RUMA 5:1 - Bible Zulgo

¹ Kamala taŋa ya, Mbulum a ne à kwa gà ŋgwal ŋa ika miɗ ŋgar ka, aɗaba ana kə̀ gə̀sakwa ŋgat nda gəzləŋ kwa ya. Ama kinehe ka, ki ndzekwe a zayya nda gà Mbulum, agəra dukw ana Yesuw Kiristi BATSAH kwa ŋa a ge ya.

RUMA 5:1 ပူးပေါင်းရင်းမြစ်များ

Luka 19:38

Ta gwaɗawa: «Mipìsè ahəm ika gər Əbay ana Mbulum a slərra ŋgat a faha ya. Gà na i mbulum tserdze ya ka, tə ndza zayya nda gà matasla yam i gəzləŋ. Mezembeɗe ma ge ka, biy Mbulum Batsah ŋa ana i gər ŋa ya mbaŋa.»*fa*

Luka 19:42

A gwa: «Na mege və̀ɗəna kà gəsum meslire dukw ana a vile a kurum a mandza zayzay pəra ya, àsla ka, ana ka, ŋgulum. Ama kinehe ka, makàhà ŋa aà kurum a, ki ŋgetwimer a tsa, kàa nwim kamala gà ɓəzla guluf a.

Luka 2:14

«Mezembeɗe mege ka, biy Mbulum ana ika gər mburma tserdze ya. Mandza zayzay ŋgar ika gər gà mburma ana tserdze ika gər ahəɗ, a waya tar a.»

Yuhana 14:27

Ama kinehe i de a aà kurum a ka, i vile a kurum a aba matasla yam gà a gəzləŋ kurum a. Ki ndzwim a dər ɗa barbararra lele. I vile a kurum a ka, kamala biy ana gər ahəɗ a vile a kurum a ya tsa. Ki gwim magəɗa, arəv ma da aà kurum a tsa.

Yuhana 16:33

I tsik a kurum gà dukw ata tserdze ya ka, dite kà ndzakwa nda gà iye, ki ŋgetwim a matasla yam a gəzləŋ zayya lele. Ika gər ahəɗ ka, ki sèwèrwim a are. Ama kə̀la ka, arəv ma da aà kurum a tsa, gəsum gəzləŋ, aɗaba Yàa mba aà gà dukw ana ika gər ahəɗ tserdze ya.»

Yuhana 20:31

Ama gà dukw ana mewetse ŋa i faha ya ka, gà dukw ana, dite ki sirwim a dər, Yesuw ka, Kəla Mbulum ndzer. Ŋgat ka, mala məmbàlà à mburma ana Mbulum a gwa, i ti slir a kurumehe a ya. Ta wetse ka, dite ki ŋgetwim a mesife i təv ŋgar a, agəra ana kàa gəsum ŋgat nda gəzləŋ a.

Yuhana 5:24

Iye ihər i gweɗe a kurum a nda ndzer, pàrsa iɗəm tsa: Wele ana aka dza zləm a bazlam gà, dite aka gəs Mbulum ana a slərra iye ya asa ka, aka ŋgat mesife ana à ndìv a tsa aà biybiy a. Seriye à gis a ŋgat tsa, aka be aà məməta ya a mesife.

Gà Ɓəzla Meslire 10:36

Kà sərum bazlam ana Mbulum a sləraha a gà mburma Isərayel, dite a zla a taraha bazlam ŋgwal ŋa ana a vile a ter a matasla yam a gəzləŋ zayya lele, nda ahər Yesuw Kiristi ya, aɗaba ana ŋgat a ne Batsah ŋa i liwiŋ gà mburma tserdze ya.

