ana, meme? Ki sìkèhekwe a à mege bakal ivaɗ, na dite Mbulum a ge a kwe a ŋgwal ŋa, à sìkèh a kwe a dər a ya?

RUMA 6:14

Aɗaba taŋa, bakal ka, a sle a aà makwàrà kurum asa tsa, aɗaba ana ki dzelwim a gà gər aka məpala ahəm Musa, dite ma ne à kurum gà ŋgwal ŋa ika miɗ Mbulum asa tsiye. Ama ki dzelwim a ka, aka ŋgwal Mbulum ana a ge a kurum a.