RUMA 4:17 - Bible Zulgo

¹⁷ Ar ka, kamala ana mewetse ŋa i wakita ya, Mbulum a gwaɗa a Abəraham ka: «I ne aà kər a batsah tsir mburma ika gər gà slàla pampam hinne.»*fd* Ŋgat a ne tsir kwa ika miɗ Mbulum ka, aɗaba ana a gəs Mbulum nda gəzləŋ ŋgar a. Aɗaba a sər, Mbulum ka, mala məmbə̀là à mburma i məməta ya, dite ŋgat asa ka, wele ana a ge dukw tserdze ka, duwa a riŋ zukw tsiye. A tsik a nda bazlam pəra, tsam ka, dukw ata a ge a ba.

RUMA 4:17 ပူးပေါင်းရင်းမြစ်များ

Mata 3:9

Ama kurum ka, ka tə dzalum i gəzləŋ kurum, kù gwaɗum ka, mər gà ɓəza Abəraham tsam ana, làŋa ya tsa. Aɗaba iye ihər i gweɗe a kurum ŋa: Mbulum a sle aà mene a à gà kur aaha kinehe ya, kamala gà ɓəza Abəraham a mbaŋa.

Yuhana 5:21

Kamala Tsir gà ana a mbil a à mburma i məməta ya, a vile a ter a mesife awiya ŋa ya asa ka, iye Kəla ŋgar ŋa tekeɗe, i ta vile a mesife ata a gà na i pala tar a mbaŋa.

Yuhana 5:25

Iye ihər i gweɗe a kurum ŋa nda ndzer, pàrsa iɗəm tsa: Pat ŋa a deriŋa, kamala megweɗe ya ka, aka mbər mendzera kinehe, ama ka, gà məməta ti tsereke a biye ɗa Kəla Mbulum, dite ka, gà na tàa tsaraka ya ka, ta mbiliŋa.

Yuhana 6:63

Mezite Mesife Mbulum na a vile a mesife a mburma ya, tsəka, ndzəɗa mburma a sle a duwa tsa. Gà bazlam ana i tsik a kurum a ka, na a vile a kurum a mesife ndzer ŋana, a dara i təv Mezite Mesife Mbulum a.

Gà Ɓəzla Meslire 15:18

I tsik aba ya daga piŋŋe, dukw ana i gwa, i ta ge a aka miɗ mba ya.> «*fa*

RUMA 3:29

Kurum kà dzalum dze ana, Mbulum ana biy gà Yahuda ɗekɗek a? Dite gà asiŋ gà mburma ŋgiɗ ti dzer a gurmits a bəɗ ti tsidze ya? Awaŋ, ŋgat ka, Mbulum tar tserdze mbaŋa.

RUMA 4:18

Abəraham ka, a gəs Mbulum nda gəzləŋ ŋgar, a sər, Mbulum a ta viliŋ a kəla, ku mege aka ŋgat a dukuməŋa zukw tsa tekeɗe ya. A da aka miɗ aka miɗ nda metìkè madzala gà gər aka dukw ata i gəzləŋ ŋgar hiywe pəra, ku mege gà mìsle ŋgiɗ tə dzala, ta gwa, vatwa a riŋ asa tsa, na Mbulum a ge a dukw ana a tsik i sida ya, a gwa, i ta vile a ya. Kamala taŋa ya ka, Mbulum aka ge dukw ata kaɗəŋ, na dite ka, Abəraham a ne tsir gà mburma hinne kuɗa ya. Ar ka, kamala ana Mbulum a gwaɗar: «Gà ɓəza yak ti ta ge a riŋ ka, hinne, kamala gà mawusawus ana aà gəza mbulum a.»*fe*

RUMA 4:2

Na mege Mbulum a ne à ŋgat ŋgwal ŋa ika miɗ ŋgar, agəra mege dukw ana a ge ŋgwal ŋa ya ka, ana ka, a ŋget a vatwa aà masə̀ŋgə̀rà à ba ŋgar ika miɗ Mbulum. Ama ka, aka ŋgat dukw ana à sìŋgìr a dər à ba ŋgar ika miɗ ŋgar a tsa.

RUMA 8:11

Ama na Mezite Mesife Mbulum ana a mbəlara à Yesuw Kiristi i məməta ya, dite Mezite Mesife ata a riŋ mandza ŋa i gəzləŋ kurum ka, taŋa ka, Mbulum a ta mbilere a à ba kurum i məməta ya nda ndzer mbaŋa, pàrsa iɗəm tsa. A ta ge a taŋa ka, nda ndzəɗa Mezite Mesife ŋgar ata mandza ŋa i gəzləŋ kurum a.

