RUMA 4:1 - Bible Zulgo

¹ Meme na kà dzalakwa gà gər aka Abəraham, batsah tsir kwa ana akahər ata ya. Ki gweɗekwe a aka gər ŋgar dze ana, meme? A ge dze ana, dukùla?

RUMA 4:1 ပူးပေါင်းရင်းမြစ်များ

Mata 3:9

Ama kurum ka, ka tə dzalum i gəzləŋ kurum, kù gwaɗum ka, mər gà ɓəza Abəraham tsam ana, làŋa ya tsa. Aɗaba iye ihər i gweɗe a kurum ŋa: Mbulum a sle aà mene a à gà kur aaha kinehe ya, kamala gà ɓəza Abəraham a mbaŋa.

Luka 3:8

Ama kinehe ka, gwim gà megemir ana gà mburma ta ŋgeter a, dite ti sir a dər ka, madzala gà gər kurum aka mbəɗ a təv Mbulum a dzekwiŋ. Kù gwaɗum ka, làŋa Abəraham batsah tsir mər ana, duwa à lìm a aà mər ana, meme ya tsa. Aɗaba iye ihər i gweɗe a kurum ŋa: Mbulum a sle a aà mene à gà kur aaha gà gwala Abəraham mbaŋa.

Yuhana 8:33

Gà asiŋ gà mìsle ŋgiɗ ta gwaɗar aaka: «Mər ka, gà gwala Abəraham. Ama ka, maa ne ɓele wura ilik tsidze. Dite meme na ki gweɗe a mər a ka, mìi ta be a i ɓele ya ya?»

Yuhana 8:53

Na Abəraham tsir mər aka mət seyiŋ ana, wànà kər kà dzala ana, kà za ŋgat a? Dite gà ɓəzla məma à guma Mbulum tekeɗe, tàa mata asa ana, kər ana, weke?»

Yuhana 8:56

Batsah tsir kurum Abəraham aka ŋgaya ba hinne, i təv ana Mbulum a tsikar i sida ya, a ta ŋget a a pat gà ana i dere a ya. Aka ŋgatar, dite a ŋgaya ba hinne kaɗəŋ.»

Gà Ɓəzla Meslire 13:26

A kurum gà damər gà ana i gwala Abəraham a, dite nda gà asiŋ gà mburma ana ɗa i liwiŋ tar ki gwim a magəɗa a Mbulum a. Mbulum a slərra bazlam məmbə̀là à mburma aaha a ta mbil a dər à mburma kinehe ya ka, a təv kwa ya.

RUMA 1:3

Bazlam ŋgwal ŋa ata ka, aka gər Yesuw Kiristi, Kəla ŋgar ana ŋgat BATSAH kwa ŋa ya. Kà sərakwa, ta wa ŋgat ka, i gwala Dawda ana ŋgat Əbay akahər ata ya.

RUMA 3:5

Bəla gà mìsle ŋgiɗ ta gweɗe a: Dukw ana ki gekwe a ŋgwala tsiye ka, à zlèk a mburma, dite tə sər dər ka, Mbulum ka, ŋgwal ŋa lele, bakal a riŋ i təv ŋgar tsa. Dite ki gweɗekwe a ter aaka a ana, dukùla? Wànà ki gweɗekwe a ana, Mbulum ka, mala ndzer tsiye, na i təv ana a ge a matsəɓatsəɓ, à gis a kwa nda seriye ŋgar a? I wiz taŋa ka, kamala ana gà asiŋ gà mburma ta wizewa ya mbaŋa.

RUMA 4:16

Aɗaba taŋa na Mbulum a tsik i sida ya, a gwa, i ta vile a ka, a gà na ta gəs ŋgat nda gəzləŋ a ya. A ge dər kataya ka, aɗaba mburma tə sər dər, ŋgwal ŋgar ata a ge a ter a ya ka, biy taf masakəŋa. A vile a dukw ata ka, a gà ɓəza Abəraham tserdze, tsəka, a gà na a ɗif a tar à məpala ahəm Musa a ahər a ɗekɗek tsa. Ama a vile a a gà asiŋ gà mburma ana ta gəs ŋgat nda gəzləŋ tserdze kamala Abəraham ana a gəs a mbaŋa. Aɗaba Abəraham a ne ika gər kwa ka, tsir kwa tserdze.

RUMA 6:1

Na kataya dze ana, dite ki gweɗekwe a kinehe ana, meme? Ki sìkèhekwe a à mege bakal ivaɗ, na dite Mbulum a ge a kwe a ŋgwal ŋa, à sìkèh a kwe a dər a ya?

RUMA 7:7

Kamala taŋa ya, ki gweɗekwe a kinehe dze ana, meme? Wànà məpala ahəm Musa ka, dukw bakal a? Awaŋ, kataya tsa. Ama na mege məpala ahəm Musa a riŋ tsəka, ana ka, ki sirekwe a aba i bakal a tsa. Na mege məpala ahəm ata ma gwa ka, ka ta ge are aka dukw mburma tsa,*fa* tsəka, ana ka, ki sir a ikaba à medzibe bakal ata ya tsidze.

RUMA 8:31

Aɗaba na kataya ana, ki gweɗekwe a dze ana, là, na aka gər bazlam ata ya? Na Mbulum a riŋ mandza ŋa i təv ilik ŋa nda gà kwa dze ana, weke na a sle a aà mimbè aà kwa ya? Wura a riŋ tsa.

2 Kurintiya 11:22

Tar ta gweɗe a ka: «Mər tsiye na gwala gà Yahuda ya?» Ama iye tekeɗe, i gwala tar mbaŋa. Ta gweɗe a asa ka: «Mər ana gà Isərayel tsiye?» Ama iye tekeɗe, kataya mbaŋa. Tar ihər ta gweɗe a asa ka: «Mər ana, gà ɓəza Abəraham batsah tsir mər ana akahər ata ya tsiye?» Yaw, dite iye tekeɗe ana, kəla ŋgar mbaŋa tsiye?

IBƏRANIKWA 12:9

I təv ana gà tsir kwa ana ika gər ahəɗ, ti tsikewa a kwa aà metsehe i təv bakal kwa ya ka, kà zlə̀bawakwa à tar. Kamala taŋa ya, ŋgulum ki hinnekwe a à gər a bəɗ ndeyndey ka, a Tsir kwa ana i gər ŋa ya, na dite ki ŋgetekewe a mesife ya.