RUMA 3:4 - Bible Zulgo

⁴ Awaŋ, kataya tsa. Ku mege gà mburma tserdze ti ne gà ɓəzla pàrsa, tàa zazam ŋgat tsa tekeɗe ka, Mbulum a ge a dukw ana a gwa, i ge a nda ndzer a hiywe pəra. Ar ka, kamala ana mewetse ŋa a riŋ i wakita Mbulum, a gwa ka: «I təv ana kər Batsah mər ŋa ki fèfil a ya ka, ku weke a sir a dər ndzer, kà tsik taŋa ka, ndzer kaɗəŋ, pàrsa iɗəm tsa.» A gwa asa ka: «I təv ana ta mèk a à bakal a ka, wura ilik à gis a kər i seriye tsidze.»*fa*

RUMA 3:4 ပူးပေါင်းရင်းမြစ်များ

Mata 11:19

Ama iye, *wur ana a dara i təv Mbulum a, i dara ka, i zəmawa ɗaf, i sawa dukw ana makwàsà ŋa ya, ta gwa aà iye ka: Ama metsehe Mbulum a pèt a aba lele ka, nda təv megemir ŋgar ana a ge a ya.»

Luka 20:16

Ama a gwaɗa a tar: «A dehe a ka, a bets a iɗəm gà ɓəzla megemir dizl ɗaf ŋgar ata ya fit, dite à dze aɗəm a gà mìsle ŋgiɗ awiya ŋa asa.» Ama gà mburma ata tə tsaraka bazlam ŋgar ata kataya ka, ta gwaɗar aaka: «Gà dukw ata tserdze ya ka, a ge a ba diydiy tsidze.»

Yuhana 3:33

Ama ku weke na aka gəs bazlam ŋgar a ka, taŋa a ne a mala sida Mbulum, à pèt a à ndzer ŋana kaɗəŋ.

RUMA 11:1

Kamala taŋa ya, Kinehe ka, i wiziŋa. Na kataya ana, wànà Mbulum aka məsak à gà mburma ŋgar ata ya? Awaŋ, aka məsak à tar tsa. Iye nda gər gà tekeɗe ka, kəla gà Isərayel ana i gwala Abəraham a. I dara ka, i hwife Benyamin a.

RUMA 11:11

Aɗaba taŋa, kinehe ka, i wiziŋa: Na kataya dze ana, wànà gà Yahuda ata tə dza ika vatwa ya ana, tàa dzeye kweleŋ a? Awaŋ, tàa dzeye tsa. Ama ka, agəra ana ta ge bakal a, na gà asiŋ gà mburma ŋgiɗ ta ŋgat vatwa ana Mbulum a mbil a dər à tar a ya. A ge dər kataya ka, na dite gà Yahuda ta ge aaka are nda təv tar a.

RUMA 3:31

Na bəla kù gwaɗakwa, Mbulum a ne à ter a gà ŋgwal ŋa, agəra ana ta gəs Yesuw Kiristi nda gəzləŋ tar a tekeɗe ana, məpala ahəm Musa a ne a kamala dukw taf masakəŋa ya ɓav a? Ama ka, kataya tsa. Ki ɗifekwe a ka, à ndzer ŋa ana iɗəm a ivaɗ, na taŋa ya.

RUMA 6:15

Ama kinehe ka, kwa i ahər məpala ahəm Musa asa tsa. Kwa ka, i ahər ŋgwal Mbulum ana a ge a kwa ya, na a kwara kwa ya. Dite ki gweɗekwe a dze ana, meme na kinehe ya? Na kataya ana, wànà kà mətsakwa ana, aà mege bakal hiywe pəra ya? Awaŋ, kataya tsidze.

RUMA 6:2

Awaŋ, kataya tsa. Aɗaba kà nekwa ika miɗ bakal ka, kamala ana gà məməta ŋa ya. Dite dze ana, meme na ki mèkwe a aà mandza i bakal asa ya?