RUMA 1:17

Nda təv bazlam ŋgwal ŋa ata ka, Mbulum a riŋ ihər a ɗif a dər a gà mburma tserdze ka, meme na ti sle a aà mene gà ŋgwal ŋa ika miɗ ŋgar a. Ama na a ne a kataya ka, say gà na ta gəs Yesuw Kiristi nda gəzləŋ tar ɗekɗek pəra, daga aà malahalah ŋana ya, haa a tsikw a mandəvandəv ŋana ya, tsəka, vatwa ŋgiɗ ka, a riŋ tsa. Ar ka, kamala ana mewetse ŋa a riŋ i wakita Mbulum ka, ta gwa: «Wur ana aka gəs Mbulum nda gəzləŋ ŋgar a ka, Mbulum a ne a à ŋgat ŋgwal ŋa ika miɗ ŋgar, a viler a mesife.»*fa*

RUMA 1:7

Kamala taŋa ya, na i ge a kurumaha wusa tserdze, a kurum gà mburma ana Mbulum a waya kurum i Ruma ya. A zal a kurum ka, dite ka nwim gà mburma ŋgar. Gà Mbulum Tsir kwa nda Yesuw Kiristi BATSAH kwa ŋa, ta pise a kurum ahəm, ta vəl a kurum matasla yam a gəzləŋ zayya lele.

RUMA 10:10

Aɗaba a mbil a, a ne a dər ŋgwal ŋa ika miɗ ŋgar ka, say à wur ana aka gəs Yesuw nda gəzləŋ, aka tsikara ika arah a, ŋgat na Batsah ga ŋa ya, parakkà lele ya.

RUMA 10:15

Dite dze ana, na gà mburma Yesuw tàa slər mburma a təv tar tsəna, dite meme na gà ɓəzla meslire ata ta wile a aka mede aà metsike a tar a? Ama ka, tàa slər tar dukw ŋgar. Aka ge ba kamala ana a riŋ mewetse ŋa i wakita Mbulum ka, ta gwa: «Samata kwaŋ, na gà ɓəzla meslire na tə dara a təv tar, ti tsik a ter a bazlam ŋgwal ŋana ka, dite zayya a ŋgeye a ter a ba i gəzləŋ a.»*fe*

RUMA 14:17

I təv kwa ana kà hənakwa à gər a bəɗ a Mbulum BATSAH kwa ŋa ya ka, bazlam dukw ana ti zim a ya, ndəna ti zim a tsiye, kige tsa, masà dukw mese ka, a ge a ŋgulum tsa. Dukw ana ŋgwal ŋa i *mekwere Mbulum ivaɗ ka, Mezite Mesife ŋgar ana a ge a megemir i təv kwa ya. A zlèk a kwa aà mege dukw ana ŋgwal ŋa ya ika magər kwa, a vile a kwe a zayya, nda maŋgayaba lele asa.

RUMA 15:13

Kinehe ka, iye riŋ i heme a a Mbulum, mala metsìkè dukw ana a tsik a ka, dite gà mburma ti dzele a ya, mə vəl a kurum maŋgayaba, mà rah a gəzləŋ kurum tsìsl lele, nda matasla yam zayya, agəra megìse kurum ana kàa gəsum ŋgat nda gəzləŋ a. Kamala taŋa ya, madzala gà gər kurum tekeɗe, fit a de a a təv Mbulum, nda ndzəɗa Mezite Mesife ŋgar.

RUMA 15:33

Mbulum, mala məvəla zayzay a mburma, ma ndza i təv kurum ilik ilik tserdze. *Amin.

RUMA 3:22

Vatwa ata gà mburma ti ne a dər ŋgwal ŋa ika miɗ Mbulum a ka, aɗaba megìse tar ana ta gəs Yesuw Kiristi nda gəzləŋ a. Vatwa ata ka, biy gà na ta gəs ŋgat a tserdze, tsəka, biy gà Yahuda ɗekɗek tsa. Aɗaba i təv Mbulum ka, mburma tserdze kalkal ilik pəra.