RUMA 9:11

I təv ana aka wa tar zukw tsiye ka, Mbulum a tsik aɗaba gà ɓəza ata a ta we a ya, a gwaɗa a Rebeka: «Malahalah ŋana a ne a mala meslire a mala dəba.»*fc* Mbulum a tsiker kamala taŋa ya ka, aka na tàa wa tar zukw tsiye, dite ka, tàa mbər mege dukw ana ŋgwal ŋa ya, kige tsa na ŋgwal ŋa tsiye zukw tsa. A ge dər kataya ka, aà masəra dər, a gewa duwa ka, kamala ana ŋgat a waya ya. A pele a gà mburma ŋgar kataya, tits kamala ana a waya i gər ŋgar a, tsəka, aɗaba ŋgwal tar ana ta ge a ya tsa.

RUMA 9:26

I kwite ana ta gweɗe a à ter a, kurum gà mburma ŋgar tsiye ka, iye Mbulum, mala məvəla mesife a mburma, i gweɗe a ter a, kurum ka, gà ɓəza gà asa mbaŋa.»*fg*

1 Kurintiya 1:28

A pala ka, gà mburma ana taf masakəŋa, ta fir aà ter a kamala za ya, dite meɗè zləm tar a riŋ tsiye asa mbaŋa. A ge dər kataya ka, aɗaba a waya manəsa iɗəm à dukw gà mburma ana meɗè zləm tar a riŋ hinne, ta ge a dər ndzəɗa ya.

1 Kurintiya 15:45

Aɗaba a riŋ mewetse ŋa i wakita Mbulum ka, a gwa: «Adama malahalah ŋa na Mbulum a vəlar mesife ya.»*fe* Wele ana a ndə̀vara aba i dəba Adama ya ka, *Kiristi. Tar ka, ilik nda Mezite Mesife Mbulum ana a vile a mesife awiya ŋa a mburma ya.

1 TIMUTE 6:13

Iye ihər i gweɗek a nda zləm Mbulum, mala məvəla mesife a gà dukw ana tserdze ya, dite nda zləm Yesuw Kiristi, wele ana a tsik dukw ana ndzer a, ika miɗ Əbay Puntiyus Pilatus akahər ata ya:

IBƏRANIKWA 11:12

Akahər ata ka, Abəraham aka ndza aà bəra hinne, aka ge màndawal kwètif kwètif, a zeha ka, hinne tsa na à mìt a ya. Ku mege kataya tekeɗe ka, ŋgat ilik aka ŋgat gà ɓəza hinne, kamala gà mawusawus ana aà gəza mbulum a, kige tsa kamala hewiyeŋ ana i dula vìrìɗìɗɗe a ɗeme a ba tsiye.*ff*

IBƏRANIKWA 11:3

Agəra megìse kwa ana kinehe kə̀ gə̀sakwa Mbulum nda gəzləŋ kwa ya ka, kà sərakwa dər, akahər ata piŋŋe, ŋgat a ge gər ahəɗ ka, nda bazlam ŋgar ana a tsik a, kamala megweɗe ya: Gà dukw ana gà mburma ta ŋgeter a tserdze ya, tə dara ka, i təv dukw ana wura a ŋgeter a tsiye.

IBƏRANIKWA 11:7

Agəra megìse Nuhu ana a gəs Mbulum nda gəzləŋ akahər ata ya ka, a dzalawa aka dukw ana Mbulum a tsikewar, a ta ge a ba aka miɗ mba ya. Ku mege aka ŋgat a gà dukw ata ti ta ge a ba ya zukw tsa tekeɗe ka, aka gəs ahər ahəm. A làmbaɗa batsah slə̀làh yam ana gà mburma ŋgar tserdze ta beye dər à batsah yam ana a rah aka gər ahəɗ fèɗìɗe, dite ka, ti dzeye aɗəm asa tsiye. Nda megìse ŋgar ata a gəs Mbulum a ka, a pə̀z gər ahəɗ a bəɗ nda seriye. Gà mburma ana tə sər Mbulum tsiye ka, tàa dzeye fit. Kamala taŋa ya mbaŋa na Mbulum a zla ŋgat kamala mburma ŋgwal ŋa ya ika miɗ ŋgar ka, aɗaba megìse ŋgar ata a gəs ŋgat nda gəzləŋ a.*fc*

1 PIYER 2:10

Piŋŋe ka, kurum gà mburma Mbulum tsa. Ama kinehe ka, kàa nwim gà mburma ŋgar. Piŋŋe asa ka, kà ndzum are tsehe a Mbulum tsa. Ama kinehe ka, kà ndzumar are tsehe, kàa gəsum kuɗa.*fe*

2 Piyer 3:8

A kurum gà masla gà ana i waya kurum hinne ya. Duwa ilik ma ta məts a kurum gər, kù gwaɗum ka, gà pat ilik nda mive dəbuw ka, tə za ba làŋa diriŋ a tsa, na ika miɗ Mbulum a. Aɗaba tar ka, ilik.