RUMA 4:5 - Bible Zulgo

⁵ Ama i təv Mbulum ka, kataya tsa. Na wura aka gəs Mbulum nda gəzləŋ ŋgar, dite a ge a zlapa nda megemir ŋgar ana a gewa ya tsəka, taŋa ka, Mbulum a ne a à ŋgat ŋgwal ŋa ika miɗ ŋgar. Aɗaba ŋgat a zla vatwa ata ka, aà mene à gà ɓəzla bakal a gà ŋgwal ŋa ika miɗ ŋgar. A ge taŋa ka, biy taf.

RUMA 4:5 ပူးပေါင်းရင်းမြစ်များ

Markus 9:23

Yesuw a gwaɗar aaka: «Aàmala na kù gwa ka, kà sle aà mege duwa ka, zlak mər te ya? Ama dukw tserdze ka, mawùràba ŋa tsa, na kər riŋ kàa gəs iye nda gəzləŋ yak a.»

Yuhana 5:24

Iye ihər i gweɗe a kurum a nda ndzer, pàrsa iɗəm tsa: Wele ana aka dza zləm a bazlam gà, dite aka gəs Mbulum ana a slərra iye ya asa ka, aka ŋgat mesife ana à ndìv a tsa aà biybiy a. Seriye à gis a ŋgat tsa, aka be aà məməta ya a mesife.

Yuhana 6:29

Yesuw a gwaɗa a tar aaka: «Mege megemir ana Mbulum a veve a i təv kurum a ka, magəsa iye, iye wele ana Mbulum a slərra iye ya, nda gəzləŋ.»

RUMA 10:3

Aɗaba tàa tsaraka vatwa ana Mbulum a ne a dər à mburma ŋgwal ŋa ika miɗ ŋgar a tsa. Tar riŋ ti yehe a vatwa ivaɗ ka, aà mene à ba tar ŋgwal ŋa i təv ŋgar nda ahər tar. Kamala taŋa ya, ŋgùɗak ta məsak aba à vatwa ana Mbulum a ne a dər à tar ŋgwal ŋa ika miɗ ŋgar a.

RUMA 3:22

Vatwa ata gà mburma ti ne a dər ŋgwal ŋa ika miɗ Mbulum a ka, aɗaba megìse tar ana ta gəs Yesuw Kiristi nda gəzləŋ a. Vatwa ata ka, biy gà na ta gəs ŋgat a tserdze, tsəka, biy gà Yahuda ɗekɗek tsa. Aɗaba i təv Mbulum ka, mburma tserdze kalkal ilik pəra.

RUMA 4:24

Ta wetse ka, aɗaba kwa mbaŋa. Na kàa gə̀sakwa Mbulum ana ŋgat mala məmbə̀lara à Yesuw BATSAH kwa ŋa i məməta ya nda gəzləŋ kwa ka, a ne à kwe a gà ŋgwal ŋa ika miɗ ŋgar mbaŋa.

RUMA 4:3

Ar ka, kamala ana mewetse ŋa a riŋ i wakita Mbulum a, ta gwa: «Abəraham ka, aka gəs Mbulum nda gəzləŋ ŋgar.» Aɗaba taŋa na Mbulum tekeɗe, a ne à ŋgat ŋgwal ŋa ika miɗ ŋgar a.*fa*

RUMA 4:6

Dawda tekeɗe, a tsik kamala taŋa ya mbaŋa. Akahər ana a fàfəl aka gər maŋgayaba gà mburma ana Mbulum a ne à tar gà ŋgwal ŋa ika miɗ ŋgar a ka, aka ɗama megemir tar ana ta ge ya tsidze.

FILIPIYA 3:9

Say mandza ŋa nda ŋgat ilik na i waya ya. Ama i ta gweɗe a ka, iye ŋgwal ŋa ika miɗ Mbulum, agəra dukw ana piŋŋe i ge ŋgwal ŋa, i zazam məpala ahəm gà Yahuda ya ka, i gweɗe a asa tsa. Ama kəla ka, duwa a riŋ ilik i sir a dər, i gweɗe a, iye ŋgwal ŋa ika miɗ ŋgar a ka, agəra ana i gəs Yesuw Kiristi nda gəzləŋ a. Mbulum na a ne à iye ŋgwal ŋa ya, aɗaba megìse ana i gəs ŋgat a.