RUMA 3:27 - Bible Zulgo

²⁷ Aɗaba na kataya ana, duwa a riŋ na ki gekwe a dər zlapa ya asa ya? Awaŋ, duwa a riŋ tsa. Aɗaba la? Agəra na mege wura a zezem a məpala ahəm Musa kalkal lele ka, ana ka, à sìŋgìr a a ba ŋgar hinne. Ama ka, Mbulum a hə̀ndə̀k i vatwa ŋgiɗ a pam, na wura a sle aà mege a dər zlapa asa tsiye. Vatwa ata ka, say biy magəsa Yesuw Kiristi nda gəzləŋ.

RUMA 3:27 ပူးပေါင်းရင်းမြစ်များ

Markus 16:16

Wur ana aka gəs iye nda gəzləŋ, tàa tsilwiɓ dər a yam a ka, a mbiliŋa. Ama wur ana aka gəs iye tsiye ka, sida ika gər ŋgar.

Yuhana 3:36

Wele ana aka gəs Kəla Mbulum a ka, aka ŋgat mesife ana à ndìv a tsa aà biybiy a. Wele ana aka dzar zləm tsiye ka, a ŋget a mesife ata tsa, ama matsəɓatsəɓ Mbulum a riŋ a ndze a ika gər ŋgar.»

RUMA 10:5

Araha na dukw ana Musa a wetse piŋŋe aka gər məpala ahəm Mbulum ata ya, dite ka, meme na ti ne a ŋgwal ŋa i təv mazazama ŋa ya. A gwa ka: «Ku weke na aka zazam məpala ahəm aaha ka, a ŋget a dər mesife. Ama kəla ka, say na a zezem a kalkal lele ya dzekwiŋ.»*fa*

RUMA 11:6

Mipele ata a pala tar, a ge a tar ŋgwal ŋa ya ka, agəra megemir tar ana ta ger a ŋgwal ŋa ya tsa. Na mege a pala tar ka, aɗaba megemir tar ana ta ger a ŋgwal ŋa ya ka, ana ka, dukw taf a ge a iɗəm asa tsa. A pəl a tar taŋa ka, dukw maya ba tar pəra.

RUMA 2:17

Dite kurum gà Yahuda dze ana, meme? A da a kurum a gər ka, hinne na ti zel a kurum a gà Yahuda ya. Kurum kà dzalum ka, duwa a ge a kurum a tsa, aɗaba ana kà sərum məpala ahəm Musa ya. Dite kurum ihər ki sìŋgìrwim a à gər kurum ka, hinne mbaŋa, aɗaba kù gwaɗawum ka, waytsà mər ka, gà mburma Mbulum.

RUMA 2:23

Taŋa kurum ihər ki gwim aaba zlapa ka, hinne, agəra ana Mbulum a ɗif a kurum à məpala ahəm ŋgar a. Ama kurum ihər ki niswim a à məpala ahəm ŋgar ata, dite gà asiŋ gà mìsle ŋgiɗ ta wele a à ŋgat a ka, aɗaba kurum dze ana, meme?

RUMA 3:19

Ama kinehe ka, kà sərakwa ndzer, dukw ana məpala ahəm Mbulum a tsik tserdze ya, a ɗif dər ka, à gà na Mbulum a tsik a tar məpala ahəm ŋgar a ahər a. Kamala taŋa ya, wura ilik a sle a aà mene à ba ŋgar mala ndzer tsa, na ika miɗ Mbulum a. Aɗaba mburma tserdze, ti de a ka, aka miɗ ŋgar na a ti ses a ter a ikaba seriye ya, ku mege weke tekeɗe ya.

RUMA 4:2

Na mege Mbulum a ne à ŋgat ŋgwal ŋa ika miɗ ŋgar, agəra mege dukw ana a ge ŋgwal ŋa ya ka, ana ka, a ŋget a vatwa aà masə̀ŋgə̀rà à ba ŋgar ika miɗ Mbulum. Ama ka, aka ŋgat dukw ana à sìŋgìr a dər à ba ŋgar ika miɗ ŋgar a tsa.