RUMA 7:13

Dite na kataya ana, dukw ata ŋgwal ŋa lele ya, na a bats kwa ya ivaɗ a? Awaŋ, kataya tsa. Ama ka, dukw bakal na a bets a kwa ya ivaɗ. Aɗaba dukw bakal ata a ge megemir nda dukw ŋgwal ŋa ata, a bets a dər kwa ya. A ge ba kataya ka, na dite kà sərakwa dər lele, naha ka, bakal kaɗəŋ a. Aɗaba Mbulum a tsik məpala ahəm ŋgar ata ka, a sasar na bakal mə pàt aba ndərzayya kamala dukw ana ŋgwal tsa ndeyndey a ya.

RUMA 7:7

Kamala taŋa ya, ki gweɗekwe a kinehe dze ana, meme? Wànà məpala ahəm Musa ka, dukw bakal a? Awaŋ, kataya tsa. Ama na mege məpala ahəm Musa a riŋ tsəka, ana ka, ki sirekwe a aba i bakal a tsa. Na mege məpala ahəm ata ma gwa ka, ka ta ge are aka dukw mburma tsa,*fa* tsəka, ana ka, ki sir a ikaba à medzibe bakal ata ya tsidze.

RUMA 9:14

Na kataya ana, ki gweɗekwe a dukùla asa ya? Ki gweɗekwe a ana, Mbulum a ge a dukw ana ndaka vatwa ŋa tsiye ya? Awaŋ, kataya tsa.

1 Kurintiya 6:15

Kurum kà sərum te tsiye: ba kwa ka, magàwà ŋa nda ba Yesuw Kiristi ya? Wànà i zle a mezehe ba Yesuw Kiristi, dite i ge a dər muva ya? Awaŋ, a ge a ba tsa.

2 Kurintiya 1:18

Mbulum na mala sida gà ya. Dukw ana maa tsik a kurum a ka, ndzer kaɗəŋ, pàrsa iɗəm tsa. Taŋa dukw ana mì tsikewa a kurum a ka, maa gwa «haya», kige tsa «awaŋ» nda bazlam sula tsa.

GALATIYA 2:17

Aɗaba taŋa, ku mege mər gà Yahuda tekeɗe, mì ne ŋgwal ŋa ika miɗ Mbulum ka, aɗaba ana mì gəs Yesuw Kiristi nda gəzləŋ mər a. Na mər kataya ka, maa ne gà ɓəzla bakal ika miɗ məpala ahəm Mbulum kamala gà asiŋ gà mburma ŋgiɗ ana tserdze ya mbaŋa, aɗaba ana maa dza gurmits a bəɗ a məpala ahəm Mbulum ata asa tsiye. Taŋa dze ana, kamala megweɗe ya: Kiristi na a gəs mər a bakal a ya? Awaŋ, kataya tsidze.

GALATIYA 2:21

Iye ka, i niw a ŋgwal Mbulum ana a ge a kwa ya tsidze. Na mege mburma a ne a ŋgwal ŋa ika miɗ Mbulum agəra ana a gewa dukw ana məpala ahəm a wiz ahər a ka, ana ka, kamala megweɗe ya: Kiristi a mət ka, taf masakəŋa, a ge a ŋgulum tsa. Ama kinehe ka, kataya tsa.

GALATIYA 6:14

Iye ka, i ge a zlapa ti tsidze, say i ge a ka, nda məməta Yesuw Kiristi BATSAH kwa ŋana a mət aà dizl magə̀làwà ŋa ata ya ɗekɗek pəra. Aɗaba məməta ŋgar ata ka, dukw gər ahəɗ a ne taf masakəŋa na aà are gà ya. Ar ka, kamala ana tə ndwandway gà dukw ata aà dizl magə̀làwà ŋa ya mbaŋa. Iye tekeɗe ka, i ne kamala wur ana, a mət ahər a fata ka, dite a miyak à dukw gər ahəɗ a mbaŋa.

