Kà sərakwa, Mbulum ana ŋgat mandza ŋa i gər ŋa ya ka, aka ɗif a kwa dər aba ya, a riŋ a ge a matsəɓatsəɓ hinne, agəra gà mburma ana tserdze tì dzer a gurmits a bəɗ tsiye, tar ihər ta fir a aà dukw ana ŋgat a waya ya ka, kamala za ya. Ama ka, a ta ge a ter a seriye. Aɗaba dukw bakal tar ana ta gewa ya ka, ta hə̀ndə̀k dər a vatwa a mburma, aà dite tə sər dukw ana ndzer ŋa ya asa tsa.
RUMA 2:5 - Bible Zulgo5 Ama kurum ka, segeme i gər kurum hinne, a sàs a kurum məmbə̀ɗà à madzala gà gər kurum a təv Mbulum tsa. Kamala taŋa ya, kurum ihər ki sìkèhwim a ka, à ndzəɗa a seriye Mbulum ana à gis a dər kurum a. A pat seriye ata ka, Mbulum a pèt a à matsəɓatsəɓ ŋgar ndərzayya aka miɗ mburma tserdze. Dite à ses a ter a ikaba seriye ya ka, ndaka vatwa ŋa kalkal lele. အခန်းကိုကြည့်ပါ။ |
RUMA 2:5
40 ပူးပေါင်းရင်းမြစ်များ
A kurum gà damər gà ana gà Yahuda tsiye. A sèsiŋ i tsik a kurum a ka, dukw ana makàhà ŋa i təv Mbulum, aka pàtakwa dər akahər ata zukw tsiye. I tsik a ka, dukw ana, dite ki slwim a aà mesikehe à ba kurum ika miɗ ŋgar tsik asa tsiye. Araha na dukw ana i tsik a ya: Ama gà asiŋ ŋa i liwiŋ gà Isərayel ka, tàa ne aba gà mandàkugùrum kaɗəŋ. Kəla ka, gà dukw ata ta ge aaka aba kataya ya ka, à ndìviŋa. Ama say gà na gà Yahuda tsa, Mbulum a pala tar, testes tàa yahabaha gər a təv Mbulum ŋa ya dzekwiŋ. I fataya ka, ta mbìɗ a aba a təv ŋgar, ta gis a kuɗa.
Na Mbulum a ge a duwa kamala taŋa ya ana, ki slekwe aà metsiker a dukùla asa ya? A sasar ka, a pèt a à ndzəɗa ŋgar, gà ɓəzla bakal ti sir a dər ka, meme na a ge a matsəɓatsəɓ aka gər tar a. Ama ku mege tàa ger matsəɓatsəɓ a gəzləŋ, dite a sər, medzeye à tar ide tekeɗe ka, mbə̀rə̀ts mbə̀rə̀ts a veve a tar pəra.
Aɗaba kwa tserdze ka, bàlaarì, ki ta hitsekwe a aka miɗ Yesuw Kiristi, na dite à ses a kwe a ikaba seriye kwa ya ya. Ku weke a ŋget a duwa kalkal kamala megemir ŋgar ana a gewa ɗa ika gər ahəɗ a mbaŋa. Na bəla kàa gekwa dukw ana ŋgwal ŋa ya ka, a ta vile a kwe a dukw maya ba kwa. Ama na bəla kàa gekwa dukw ana ŋgwal ŋa tsiye ka, a ti sèwèr a kwe a are.
Taŋa na a ɗif a kwa dər parakkà, Mbulum a ti ses a ikaba seriye a gà mburma ya ka, nda ndzer ndaka vatwa ŋa ya. Agəra mesewere are kurum ata ka, sərum dər, Mbulum na a ta vile a kurum a vatwa, na dite ki slwim a aà mada a mekwere ŋgar a. Aɗaba mekwere ŋgar ata na kinehe kurum ihər ki sèwèrwim a are ya.
Aɗaba taŋa na Mbulum a zla pat ŋa asa, a zalar «mbakum» a, kərga megweɗe ya ka, kinehe. A tsik ahər i dəba mive ana a da a dəba hinne ya, nda bazlam Dawda, a gwa kamala ana i lah metsike a kurum ndeɗiŋa ya: «Na kàa tsarakum mifefile Mbulum mbakum ka, dzùmar zləm lele, segeme ma ge i gər kurum tsa.»
Gà dukw ata ta geye ba akahər ata ya ka, ti ɗif a kwa dər ka, Mbulum a səraba dukw ŋgar, meme na a ta mbele a à gà mburma ŋgar i mesewere are tar ana tì sèwèr a ya. Ama a ɗif a kwe a dər asa ka, a sər dər, meme na a ta vile a mesewere are a gà na ta ge a dukw ana ŋgwal ŋa tsiye ya. A veve a dər haa a pat ana a ta ge a ter a seriye ya.
Gà gawla Mbulum ana i gər ŋa ya tekeɗe, gà asiŋ ŋa iɗəm, a sàs a tar təv mendze ana Mbulum a vəl a tar kəla biy tar a tsa, ta miyak dər. Aɗaba taŋa na Mbulum a hə̀ndə̀k aà tar a təv luvuŋ ana ziŋziŋ ŋa ya ya. Ti ndze a i fata ka, gà madzàwàyà ŋa nda kedirtsè handəslndəsl aà biybiy. Ti ndze a i fata asa ka, ta bebe a haa a pat seriye Mbulum ana batsah ŋa a ta ge a a gà mburma tserdze ya.
ကြော်ငြာတွေ