RUMA 7:21

Kamala taŋa ya, dukw ana i samata a gewa ba i təv kwa ya ka, araha: Na bəla a sàs a kwa mege dukw ana ŋgwal ŋa ya ka, tsaatsa ki gekwe a ka, dukw bakal ɗekɗek pəra.

RUMA 7:23

Ama i samata asa ka, duwa ŋgiɗ a riŋ i gəzləŋ kwa na a ge a gùvəl aà madzala gà gər kwa ana ŋgwal ŋa ya ya. Aɗaba dukw ata ŋgwala tsa i gəzləŋ kwa ya ka, à gis a kwa aà mege bakal, kamala ana kwa gà ɓele ŋgar a.

RUMA 8:2

Aɗaba kwa ka, i ahər bakal ana a dzeye a à kwa ya asa tsa. Ndzəɗa Mezite Mesife ana a vile a kwe a mesife nda ahər Yesuw Kiristi ya, na a pəl à kwa i mazazama dukw bakal ata ya, dite ka, ŋgat a kwere a kwa kuɗa ya.

RUMA 9:11

I təv ana aka wa tar zukw tsiye ka, Mbulum a tsik aɗaba gà ɓəza ata a ta we a ya, a gwaɗa a Rebeka: «Malahalah ŋana a ne a mala meslire a mala dəba.»*fc* Mbulum a tsiker kamala taŋa ya ka, aka na tàa wa tar zukw tsiye, dite ka, tàa mbər mege dukw ana ŋgwal ŋa ya, kige tsa na ŋgwal ŋa tsiye zukw tsa. A ge dər kataya ka, aà masəra dər, a gewa duwa ka, kamala ana ŋgat a waya ya. A pele a gà mburma ŋgar kataya, tits kamala ana a waya i gər ŋgar a, tsəka, aɗaba ŋgwal tar ana ta ge a ya tsa.

RUMA 9:31

Gà Yahuda ka, tàa ya ba aà mazazama məpala ahəm ŋgar, ta gwa, waytsà mìi ne a ŋgwal ŋa ika miɗ ŋgar. Ama ka, də̀fàlàm ti ye ihər ba ya, ti sle tsa.

RUMA 9:32

Aàla na ti sle tsiye? Aɗaba tə dzala i gər tar agəra dukw ana ta gwa, mìi ne a aba ŋgwal ŋa ika miɗ ŋgar nda ndzəɗa mər, tàa gəs ŋgat nda gəzləŋ tar tsiye. Aɗaba taŋa na ti ndif sik aà kur a, kamala megweɗe ya, kur ata ka, Yesuw Kiristi.

1 Kurintiya 4:7

Weke na a gwaɗak, kər ka, kà za gà mìsle ŋgiɗ nda dukw ana kə̀ ŋgat nda təv megìse ya? Mbulum tsiye na a ge megemir ata dze ya? Dite aàmala na ki ge a dər zlapa kamala ana kì ge ka, nda ahər yak a?

GALATIYA 2:16

Ama ku mege kataya tekeɗe, kà sərakwa ndzer, wura ilik ŋgwal ŋa ika miɗ Mbulum tsidze, say wele ana aka gəs Yesuw Kiristi nda gəzləŋ a. Tsəka, wele ana a tike madzala gà gər ŋgar aka məpala ahəm gà Yahuda ya ka, a ne a ŋgwal ŋa tsa. Kwa tekeɗe ka, kàa gə̀sakwa Yesuw Kiristi nda gəzləŋ, na dite Mbulum a samata taŋa ka, à gis a kwa kamala kwa gà ŋgwal ŋa ika miɗ ŋgar a. A ge kataya ka, agəra ana ka zazamakwa məpala ahəm gà Yahuda ya tsa. Aɗaba ta wetse i wakita Mbulum akahər ata ka, ta gwa: «*fa*

GALATIYA 3:22

Seyiŋ tsa, ar ka, kamala ana ta wetse i wakita Mbulum a, ta gwa ka, bakal na a kwere a gà mburma ana ika gər ahəɗ tserdze ya ivaɗ. A ge kataya ka, na dite dukw ana Mbulum a tsik i sida ya, a gwa, a ta vile a a mburma ya ka, nda ahər Yesuw Kiristi. Dukw ata a vile a ter a ya ka, agəra megìse tar ana ta gəs ŋgat nda gəzləŋ a.