RUMA 4:2 - Bible Zulgo

² Na mege Mbulum a ne à ŋgat ŋgwal ŋa ika miɗ ŋgar, agəra mege dukw ana a ge ŋgwal ŋa ya ka, ana ka, a ŋget a vatwa aà masə̀ŋgə̀rà à ba ŋgar ika miɗ Mbulum. Ama ka, aka ŋgat dukw ana à sìŋgìr a dər à ba ŋgar ika miɗ ŋgar a tsa.

RUMA 4:2 ပူးပေါင်းရင်းမြစ်များ

RUMA 15:17

Kamala taŋa ya, megemir Mbulum ata i ge a ya ka, i sle a aà mege zlapa ŋgarra lele ika miɗ ŋgar, agəra ana mər riŋ mandza ŋa i təv ilik ŋa nda Yesuw Kiristi ya.

1 Kurintiya 1:29

Mbulum a pala mburma kamala taŋa ya ka, na dite wura ilik a sle a aà mege zlapa ika miɗ ŋgar asa tsiye.

1 Kurintiya 1:31

Kamala taŋa ya, ar ka, kamala ana mewetse ŋa a riŋ i wakita Mbulum a. Ta gwa ka: «Na wura aka waya masə̀ŋgə̀rà à ba ŋgar ka, mà sə̀ŋgə̀r aba agəra dukw ana Mbulum a ge ya.»*fb*

1 Kurintiya 4:7

Weke na a gwaɗak, kər ka, kà za gà mìsle ŋgiɗ nda dukw ana kə̀ ŋgat nda təv megìse ya? Mbulum tsiye na a ge megemir ata dze ya? Dite aàmala na ki ge a dər zlapa kamala ana kì ge ka, nda ahər yak a?

1 Kurintiya 9:16

Metsìkè bazlam Mbulum ana i tsik a kurum a ya ka, aka viliŋ vatwa aà mege dər zlapa tsa, aɗaba megemir ata ka, i Mbulum na taŋa ya. Ŋgat na a gweɗiŋ, tsik a tar a. Aɗaba bəla na Yàa tsik a tar tsəka, ndelèɓ ndelèɓ mesewere are ika gər gà.

2 Kurintiya 11:12

Yàa gəs siŋgwe i ahər kurum a tsa. Ama aka miɗ mba tekeɗe, i ta gis a tsa mbaŋa. Aɗaba a sèsiŋ ka, i hìndìk a aka bazlam a gà mburma ana tì sìŋgìr a à ba tar, ta gis a siŋgwe i ahər kurum a, dite ta gweɗe a, waytsà mər ka, gà ɓəzla meslire Mbulum, mìi ger a megemir ka, kalkal kamala ana iye Pul i ge a ya.

2 Kurintiya 11:30

Kà wayum na i ge zlapa ya tsə̀nà? Ama i ge a zlapa ata ka, à mbile gà ata ika miɗ Mbulum a, tsəka, ndzəɗa gà a riŋ tsa.

2 Kurintiya 5:12

A sàs a mər na mìi ge a zlapa à ba mər ika miɗ kurum a ɓav tsa. A sàs a mər ka, mìi ɗif a kurum a à vatwa ana ki ta ŋgeywim a dər ba aɗaba mər a ivaɗ. Taŋa ka, bəla gà mìsle ŋgiɗ ta wele a aà mər a ka, ki sirwim a mifefile a tar aakiŋa. Tar tə sə̀ŋgə̀rawa aba i tar ka, nda dukw ana ta ŋgeter a tsara ya, tsəka, ta fir a aà dəba tar dzekwiŋ tsa. Dite na bəla gəzləŋ tar manəsa ŋa tekeɗe ka, i tar duwa tsa.

GALATIYA 3:22

Seyiŋ tsa, ar ka, kamala ana ta wetse i wakita Mbulum a, ta gwa ka, bakal na a kwere a gà mburma ana ika gər ahəɗ tserdze ya ivaɗ. A ge kataya ka, na dite dukw ana Mbulum a tsik i sida ya, a gwa, a ta vile a a mburma ya ka, nda ahər Yesuw Kiristi. Dukw ata a vile a ter a ya ka, agəra megìse tar ana ta gəs ŋgat nda gəzləŋ a.

EFESIYA 2:9

aɗaba wày ka, ki gwimer megemir ata ka, ŋgwal ŋa ya tsa. A ge a kurum biy taf ka, dite wura ma ta ge dər zlapa tsa.

FILIPIYA 3:9

Say mandza ŋa nda ŋgat ilik na i waya ya. Ama i ta gweɗe a ka, iye ŋgwal ŋa ika miɗ Mbulum, agəra dukw ana piŋŋe i ge ŋgwal ŋa, i zazam məpala ahəm gà Yahuda ya ka, i gweɗe a asa tsa. Ama kəla ka, duwa a riŋ ilik i sir a dər, i gweɗe a, iye ŋgwal ŋa ika miɗ ŋgar a ka, agəra ana i gəs Yesuw Kiristi nda gəzləŋ a. Mbulum na a ne à iye ŋgwal ŋa ya, aɗaba megìse ana i gəs ŋgat a.