RUMA 5:15 - Bible Zulgo

¹⁵ Ama gà tar ata sula ya ka, tar pampam mbaŋa, aɗaba ŋgwal dukw ana Mbulum a vəlakwa biy taf masakəŋa ya ka, ar ka, kamala biy bakal Adama ata a ge ya tsa. Kaɗəŋ, gà mburma tserdze ta mete a ka, aɗaba bakal wele ata a ge ya ilik. Ama ŋgwal dukw ana Mbulum a ge a kwa ya ka, a za taŋa kweleŋ fètìte. Aɗaba a pise a kwa ahəm biy taf masakəŋa, a ge a kwa ŋgwal ŋa ka, nda ahər mburma ilik, kamala megweɗe ya ka, Yesuw Kiristi.

RUMA 5:15 ပူးပေါင်းရင်းမြစ်များ

Mata 20:28

Aɗaba iye, *wur ana a dara i təv Mbulum a tekeɗe, i dara ka, aà mazlàkà mburma ya, tsəka, mburma na mà zlak iye ya tsa. Iye i dzeye a à mesife gà ka, aà mumbùruɗà dərra mburma i bakal a.»

Mata 26:28

Naha ka, məmbəz ga ana i ti dze a dər a bəɗ, aɗaba məpəla dər à bakal gà mburma ana ika gər ahəɗ hinne ya. Taŋa ka, dukw ana i sir a dər ba à gà mburma nda Mbulum hiywe aà biybiy a.

Yuhana 3:16

Kərga taŋa ya, Mbulum aka waya gà mburma ana ika gər ahəɗ a hinne. A slərra Kəla ŋgar ana mifèndèz ŋa ilik a, dite ka, ku weke na aka gəs ŋgat nda gəzləŋ ilik a ka, a dzeye a tsa, ama a ŋget a mesife ana à ndìv a tsa aà biybiy a.

Yuhana 4:10

Yesuw a gwaɗar aaka: «Na mege kà sər dukw ana Mbulum a vile a a mburma ya, dite kà sər iye na i wiz aà kər yam a ka, kər ivaɗ na ki wiz aà iye a yam ana a vile a mesife a mburma ya, dite ka, i vilek a ya.»

Gà Ɓəzla Meslire 15:11

Ama kwa tserdze kà sərakwa, kà mbəlakwa ana, nda ŋgwal Yesuw Kiristi tsiye. Yaw, tar tekeɗe ka, ta mbil a kataya mbaŋa.»

RUMA 5:12

Dukw ana a ge ba ya ka, araha: Mburma ilik a ge bakal, dite bakal ata a dara aka gər ahəɗ a. Mimbile i bakal a tekeɗe, nda ahər mburma ilik mbaŋa. Aɗaba bakal ata na mburma ta mete a ya. Kamala taŋa ya, məməta a ndze a, ku mege a ŋga, aka gər ahəɗ tserdze, aɗaba ana tar tserdze tàa ge bakal a.

RUMA 6:23

Aɗaba na wura aka ge bakal ka, à mìt a dər. Məməta ŋgar ata a ne ka, kamala dukw mayaba ŋgar a. Ama Mbulum, ŋgat a vilekwe a ka, mesife ana à ndìv a tsa aà biybiy a, biy taf masakəŋa. Kə̀ ŋgatakwa ka, aɗaba ana kwa mandza ŋa i təv ilik ŋa nda gà Yesuw Kiristi BATSAH kwa ŋa ya.

2 Kurintiya 5:14

Mege megemir ana mìi ge a tserdze ya ka, agəra ana mì sər, Kiristi a waya kwa hinne ya. Ŋgat a mət ka, aɗaba mburma tserdze. Kamala taŋa ya, kà sərakwa ndzer, tar ata tserdze ya ka, tàa mata akaba nda gà ŋgat, na i təv are Mbulum a.

2 Kurintiya 9:15

Gekwa kəkaaha a Mbulum aɗaba dukw ana a vəl a kwa ya. Taŋa ka, a za duwa tserdze, biy megèr wusa ŋa ka, nda bazlam asa tsa.

EFESIYA 2:8

Mbulum a mbəl à kurum nda ŋgwal ŋgar ka, aɗaba ana kàa gəsum ŋgat nda gəzləŋ kurum a, tsəka, aɗaba megemir kurum ana ki gwim a tsa. A ge a kurum ŋgwal ŋgar ata biy taf a ka,

IBƏRANIKWA 2:9

Ama ka, kwa a riŋ kà sərakwa, Yesuw na a riŋ a kwere a gà dukw ata tserdze kinehe ya. Akahər ata i huɗ mendze zaakwa ya ka, Mbulum a ne à ŋgat kəla ŋa ika miɗ gà gawla ŋgar a, dite ka, a mət aɗaba gà mburma tserdze, agəra ana a waya mege a tar ŋgwal ŋa ya. Agəra mesewere are ana a sèwèr a, nda məməta ŋgar ana a mət a, na dite Mbulum a vəlar mendze ŋgwal ŋa ata tì zlibe a dər à ŋgat nda medzedzere hinne ya.

1 Yuhana 2:2

Ŋgat na a dara, a mət kamala dukw ana ta kəɗ a Mbulum biy taf a, na dite Mbulum à pìl a kwe a dər à bakal kwa ya. Ama ka, bakal kwa ɗekɗek tsa na à pìl a dər a. A sle a aà məpəla à bakal a gà mburma ana ika gər ahəɗ tserdze ya mbaŋa.

1 Yuhana 5:11

Dukw ana Mbulum a tsik a kwa ya ka, araha: A vəl a kwa mesife ana a ndze a aà biybiy a. Dite mesife ata a dara nda ahər Kəla ŋgar a.