RUMA 3:19 - Bible Zulgo

¹⁹ Ama kinehe ka, kà sərakwa ndzer, dukw ana məpala ahəm Mbulum a tsik tserdze ya, a ɗif dər ka, à gà na Mbulum a tsik a tar məpala ahəm ŋgar a ahər a. Kamala taŋa ya, wura ilik a sle a aà mene à ba ŋgar mala ndzer tsa, na ika miɗ Mbulum a. Aɗaba mburma tserdze, ti de a ka, aka miɗ ŋgar na a ti ses a ter a ikaba seriye ya, ku mege weke tekeɗe ya.

RUMA 3:19 ပူးပေါင်းရင်းမြစ်များ

Yuhana 15:25

Gà dukw ata ta ge a ba kataya ka, dite bazlam ana mewetse ŋa i wakita məpala ahəm tar a, mə̀ pàt aba lele, a gwa: *fb*

Yuhana 8:9

Tə tsaraka bazlam Yesuw ata kataya tsara ka, sùtùtùtwa ti lèlekweye fit. Na a lah aà medeye ka, gà bàba ŋana dzekwiŋ. Gà Yesuw ti zeha riŋ à gər tar nda məkəs ata ika miɗ ŋgar a.

RUMA 1:20

Wura aka sle aà meŋgete a Mbulum ilik tsidze. Ama daga aà gər ana a ge gər ahəɗ a, haa kinehe ka, gà dukw ana a ge tserdze ya, ti ɗif dər a gà mburma parakkà, meme na ŋgat a ndza ya. Aɗaba ndzəɗa ŋgar ana a ndze a aà biybiy a ka, aka pàt aba ndzer. Ti sir a dər mbaŋa, ŋgat ilik na Mbulum a. Aɗaba taŋa na ti sle a aà megweɗe a ka, maa sər tsəka, ti sle a tsiye.

RUMA 3:2

Ama ka, a ge a ŋgulum hinne aɗaba dukw tserdze kaɗəŋ. Aɗaba malahalah ŋa ka, Mbulum a ɗif à guma ŋgar a ahər a gà Yahuda.

RUMA 3:23

Aɗaba tar tserdze tàa ge bakal, tàa ŋgat mezlibe ana Mbulum a waya, a vile a ter a zləmana ya tsa.

RUMA 3:4

Awaŋ, kataya tsa. Ku mege gà mburma tserdze ti ne gà ɓəzla pàrsa, tàa zazam ŋgat tsa tekeɗe ka, Mbulum a ge a dukw ana a gwa, i ge a nda ndzer a hiywe pəra. Ar ka, kamala ana mewetse ŋa a riŋ i wakita Mbulum, a gwa ka: «I təv ana kər Batsah mər ŋa ki fèfil a ya ka, ku weke a sir a dər ndzer, kà tsik taŋa ka, ndzer kaɗəŋ, pàrsa iɗəm tsa.» A gwa asa ka: «I təv ana ta mèk a à bakal a ka, wura ilik à gis a kər i seriye tsidze.»*fa*

RUMA 3:9

Na kamala taŋa ya ana, meme na kwa gà Yahuda ya, wànà ki zekwe a gà asiŋ gà gwala ŋgiɗ ika miɗ Mbulum ɓav a? Awaŋ, kataya tsidze. Aɗaba Yàa mbər megweɗe a kurum ka, ku mege gà Yahuda, ku mege gà na tar gà Yahuda tsiye tekeɗe, tar ka, i ahər bakal tserdze.

1 Kurintiya 1:29

Mbulum a pala mburma kamala taŋa ya ka, na dite wura ilik a sle a aà mege zlapa ika miɗ ŋgar asa tsiye.

GALATIYA 3:10

Ama gà na ta gweɗe a ka, waytsà mìi ne a gà ŋgwal ŋa ika miɗ Mbulum, aɗaba ana mìi ge a dukw ana məpala ahəm a tsik a mər a ka, mezelme Mbulum ika gər tar. Aɗaba ta wetse i wakita Mbulum ka, ta gwa: «Na wura a zazamawa gà məpala ahəm ana ta wetse i wakita pampam tserdze ya tsəka, mezelme Mbulum ika gər ŋgar.»*fc*

GALATIYA 4:21

A kurum gà mburma ana a sàs a kurum mandza gurmits a bəɗ a məpala ahəm Musa ya. Iye ihər i tsèm a aà kurum ŋa: Kàa tsarakum dukw ana məpala ahəm ata a tsik a dze ana, wànà kà sərum tsiye?

GALATIYA 4:5

Na dite a bere a à tar i ahər məpala ahəm ata a kwere a tar a ya. A sàs a Mbulum ka, ki nekwe a gà ɓəza ŋgar nda ahər Kəla ŋgar ata.

GALATIYA 5:18

Ama na bəla Mezite Mesife Mbulum na a lèh a kurum a aka miɗ a ka, taŋa ka, məpala ahəm Musa à fə̀r aka kurum a ndzəɗa asa tsa.