RUMA 5:14 - Bible Zulgo

¹⁴ Ama ku mege kataya tekeɗe, daga aà gər mendze Adama ya, haa tsikw aà mendze Musa ka, mburma tserdze i ahər məməta. Ku mege tar tàa ge bakal kamala Adama ana a gəs ahəm aà Mbulum tsiye tekeɗe ka, ta matawa mbaŋa. Adama a ne ka, mendzikiɗe ba wele ana ti tsik ahər, ta gwa, a ti dere a mba ya.

RUMA 5:14 ပူးပေါင်းရင်းမြစ်များ

RUMA 5:12

Dukw ana a ge ba ya ka, araha: Mburma ilik a ge bakal, dite bakal ata a dara aka gər ahəɗ a. Mimbile i bakal a tekeɗe, nda ahər mburma ilik mbaŋa. Aɗaba bakal ata na mburma ta mete a ya. Kamala taŋa ya, məməta a ndze a, ku mege a ŋga, aka gər ahəɗ tserdze, aɗaba ana tar tserdze tàa ge bakal a.

RUMA 5:17

Kaɗəŋ, mburma ilik a ge bakal, na dite mburma tserdze ta matawa ka, aɗaba bakal ŋgar a. Ama Yesuw Kiristi, ŋgat a ge a megemir ka, pam. Nda ahər ŋgar na Mbulum a ge a kwa ŋgwal ŋa lele hinne, a sər ba à kwa nda gà ŋgat a. Aɗaba taŋa na ki ŋgetekewe a mesife ana à ndìv a tsa aà biybiy a, dite ki ta kwerekwe akaba a nda gà ŋgat asa.

RUMA 5:21

Kamala taŋa ya, ŋgwal ana Mbulum a ge a mburma ya ka, a kwere a tar tserdze, na dite ka, ti ne a gà ŋgwal ŋa ika miɗ ŋgar a. Ar ka, kamala bakal ana akahər ata a ge Əbay aka mburma, dite a bets a tar a mbaŋa. Aɗaba Mbulum a vəl a kwa ŋgwal ŋgar ata ka, na dite ki ŋgetekewe a dər mesife ana à ndìv a tsa aà biybiy a. A vəl a kwa ka, nda ahər Yesuw Kiristi BATSAH kwa ŋa.

RUMA 8:20

Mbulum a yà dukw ana a geye a tar tserdze ya ka, a dala. A gwa, ma dzeye kamala ana dukw taf masakəŋa ya. A yà a dala ka, agəra ana gà dukw ata ta waya kataya ya tsa. A miyak dər ka, aɗaba bakal gà mburma ana ta ge ya. A waya na a ge akaba a seriye mburma ka, nda biy gà dukw ata tserdze ya. Ama ku mege kataya tekeɗe, aka tike a tar duwa aka miɗ dukw ŋgar, na dite ti dzele a aaka gà gər a.

RUMA 8:22

Aɗaba kà sərakwa, daga aà gər ana akahər ata ya haa kinehe, gà dukw ana Mbulum a geye tserdze ya ka, tar riŋ ti sèwèr a are. A wir a ter a hinne kamala məkəs ana sawàr sawàr à bèse a mawà kəla ya.

1 Kurintiya 15:22

Aɗaba taŋa, mburma tserdze ta mete a ka, agəra ana tar gà ɓəza Adama ya. Ta mete a kamala ŋgat a mbaŋa. Ama na tàa gəs Kiristi nda gəzləŋ tar ka, ti ta mbilere a i məməta ya kamala ŋgat a mbaŋa asa.

1 Kurintiya 15:45

Aɗaba a riŋ mewetse ŋa i wakita Mbulum ka, a gwa: «Adama malahalah ŋa na Mbulum a vəlar mesife ya.»*fe* Wele ana a ndə̀vara aba i dəba Adama ya ka, *Kiristi. Tar ka, ilik nda Mezite Mesife Mbulum ana a vile a mesife awiya ŋa a mburma ya.

IBƏRANIKWA 9:27

Kamala ana ku mege weke à mìt a ka, sik ilik pəra ya. Aka mət ka, dite i dəba ŋa ya, a de a aka miɗ seriye Mbulum kuɗa ya.