RUMA 5:10 - Bible Zulgo

¹⁰ Akahər ana kwa gà ɓəzla mene are Mbulum mba ya ka, ŋgat nda gər ŋgar ŋa a yaha masəra ba nda gà kwa ka, nda məməta Kəla ŋgar ana a mət a. Aɗaba taŋa, kwa kinehe ka, gà masla Mbulum. Kà sərakwa, a ta mbil a à kwa ndzer kaɗəŋ ka, aɗaba Kəla ŋgar ata a mbəlara i məməta ya ya.

RUMA 5:10 ပူးပေါင်းရင်းမြစ်များ

Yuhana 14:19

I huɗ mendze zaakwa ya ka, i de a ika gər ahəɗ a. Ama kə̀la ka, i ndze a i təv kurum hiywe. Aɗaba ana iye riŋ nda gà mesife ya, kurum tekeɗe, ki ti ndzwim a nda gà mesife ata mbaŋa.

Yuhana 5:26

Mbulum Tsir gà ka, ndzəɗa Mesife i ba ŋgar. Ama ka, aka viliŋ ndzəɗa ata a ahər a iye, Kəla ŋgar, mbaŋa, na dite i vile a mesife ata a mburma ya.

Yuhana 6:40

Dukw ana a sàs a Tsir gà ya ka, araha: Gà mburma ana tàa ŋgetiŋ, a iye, Kəla Mbulum, dite tàa gəs iye nda gəzləŋ tar a ka, ta ŋget a mesife ana à ndìv a tsa aà biybiy a, dite ka, i mbele a à tar i məməta ya, a pat ana gər ahəɗ à ndìv a ya.»

Yuhana 6:57

Tsir gà, mala məvəla mesife na a slərra iye ya. Iye ihər i ndze a ka, aɗaba ŋgat. Kamala taŋa ya, ku weke na aka zəm slu ba gà ka, a ndze a aɗaba iye mbaŋa.

RUMA 11:28

Ama tar ka, ti niw bazlam ŋgwal ŋana, ti ne gà ɓəzla gùvəl Mbulum. Kamala taŋa ya, kurum ana gà Yahuda tsiye, ki ŋgetwim a dukw ŋgwal ŋa ata avukw tar. Ama Mbulum a pala tar, dite ka, ti ne gà mandərkwasla ŋgar asa ka, agəra ana a tsik akahər ata a gà bàba gà tsir tar i sida ya ya.

RUMA 5:11

Ama taŋa ɗekɗek tsa. Ki ŋgeyekwe a ba hinne mbaŋa ka, aɗaba ana kà sərakwa ndzer, Mbulum a ndze a nda gà kwa ya. A ndze a nda gà kwa ka, aɗaba Yesuw Kiristi BATSAH kwa ŋana a ne à kwa gà masla ŋgar a.

RUMA 5:6

Aɗaba akahər ata piŋŋe ka, kàa ŋgatakwa ndzəɗa aà mege dukw ana ŋgwal ŋa ya tsa. Aləka i dəba ŋa ya, a ndze tits aka məpàslà ahər Mbulum ana a tike ya ka, Yesuw Kiristi a dara, a mət aɗaba kwa ana kwa gà ɓəzla bakal a.

RUMA 8:32

Mbulum ŋgat ka, ku mege Kəla ŋgar aka niw dər tsa, ama a miyak à ŋgat, dite mə̀ mət aɗaba kwa tserdze. Na Mbulum aka vəl a kwa Kəla ŋgar seyiŋ ana, kà dzalum ana, a ta vilekwe a gà dukw ŋgiɗ tserdze mbaŋa tsiye?

RUMA 8:34

Weke na a sle a aà magəsa tar i seriye ya? Wura a riŋ tsa. Aɗaba Yesuw Kiristi nda gər ŋgar a mət agəra kwa. Ama ka, taŋa ɗekɗek tsa, ndeyndey ŋana ka, na Mbulum a mbəlara à ŋgat i məməta ya ya. Ŋgat a riŋ mandza ŋa ika tsèke ahər mezime Mbulum, dite ŋgat a riŋ a hemer a aɗaba kwa mbaŋa asa.