1 TIMUTE 3:16

Bazlam ndzer ŋa ata Mbulum a ɗif a kwa dər, dite meme na kinehe ki ndzekwe a ika miɗ ŋgar a ka, batsah bazlam kaɗəŋ ndzer. Wura a sle a aà mimbetse tsa: Bazlam ata ti tsik ka, aà Yesuw Kiristi ana a dara aka gər ahəɗ a, dite a ne mburma ya. Mezite Mesife Mbulum a ɗif dər ka, ŋgat na ŋgwal ŋa lele ya. Gà gawla Mbulum tserdze tàa ŋgatar. Gà mburma ti tsikewa bazlam ŋgar a gà mburma ana ika gər ahəɗ a tserdze. Ama gà asiŋ ŋa, ku mege i ŋga tserdze, tàa gəs ŋgat nda gəzləŋ. I dəba ŋa ya, tsəɗak Mbulum a zla ŋgat a təv mezlibe ŋgar ana tì zlibe a à ŋgat a.

TITUS 1:2

I tsikewa kamala taŋa ya ka, na dite mburma ti sir a dər ka, ta ŋget a mesife ana à ndìv a tsa aà biybiy a. Aɗaba akahər ana Mbulum aka ge gər ahəɗ zukw tsiye ka, aka mbər metsike a kwa aba i sida ya, a gwa: «I ta vile a kurum a mesife ata.» Ŋgat ka, à ses a pàrsa tsidze.

IBƏRANIKWA 6:18

A sasar a tsik aba i sida ya dzekwiŋ, dite i dəba ŋa ya, a mbaɗa asa. A tsik aba ya kataya ka, aà tə sər dər, gà dukw ata a tsik sula ya ka, à me a a dəba tsidze. Mbulum a sle aà mesèse a pàrsa tsa. Gà dukw ata ta mèkwehe a à arəv, a kwa ana kà valakwa a təv ŋgar kamala mendzikwir ana a vel a aà huɗ məmər ŋgar aà məmba ya. Dite ka, ki ndzekwe a nda magəsa gəzləŋ ɓəŋɓəŋ lele. Ki vevekwe a dukw ana Mbulum a tsik a kwa i sida ya, a gwa, a ta vile a kwe a ya.

1 Yuhana 5:10

Aɗaba taŋa, na wura aka gəs Kəla Mbulum nda gəzləŋ ŋgar ka, a sir a gà dukw ata ti ne ndzer a i gəzləŋ ŋgar. Ama wur ana aka gəs bazlam Mbulum a gəzləŋ ŋgar tsiye ka, a ne à ŋgat mala pàrsa. Aɗaba aka gəs dukw ana Mbulum a tsik aka gər Kəla ŋgar a tsa.

1 Yuhana 5:20

Kà sərakwa dər asa ka, Kəla Mbulum a dara aka gər ahəɗ a ka, a vəl a kwa metsehe, na dite ka, kà sərakwa Mbulum ndzer ŋana ya. Kà ndzakwa i təv ilik ŋa nda gà Mbulum ndzer ŋana ka, agəra ana kà ndzakwa i təv ilik ŋa nda gà Yesuw Kəla ŋgar a mbaŋa, kàa gawakwa ba ya. Ŋgat na Mbulum ndzer ŋana ya, dite ŋgat asa na a vəl a kwa mesife ana à ndìv a tsa aà biybiy a asa mbaŋa.

Sunwa Yuhana 3:7

Wele ata a gweɗiŋ asa: «Wetseha bazlam aaha a gawla Mbulum ana i Filadelfiya, a kesle a gà mburma Mbulum a. Ki wetse a ka, bazlam aaha: Na a tsik bazlam ŋa ka, wele ana tsəɗaŋŋa, bakal ihər tsa, dite ŋgat ka, mala ndzer ŋa asa ya. Lèkilè Əbay Dawda ka, i ahər ŋgar. Na bəla aka hə̀ndə̀k i duwa ya ka, wura ilik a sle aà mehìndìkè aɗəm a tsidze, kige tsa, na bəla aka hə̀ndə̀k aɗəm ka, wura ilik a sle a aà mehìndìkè iɗəm a tsa asa mbaŋa.