RUMA 3:25 - Bible Zulgo

^25-26 Mbulum a tike ŋgat kamala dukw ana ta kìɗer a ya, na dite à mìt a aɗaba kwa, məmbəz ŋgar a beye a à kwa i bakal a ya. Kamala taŋa ya, Mbulum a sər ba à kwa nda gà ŋgat ka, aɗaba ana kə̀ gə̀sakwa Yesuw Kiristi nda gəzləŋ kwa ya. A ge dər kataya ka, dite mburma tə sər dər, ŋgat ka, mala ndzer, a waya bakal tsa. Akahər ata ka, aka gəs gəzləŋ i təv bakal ana gà mburma ta gewa ya. A fə̀r ahər kamala ana aka ŋgatar tsiye. Ama aka bəra aaha kinehe ya ka, a ɗif dər a gà mburma kuɗa, aà tə sər dər ka, ŋgat mala ndzer, a waya bakal tsa. Ŋgat a sasar a ge a ka, dukw ana ndzer a, dite ŋgat asa ka, a waya a ne a à mburma gà ŋgwal ŋa ika miɗ ŋgar, na à gà na ta gəs Yesuw Kiristi nda gəzləŋ tar a.

RUMA 3:25 ပူးပေါင်းရင်းမြစ်များ

Yuhana 6:47

Iye ihər i gweɗe a kurum a nda ndzer, pàrsa iɗəm tsa: Wur ana aka gəs iye ya ka, aka ŋgat mesife ana à ndìv a tsa aà biybiy a.

Gà Ɓəzla Meslire 14:16

Aka bəra ana a da a dəba ya ka, aka miyak à gà mburma, tə zazama vatwa tar kamala ta waya ya, dukw tar.

Gà Ɓəzla Meslire 15:18

I tsik aba ya daga piŋŋe, dukw ana i gwa, i ta ge a aka miɗ mba ya.> «*fa*

Gà Ɓəzla Meslire 17:30

Mbulum ka, aka dzala aka mendze ana akahər ata gà mburma tə sər ŋgat tsiye tsa. Ama kinehe ka, a riŋ a zel a a gà mburma tserdze. Ku mege i ŋga, tə dara, ta mbəɗ à gəzləŋ tar.

Gà Ɓəzla Meslire 2:23

Ama ta vəl a kurum vatwa aà makə̀ɗà ŋgat ka, kamala na Mbulum a tsik daga piŋŋe, a ta ge a ba ya dukw ŋgar. Ka vəlum ŋgat a ahər gà na tə sər Mbulum tsiye, tə ndwandway ŋgat aà dizl magə̀làwà ŋa.

Gà Ɓəzla Meslire 3:18

Ama Mbulum aka tə̀kər ka, kamala ana a tsik piŋŋe nda ahər gà ɓəzla məma à guma ŋgar ana fit dze ya, a gwa:

Gà Ɓəzla Meslire 4:28

Ama dukw ana tə ləm dər akaba aà mege ya ka, kamala biy yak ana kà lah metsike, a sàsak aà mege daga piŋŋe ya.

RUMA 2:4

Dze ana, ki fìrwim a aà Mbulum kamala za ya, agəra ŋgwal ŋgar ana batsah ŋa ya ivaɗ a? Kige tsa agəra ana aka gəs gəzləŋ hinne aɗaba bakal kwa ana ki gekwa ya ya. Kurum kà sərum, Mbulum a ge a kurum ŋgwal ŋa, dite na kàa sərum ahər kataya ka, ki mbiɗwim a à madzala gà gər kurum i təv ŋgar a ivaɗ ana, kà sərum ti tsiye?

RUMA 5:1

Kamala taŋa ya, Mbulum a ne à kwa gà ŋgwal ŋa ika miɗ ŋgar ka, aɗaba ana kə̀ gə̀sakwa ŋgat nda gəzləŋ kwa ya. Ama kinehe ka, ki ndzekwe a zayya nda gà Mbulum, agəra dukw ana Yesuw Kiristi BATSAH kwa ŋa a ge ya.

RUMA 5:11

Ama taŋa ɗekɗek tsa. Ki ŋgeyekwe a ba hinne mbaŋa ka, aɗaba ana kà sərakwa ndzer, Mbulum a ndze a nda gà kwa ya. A ndze a nda gà kwa ka, aɗaba Yesuw Kiristi BATSAH kwa ŋana a ne à kwa gà masla ŋgar a.

RUMA 5:18

Kamala taŋa ya, seriye Mbulum à gis a mburma tserdze ka, aɗaba Adama ana a ge bakal a ilik. I təv Yesuw Kiristi ana a ge dukw ŋgwal ŋa ya tekeɗe, kamala taŋa ya mbaŋa. Aɗaba ŋgat ilik a beye à mburma tserdze i seriye Mbulum a, dite a vəl a tar mesife asa mbaŋa.

