RUMA 3:2 - Bible Zulgo

² Ama ka, a ge a ŋgulum hinne aɗaba dukw tserdze kaɗəŋ. Aɗaba malahalah ŋa ka, Mbulum a ɗif à guma ŋgar a ahər a gà Yahuda.

RUMA 3:2 ပူးပေါင်းရင်းမြစ်များ

Yuhana 5:39

Kurum ihər ki dzeŋgwim a wakita Mbulum kəla pat. Kà dzalum ka, ki ŋgetwim a iɗəm mesife ana à ndìv a tsa aà biybiy a. Tsaatsa i huɗ wakita ata ti tsik a ka, aka gər gà.

Gà Ɓəzla Meslire 7:38

I təv ana gà mburma Isərayel ti yahaba gər i kusak aà sik kwite Sinay ka, Musa na mala mazàzə̀ɗà à bazlam gawla Mbulum ana a tsikarra i gər kwite ya, dite na a zazəɗ dərraha a gà gwala kwa ya. Mbulum a ɗerra à bazlam mesife ya, dite na, araha a ndzera a təv kwa ya mbaŋa ya.*fp*

RUMA 1:2

Bazlam ŋgwal ŋa ata ka, Mbulum a tsik i sida ya piŋŋe, a gwa, i ti slir a kurumehiŋa. A tsik ahər ka, a gà ɓəzla məma à guma ŋgar, na dite ta wetse a wakita ŋgar a.

RUMA 2:18

Kurum ka, kà sərum dukw ana a sàs a Mbulum ka, dite gà mburma ta ge ya. Aɗaba məpala ahəm ŋgar ata na a ɗif a kurum à masəra ikaba à gà dukw ana ŋgwal ŋa ya, ndəna ŋgwal ŋa tsiye ya.

RUMA 3:1

Na kataya ana, wele ana ŋgat gà Yahuda ya, a ge a ŋgulum hinne, à zè a gà slàla ŋgiɗ ana tar gà Yahuda tsiye ya? Kige tsa, masàsà ba tar ana tə sasayawa ba ya ana, a ge a ŋgulum hinne asa ya?

RUMA 3:3

I fataya ka, kurum ki gweɗwimiŋ ka: Na gà asiŋ gà mìsle ŋgiɗ ika magər tar, tàa zazam bazlam ata tsəna, meme? Ama iye ihər i gweɗe a kurum a asa ka: Na tàa zazam nda ndzer tsəna, wànà kà dzalum ana, Mbulum a ta ge a dukw ŋgar ana a tsik ndzer a asa tsiye?

RUMA 9:4

Tar ka, gà Isərayel ana Mbulum a pala tar a. A pala tar ka, aà mene à tar gà ɓəza ŋgar. A pàt a tar à ndzəɗa ŋgar, na dite tì zlibe a à ŋgat a. A ɗif a tar à masəra ba ŋgar, nda məpala ahəm ŋgar mbaŋa. A ɗe a tar à vatwa ana, dite ta heme a aà ŋgat a. A tsikewa a tar gà asiŋ gà bazlam ŋgiɗ pampam i sida ya, aka gər dukw ana a vile a ter a ya mbaŋa. Ama ka, ta gəs tsa.

1 Kurintiya 9:17

Na mege i zla megemir ata nda meweye gà ka, ana ka, ŋgulum ta viliŋ a dukw maya ba gà zaakwa. Ama i zla ka, nda meweye gà tsa. Iye ihər i ge a ka, ka ta gwaɗum nda mezìwè gà gər gà tsa, aɗaba Mbulum na a viliŋ a ahər a.

2 Kurintiya 5:19

Ndzer ŋana Mbulum a slərra Kiristi ya ka, aà mà sər ba à tar tserdze nda gà ŋgat. A ɗeme a bakal tar asa tsa. I fataya ka, a slər mər aà metsìkè bazlam masəra ba ŋgar ata a sər ba à mburma nda ŋgat a, a gà mburma.

GALATIYA 2:7

Seyiŋ tsa, tə sər dər ivaɗ ka, Mbulum a viliŋ bazlam ŋgwal ŋana a ahər, a gweɗiŋ ka, daha, ti tsik a gà na tar gà Yahuda tsiye, kamala ana akahər ata a tsik a Piyer, a gwaɗar ka, daha, ti tsik a gà Yahuda ya mbaŋa.

1 TIMUTE 6:20

Ana mà Timute: Kasla megemir ana Mbulum a vəlak a ahər a lele, manəsa bazlam ma tə dara i bazlam yak a tsidze. Ka tə dza zləm a bazlam gà mburma ana ti tsik a ka, ta gwa i tar ka, metsehe, tsaatsa ŋgwal metsehe duwa tsiye ka, ma tə dara i bazlam yak a tsidze mbaŋa.

IBƏRANIKWA 5:12

Ana ka, ki slwim aà mene a gà ɓəzla medzeŋge guma Mbulum a mburma, na mege daga piŋŋe ka, kà dzum ba aà mesìnìkè ba à duwa ya. Ama haa kinehe kàa sərum lele zukw tsa. Say ta me a kurum a aka medzeŋge guma ana kà lah metserekwim a nda təv bazlam Mbulum a lele asa dzekwiŋ. Kurum ka, kà slwim mazəma ɗaf zukw tsa. Kurum ka, kamala gà ɓəza ana ti se a awah aà məmər tar a mba ya.

1 PIYER 4:11

Na wura aka ŋgat ndzəɗa aà metsìkè bazlam ka, ma tsik kamala na Mbulum a tsiker a ika arah a, tsəka, ma zle ahər biy ŋgar pam tsa. Wele ana à zlèk a mburma ya ibam, à zlèk a ka, nda ndzəɗa ana Mbulum a vəlar a mbaŋa. I huɗ gà dukw ana ki gwim a tserdze ya ka, mezembeɗe ma ge ka, biy Mbulum, aɗaba ana kə̀ gəsum Yesuw Kiristi ya. Ŋgat ka, aka ŋgat ndzəɗa ika gər gà duwa ya tserdze aà biybiy, nda gà vatwa mezlibe ana gà mburma tì zlibe à ŋgat a. *Amin.

Sunwa Yuhana 19:10

I tsaraka kataya ka, i dza gurmits a bəɗ aka miɗ ŋgar, i waya mazàmbàɗà à ŋgat. Ama a gweɗiŋ: «Ki ge kamala taŋa ya tsa. Aɗaba iye tekeɗe ka, mala mege megemir Mbulum taf masakəŋa, kamala kurum ana nda gà damər yak kà zazamum ndzer Yesuw ana a ɗif dər a ya. Seyiŋ tsa, zàmbaɗa ka, à Mbulum ivaɗ.» Ndzer Yesuw ata a ɗif dər a, na a vile a ndzəɗa a gà ɓəzla məma à guma ŋgar a.

Sunwa Yuhana 22:6

I dəba ŋa ya ka, gawla Mbulum a gweɗiŋ: «Gà bazlam aaha ka, gà ndzer ŋa, pàrsa iɗəm tsa. Mbulum BATSAH kwa ŋa, mala məvəla Mezite Mesife ŋgar a gà ɓəzla məma à guma ŋgar na a slərra gawla ŋgar a, dite ka, a ɗif à dukw ana a ta ge a ba bise ya, a gà ɓəzla meslire ŋgar.»