RUMA 3:30

Aɗaba Mbulum ka, ilik pəra, tsəka, biy ŋgiɗ a riŋ tsa. Na bəla gà Yahuda ta gis a Yesuw Kiristi nda gəzləŋ tar ka, Mbulum a ne à ter a gà ŋgwal ŋa ika miɗ ŋgar. Dite gà asiŋ gà mburma ŋgiɗ ana tar gà Yahuda tsiye tekeɗe, na tàa gəs ka, a ne à ter a gà ŋgwal ŋa ika miɗ ŋgar mbaŋa. A wele a ikaba mburma ya tsa.

RUMA 4:5

Ama i təv Mbulum ka, kataya tsa. Na wura aka gəs Mbulum nda gəzləŋ ŋgar, dite a ge a zlapa nda megemir ŋgar ana a gewa ya tsəka, taŋa ka, Mbulum a ne a à ŋgat ŋgwal ŋa ika miɗ ŋgar. Aɗaba ŋgat a zla vatwa ata ka, aà mene à gà ɓəzla bakal a gà ŋgwal ŋa ika miɗ ŋgar. A ge taŋa ka, biy taf.

RUMA 5:11

Ama taŋa ɗekɗek tsa. Ki ŋgeyekwe a ba hinne mbaŋa ka, aɗaba ana kà sərakwa ndzer, Mbulum a ndze a nda gà kwa ya. A ndze a nda gà kwa ka, aɗaba Yesuw Kiristi BATSAH kwa ŋana a ne à kwa gà masla ŋgar a.

RUMA 5:18

Kamala taŋa ya, seriye Mbulum à gis a mburma tserdze ka, aɗaba Adama ana a ge bakal a ilik. I təv Yesuw Kiristi ana a ge dukw ŋgwal ŋa ya tekeɗe, kamala taŋa ya mbaŋa. Aɗaba ŋgat ilik a beye à mburma tserdze i seriye Mbulum a, dite a vəl a tar mesife asa mbaŋa.

RUMA 6:23

Aɗaba na wura aka ge bakal ka, à mìt a dər. Məməta ŋgar ata a ne ka, kamala dukw mayaba ŋgar a. Ama Mbulum, ŋgat a vilekwe a ka, mesife ana à ndìv a tsa aà biybiy a, biy taf masakəŋa. Kə̀ ŋgatakwa ka, aɗaba ana kwa mandza ŋa i təv ilik ŋa nda gà Yesuw Kiristi BATSAH kwa ŋa ya.

RUMA 9:30

Kamala taŋa ya, ki gweɗekwe a ana, dukùla kinehe ya? Ki gweɗekwe a ka, gà mburma ana gà Yahuda tsiye, tàa yaha vatwa aà mene ŋgwal ŋa i təv Mbulum tsa. Ama kinehe, tə tsahən ahər ka, agəra ana tàa gəs ŋgat nda gəzləŋ a.

GALATIYA 2:16

Ama ku mege kataya tekeɗe, kà sərakwa ndzer, wura ilik ŋgwal ŋa ika miɗ Mbulum tsidze, say wele ana aka gəs Yesuw Kiristi nda gəzləŋ a. Tsəka, wele ana a tike madzala gà gər ŋgar aka məpala ahəm gà Yahuda ya ka, a ne a ŋgwal ŋa tsa. Kwa tekeɗe ka, kàa gə̀sakwa Yesuw Kiristi nda gəzləŋ, na dite Mbulum a samata taŋa ka, à gis a kwa kamala kwa gà ŋgwal ŋa ika miɗ ŋgar a. A ge kataya ka, agəra ana ka zazamakwa məpala ahəm gà Yahuda ya tsa. Aɗaba ta wetse i wakita Mbulum akahər ata ka, ta gwa: «*fa*

GALATIYA 3:25

Ama kinehe ka, vatwa a riŋ, na ki gìsekwe a Kiristi nda gəzləŋ kwa ya kuɗa. Aɗaba kwa i ahər məpala ahəm gà Yahuda ata, à tètìk a kwe a ya asa tsa.