RUMA 5:9

Yesuw Kiristi a mət aɗaba kwa ka, a ne à kwa gà ŋgwal ŋa ika miɗ Mbulum nda məmbəz ŋgar ana a dza dər a. Aɗaba taŋa, kà sərakwa ndzer, a ta mbil a à kwa i matsəɓatsəɓ Mbulum ana zləmana a ta gis a kwa ya.

1 Kurintiya 5:7

Aɗaba taŋa, zlum iɗəm bakal ata à sìkèh a kamala giɗe ata a kwasawa à duwa ya ika magər kurum a. Kamala taŋa ya ka, ki ndzwim a tsəɗaŋŋa, kamala ɗaf ana giɗe ata ikəka tsəka, a kwese a tsiye. Taŋa i sər ndzer, Mbulum aka bara gəzləŋ kurum agəra Yesuw Kiristi ana a mət aɗaba kwa ya. Ŋgat a ne ka, kamala kəla təmaŋ ana ta kəɗ a Mbulum biy *megirive Paska ya.

2 Kurintiya 5:21

Kiristi ka, aka ge bakal duwa ilik tsidze. Ama ka, Mbulum a zla bakal kwa tserdze, a tike aka gər ŋgar. A ge dər kataya ka, aɗaba kwa, dite i təv ana kwa mandza ŋa i təv ilik ŋa nda gà Kiristi ya ka, a ne a à kwa gà ŋgwal ŋa ika miɗ ŋgar.

EFESIYA 1:7

A mburuɗara kwa i ahər Əbay sitene ya. Nda məməta Kəla ŋgar ata, a pəl a kwa dər à bakal, dite na kə ŋgatakwa mezìwè gà gər kwa kuɗa ya. Kərga taŋa ya, aka ɗif a kwa dər ka, meme na ŋgat a riŋ ihər a ge a kwe a ŋgwal ŋa hinne ya.

EFESIYA 2:13

Akahər ata kurum ka, diriŋ nda Mbulum. Ama kinehe ka, kurum mandza ŋa i təv ilik ŋa nda gà Yesuw Kiristi. Kurum ka, diriŋ nda Mbulum asa tsa, aɗaba ana Yesuw Kiristi a dza à məmbəz ŋgar ka, agəra kurum a.

1 TIMUTE 1:15

Tsarakum, Yesuw a dara aka gər ahəɗ a ka, aà məmbàlà à gà ɓəzla bakal, kamala iye ana Yàa ge bakal ka, hinne, a za biy mburma tserdze ya. Bazlam aaha i tsik a ka, ŋgwal bazlam ndzer, pàrsa iɗəm tsa. Say gà mburma ta gəs a gəzləŋ tar lele.

IBƏRANIKWA 10:4

Ti ne dər akaba ŋgwal ŋa tsəɗaŋŋa tsəka, aɗaba kà sərakwa, gà məmbəz mbuluv sla nda biy vugul ka, a sle a aà məpəla à tar à bakal tsiye.

IBƏRANIKWA 11:14

Wur ana a tsikewa medzibe gà bazlam ata kataya ka, a sasar aà megweɗe: Iye riŋ ihər i yehe a ahəɗ ana a ne a biy ga ya.

IBƏRANIKWA 11:17

Agəra megìse Abəraham ana a gəs Mbulum nda gəzləŋ a ka, a zla kəla məkəs ŋgar mifèndèz ŋa ilik, tə zalar Izak. A kiɗ a a Mbulum zləmana, kamala dukw taf ana masakəŋa ya, i təv ana Mbulum ata a dzik dər à ŋgat a.*fg* A hadzal ba aà məvəlar kəla ŋgar ata, ku mege Mbulum aka tsiker i sida ya piŋŋe, a gwaɗar:

IBƏRANIKWA 11:7

Agəra megìse Nuhu ana a gəs Mbulum nda gəzləŋ akahər ata ya ka, a dzalawa aka dukw ana Mbulum a tsikewar, a ta ge a ba aka miɗ mba ya. Ku mege aka ŋgat a gà dukw ata ti ta ge a ba ya zukw tsa tekeɗe ka, aka gəs ahər ahəm. A làmbaɗa batsah slə̀làh yam ana gà mburma ŋgar tserdze ta beye dər à batsah yam ana a rah aka gər ahəɗ fèɗìɗe, dite ka, ti dzeye aɗəm asa tsiye. Nda megìse ŋgar ata a gəs Mbulum a ka, a pə̀z gər ahəɗ a bəɗ nda seriye. Gà mburma ana tə sər Mbulum tsiye ka, tàa dzeye fit. Kamala taŋa ya mbaŋa na Mbulum a zla ŋgat kamala mburma ŋgwal ŋa ya ika miɗ ŋgar ka, aɗaba megìse ŋgar ata a gəs ŋgat nda gəzləŋ a.*fc*

IBƏRANIKWA 9:28

Kamala taŋa ya, Yesuw Kiristi tekeɗe, à mət ka, sik ilik pəra mbaŋa. A vəl ba ŋgar a Mbulum ka, na dite a beye a dər à gà mburma hinne i bakal tar a ya. I dəba ŋa ya ka, à mère a masula ŋa asa. A mère a ka, aà məpəla à tar i bakal tar a asa tsa. Ama ka, aà məmbə̀là à gà mburma ŋgar ana tar ihər ta bebe a ŋgat a.

