RUMA 2:6 - Bible Zulgo

⁶ Ku weke a ŋget a dukw maya ba ŋgar kamala ana a ge ya.

RUMA 2:6 ပူးပေါင်းရင်းမြစ်များ

Mata 16:27

Taŋa iye, *wur ana a dara i təv Mbulum a, i mère a ka, nda ndzəɗa Tsir gà ana ti zlibe a dər a ndzer, dite nda gà gawla ŋgar a. Na Yàa dara ka, ku weke a ŋget a dukw mayaba ŋgar kalkal kamala megemir ŋgar ana a ge ya mbaŋa.

RUMA 14:22

Dukw ana kàa dzala, kàa waya bəla awara ya ka, ndza dər i gər yak ɗekɗek, ka ti tsik a wura tsa. Ma ndza ka, ika magər kurum nda Mbulum ilik. Wur ana a ge a gà dukw ata ka, nda madzala gà gər ŋgar ilik sah lele, a gweɗe a, naha ka, awisl, taŋa ka, ndzer kaɗəŋ, kige tsa awisl tsiye ka, ŋgat na maŋgayaba ika gər ŋgar a.

1 Kurintiya 3:8

Gà wele ana a dzeve a duwa ya, nda wele ana à dze ahər a yam a ka, tar ka, ilik. Ama kəla ka, Mbulum a vile a ter a dukw mayaba tar, ku weke a ŋget a ka, kamala biy megemir ŋgar ana a ge ya.

1 Kurintiya 4:5

Aɗaba taŋa, ka ta geywim aba seriye ika magər kurum ŋgaŋ ŋgaŋ kataya tsara tsa. Vavum pat ana Batsah kwa a tike məpàslà ahər ŋa ya ivaɗ. A pat ana aka màra ya ka, ŋgat na à pèt a à gà dukw ana makàhà ŋa i luvuŋ kinehe ya parzakkà lele ya. Dite gà dukw ana gà mburma ti dzele a i gà gəzləŋ tar a tekeɗe ka, a ta pèt a aba parakkà lele mbaŋa. A pat ata ka, Mbulum a ti zlibe a à ku mege weke kalkal kamala megemir ŋgar ana a ge ya.

2 Kurintiya 11:15

Aɗaba taŋa, na gà ɓəzla mazlàkà ŋgat tar ihər ti ne a à ba tar kamala ana tar gà ɓəzla meslire Mbulum a ka, ma ne aka kurum kamala dukw mene aà mburma ya ɓav tsa. Ama a pat mandəvandəv gər ahəɗ ka, ti ta ŋget a ŋgwal duwa tsa, kalkal megemir tar ana ta gewa ya mbaŋa.

2 Kurintiya 5:10

Aɗaba kwa tserdze ka, bàlaarì, ki ta hitsekwe a aka miɗ Yesuw Kiristi, na dite à ses a kwe a ikaba seriye kwa ya ya. Ku weke a ŋget a duwa kalkal kamala megemir ŋgar ana a gewa ɗa ika gər ahəɗ a mbaŋa. Na bəla kàa gekwa dukw ana ŋgwal ŋa ya ka, a ta vile a kwe a dukw maya ba kwa. Ama na bəla kàa gekwa dukw ana ŋgwal ŋa tsiye ka, a ti sèwèr a kwe a are.

2 TIMUTE 4:14

Aleksandire, mala mivìɗe duwa, aka giŋ dukw ana ŋgwal ŋa tsiye hinne. Ama ka, BATSAH kwa ŋa à mèr aɗəm a à bakal kalkal dukw megemir ŋgar ana a gewa ya.

Sunwa Yuhana 2:23

tsəka, i ta bets a gà ɓəza ŋgar mbaŋa, na dite gà mayahaba gər gà mburma Mbulum tserdze ti sir a dər ka, iye na i sər dukw ana gà mburma tə dzala i gər tar, nda gà dukw ana a tsahən aà tar a ya. Kurum tserdze ka, i ti dzèye a kurum a gà dukw mayaba kurum, ku weke kalkal nda megemir ŋgar ana a ge ya.

Sunwa Yuhana 20:12

I fataya asa ka, i ŋgataha a gà məməta tserdze asa mbaŋa, ku mege gà bàba ŋana nda gà ɓəza ŋana tekeɗe ya. Tar gà mehìtsèyè ŋa ika miɗ təv mendze Əbay ata. I dəba ŋa ya asa ka, mìsle ŋgiɗ a handaka ikaba gà wakita ya. Ta wetse aɗəm ka, dukw ana gà mburma ta geye ya, dite ka, ta hə̀ndə̀k ikaba wakita ŋgiɗ a asa mbaŋa. Ama i huɗ wakita ŋgiɗ ata ka, ta wetse aɗəm zləm gà mburma ana tàa ŋgat mesife ya. Ta handaka ikaba wakita ata ya ka, Mbulum a ge seriye a gà mburma ata ta mata ya. A sàs a tar ikaba seriye ŋa ya ka, kalkal dukw megemir tar ana ta geye ya. Dukw ata ka, a riŋ mewetse ŋa i huɗ wakita ata dukw ŋgar.

Sunwa Yuhana 22:12

I dəba ŋa ya, Yesuw a gwa asa: «Gwim metsehe lele. Yàa à mimèra bise. I ta mère a ka, nda gà dukw mayaba gà mburma i ahər gà, i ta pìl a dər, ku mege weke a ŋget a kalkal kamala megemir ŋgar ana a gewa ya dukw ŋgar.