RUMA 8:7

Wur ana a dzele a dukw ana ba ŋgar a waya ya ɗekɗek ka, ŋgat a ne ka, mala mene are a Mbulum. A zezem a ka, dukw ana Mbulum a tsik a tsa, aɗaba ana a sle a tsiye.

2 Kurintiya 5:20

Aɗaba taŋa, mər ka, maa ne gà ɓəzla meslire Kiristi. Ar ka, kamala ana Mbulum nda gər ŋgar a zel a a mburma nda bazlam mər a. Mìi ge a kurum a kamkam, aɗaba Kiristi: Vəlumar vatwa, ma sər ba à kurum nda Mbulum.

2 Kurintiya 5:21

Kiristi ka, aka ge bakal duwa ilik tsidze. Ama ka, Mbulum a zla bakal kwa tserdze, a tike aka gər ŋgar. A ge dər kataya ka, aɗaba kwa, dite i təv ana kwa mandza ŋa i təv ilik ŋa nda gà Kiristi ya ka, a ne a à kwa gà ŋgwal ŋa ika miɗ ŋgar.

EFESIYA 2:16

Aka mbete à mene are ana ika magər tar a, nda məməta ŋgar ana aà dizl magə̀làwà ŋa ya. A gaw akaba gà gwala ata sula ya, a ne à tar ba ilik. Dite a sər ba aà tar nda gà Mbulum.

EFESIYA 2:3

Akahər ata piŋŋe ka, kwa tserdze kà gawakwa ɗa ka, kamala tar a mbaŋa. Kì gewakwa ka, gà dukw ana ŋgwal ŋa tsa, a sàs a kwa ya. Kà dzalawakwa ka, aka mege gà dukw ana a da a kwa gər a ɗekɗek. Agəra taŋa na seriye Mbulum a ta gis a kwa zləmana ŋa kamala gà mìsle ŋgiɗ a.

IBƏRANIKWA 2:17

Aɗaba taŋa, ku mege i təv dukùla ya tserdze ka, say a ne à ba ŋgar kalkal ba gà damər ŋgar a dzekwiŋ, na dite ti ndzer are tsehe ya, a ne *batsah mala mandəva kuɗa a Mbulum aà mege megemir ndaka vatwa ŋa ika miɗ ŋgar mbaŋa. A ge dər kataya ka, aà məbàrà dər bakal aà mburma ya tserdze, dite ka, tə sər akaba ahəm nda gà Mbulum.

IBƏRANIKWA 7:25

Aɗaba taŋa na ŋgat a riŋ nda gà ndzəɗa, a sle a aà məmbàlà à gà mburma ana kinehe ti dere a a təv Mbulum, nda ahər ŋgar a ya. Aɗaba ŋgat a ndze a ka, aà biybiy, dite ŋgat a riŋ a heme a a Mbulum agəra gà mburma ata kəla pat mbaŋa asa.

1 Yuhana 2:1

Gà ɓəza gà, i wetse a kurumaha gà dukw ata ka, dite ka, ki gwim bakal asa tsa. Ama na bəla wura a ge a bakal ka, sərum dər, wele ŋgiɗ a riŋ mandza ŋa ika miɗ Mbulum Tsir kwa, a heme a aɗaba kwa. Wele ata ka, Yesuw Kiristi. Ŋgat ka, bakal ŋgar a riŋ tsa.

1 Yuhana 4:10

Araha na dukw ana a ne mawàyà ba ya: Mbulum na a lah meweye kwa ya. A slər a kwara Kəla ŋgar a. A dara, a mət kamala dukw ana ta kəɗ a Mbulum biy taf a, na dite a pəl a kwa dər à bakal kwa ya, tsəka, kwa tsa na kà làhakwa aà mawàyà ŋgat a.

Sunwa Yuhana 1:18

Iye ka, wur ana a ndze a aà bəra nda gà mesife ya. Ama ka, Yàa mət, i dəba ŋa ya ka, Yàa mbəlara i məməta ya asa. I ndze a aà bəra nda mesife ka, aà biybiy. Iye ka, ndzəɗa ŋa ika gər məməta, nda gà ika gər təv mendze gà məməta ana tar mandza ŋa iɗəm a asa mbaŋa.