GALATIYA 5:22

Ama megemir Mezite Mesife Mbulum ka, pam. Ar ka, kamala dizl ɗaf ana a we a dukw ŋgwal ŋa ya. Gà dukw ata ka, mawàyà ba ana gà mburma ta weye a ba ya. Maŋgayaba, nda matasla yam ana i gəzləŋ tar a. Ta gis a gəzləŋ i təv gà dukw ŋgiɗ a pampam. Ta gis a mburma lele, ta ge a ter a ka, dukw ana ŋgwal ŋa ya. Tar ka, gà mburma ana gà ndzer ŋa ya.

EFESIYA 2:7

Kərga taŋa ya, aka ge a kwa dukw ŋgwal ŋa hinne nda ahər Yesuw Kiristi. A ge dər kamala taŋa ya ka, aɗaba a sasar məpàtà dər a gà mburma ana ti dere a a təv ŋgar ika miɗ a, dite na ti sir a dər ka, meme na ŋgwal ŋgar ana a vəl biy taf ka, batsah ŋa hinne, a za gà dukw ana tserdze ya.

FILIPIYA 3:9

Say mandza ŋa nda ŋgat ilik na i waya ya. Ama i ta gweɗe a ka, iye ŋgwal ŋa ika miɗ Mbulum, agəra dukw ana piŋŋe i ge ŋgwal ŋa, i zazam məpala ahəm gà Yahuda ya ka, i gweɗe a asa tsa. Ama kəla ka, duwa a riŋ ilik i sir a dər, i gweɗe a, iye ŋgwal ŋa ika miɗ ŋgar a ka, agəra ana i gəs Yesuw Kiristi nda gəzləŋ a. Mbulum na a ne à iye ŋgwal ŋa ya, aɗaba megìse ana i gəs ŋgat a.

KULUSIYA 1:20

A sàs a Mbulum mbaŋa ka, Kəla ŋgar ma sər ba à gà dukw tserdze nda ŋgat, gà dukw ana ika gər ahəɗ a, nda gà na i mbulum i gər ŋa ya mbaŋa. Kamala taŋa ya, a waya ka, gà dukw ata ti ner are asa tsa, tə ndza ika miɗ ŋgar zayzay lele ivaɗ. A ge dər kataya ka, agəra məməta Kəla ŋgar ana a dza à məmbəz ŋgar aà dizl magə̀làwà ŋa ya.

KULUSIYA 3:15

Matasla yam ana Yesuw Kiristi a vəl a kurum a ka, mà rah a gəzləŋ kurum lele. Aɗaba Mbulum a zal a kurum ka, na dite kà nwim ba ilik, ki ŋgetwim a mandza zayzay ata ya. Gwim kəkaaha a Mbulum kəla pat.

1 TESALUNIKE 5:23

Mìi heme a a Mbulum ana a vile a kwe a matasla yam a gəzləŋ a, na dite ki nwim a gà mburma ŋgar, ki ndzwim a tsəɗaŋŋa kamala ŋgat ana a ndze a ya mbaŋa. Dite ma kasla mesife kurum nda madzala gà gər kurum nda gà ba kurum ŋa tserdze, na dite a pat ana Yesuw Kiristi BATSAH kwa ŋa à mère a ya ka, bakal a ge a i təv kurum tsidze ya.

2 TESALUNIKE 3:16

Mìi heme a a BATSAH kwa ŋana ŋgat mala məvəla zayzay a mburma ya, dite mə vəl a kurum matasla yam a gəzləŋ kəla pat ndaka vatwa ŋgiɗ pampam. BATSAH kwa ŋa ma ndza nda gà kurum tserdze.

IBƏRANIKWA 13:20

Mbulum, mala məvəla mandza zayzay a mburma, a hitsera à Yesuw BATSAH kwa ŋa i məməta ya, a ne dər batsah ŋa. A kesle a kwa kamala mala makəva gà təmaŋ ana à kiv a tar a. A ge dər kataya ka, aɗaba məməta Yesuw ana a mət a. Nda məmbəz ŋgar ana a dza dər a ka, a gəs masla nda kwa, dite na a de a aka miɗ aka miɗ, à ndìv a tsiye.