IBƏRANIKWA 9:5

Ika sahər ata ka, ta ge aaka gà mendzikiɗe ba gà gawla Mbulum sula.*fa* Taŋa ka, kamala megweɗe ya: Mbulum mandza ŋa i fata à gər ŋgar. Gwezleviyek gà mendzikiɗe ba gà gawla Mbulum ata ka, tits tə dzawa mezite aka sahər ata. Aɗaba sahər ata ka, tə dzawa aaka à məmbəz duwa a Mbulum, dite mə̀ pəl a tar à bakal tar. Ama kinehe ka, a sèsiŋ na i ɗif a kurum a à gà dukw ata ilik ilik tserdze ya asa tsa.

1 Yuhana 1:10

Na bəla ki gweɗekwe a, maa ge bakal tsəka, taŋa ka, kà nekwa à Mbulum ka, kamala ana mala pàrsa ya. Bazlam ana a tsik a kwa ya ka, a riŋ i təv kwa tsa.

1 Yuhana 2:2

Ŋgat na a dara, a mət kamala dukw ana ta kəɗ a Mbulum biy taf a, na dite Mbulum à pìl a kwe a dər à bakal kwa ya. Ama ka, bakal kwa ɗekɗek tsa na à pìl a dər a. A sle a aà məpəla à bakal a gà mburma ana ika gər ahəɗ tserdze ya mbaŋa.

1 Yuhana 4:10

Araha na dukw ana a ne mawàyà ba ya: Mbulum na a lah meweye kwa ya. A slər a kwara Kəla ŋgar a. A dara, a mət kamala dukw ana ta kəɗ a Mbulum biy taf a, na dite a pəl a kwa dər à bakal kwa ya, tsəka, kwa tsa na kà làhakwa aà mawàyà ŋgat a.

Sunwa Yuhana 1:5

Dite Yesuw Kiristi ana ŋgat mala sida nda ndzer ŋa ya tekeɗe ibam, mi pise a kurum ahəm, mə vəl a kurum matasla yam ata a gəzləŋ mbaŋa asa. Ŋgat ka, wele ana a lah məmbə̀lara i məməta ya. Ŋgat ka, Əbay ana ika gər gà Əbay gər ahəɗ tserdze ya. Ŋgat ka, a waya kwa, a dzeye à mesife ŋgar aɗaba kwa. Agəra ana a dza à məmbəz ŋgar ata ya ka, a beye dər à kwa i ahər bakal kwa ya.

Sunwa Yuhana 13:8

Gà mburma ana ika gər ahəɗ a tserdze, ti ti dzèyer a gurmits a bəɗ. Ama say gà mburma ana tàa wetse zləm tar aka wakita gà na ta ŋget a mesife ya, na tì dzer a gurmits a bəɗ tsiye. Ama tar ka, tàa wetseye gà zləm tar daga aka ana tàa ge gər ahəɗ zukw tsiye ya. Wakita ata ka, biy Kəla Təmaŋ ana ta kəɗ a.

Sunwa Yuhana 20:15

Ku mege weke, na zləm ŋgar mewetse ŋa i huɗ wakita gà mburma ata tàa ŋgat mesife ya tsəka, tì yè a ŋgat a akwa ata kamala duluv a mbaŋa.

Sunwa Yuhana 5:9

Tə lah dimis awiya ŋana. I huɗ malàhà dimis tar ata tì lèh a ya ka, ta gwa: «Kər na ŋgwal ŋa ika miɗ Mbulum, ka sle aà mazla wakita ata, dite ki ŋgeheke a ihər dukw ata magàsà ŋa ya. Aɗaba kər ka, tàa kəɗ kər kamala dukw ana ta kəɗ a Mbulum taf masakəŋa ya. Məmbəz yak ana kà dza dər a ka, kà mbùrùɗar dərra mburma a Mbulum a. Ku mege tə dara ika gà ahəɗ ana pampam ika gər ahəɗ tserdze ya, gà na slala tar pam, nda gà təv gà mendze tar pampam, kige tsa gà ahəm tar tekeɗe, pampam a. Kàa ndzəkara tar a, kàa dzàɗa a Mbulum.