RUMA 2:27 - Bible Zulgo

²⁷ Aɗaba taŋa, medzibe gà mburma ata ka, ta pìz a kurum nda seriye. Aɗaba kurum gà Yahuda ka, tàa vəl a kurum məpala ahəm a ahər, na dite kà sasayum ba ya kaɗəŋ. Ama i dəba ŋa ya, ku mege kataya tekeɗe, kàa nəsum à məpala ahəm ata. Ama tar ka, ti zezem a məpala ahəm ata kalkal lele, ku mege tar ka, gà gwala ŋgiɗ pam, gà masàsà ŋa tsa tekeɗe ya.

RUMA 2:27 ပူးပေါင်းရင်းမြစ်များ

Mata 3:15

Ama Yesuw a gwaɗar aaka: «Awaŋ, ka peliŋ ahəm tsa, viliŋ vatwa, aɗaba a sèsiŋ ka, ki geme a dukw ana Mbulum a waya ya.» Yuhana a tsaraka kataya ka, a gəs bazlam Yesuw ata a tsiker a. A daha, a tsilwiɓ aɗəm à ŋgat kuɗa.

Gà Ɓəzla Meslire 13:22

A ta megeha megemir ŋgar ana a ge a ya, a tsahən aà Mbulum tsəka, Mbulum a zla iɗəm ŋgat a, a mburuɗ a tar aɗəm Dawda avukw ŋgat. A ne batsah Əbay i fata. Aləka i dəba ŋa ya, Mbulum a gwa: «*fd*

RUMA 13:10

Ku weke na aka waya mburma kamala taŋa ya ka, a ge a dukw bakal a mburma tsa. Aɗaba taŋa, na kàa waya mburma kataya ka, kàa zazam məpala ahəm ata ka, tèrihhwè lele ndzer.

RUMA 2:15

Kamala taŋa ya, dukw ana ta gewa kataya ya, na a ɗif a kwa dər ka, Mbulum aka wetse məpala ahəm ŋgar a gəzləŋ tar, na dite tə sər dər mege dukw ana ta ge ŋgwal ŋa ya ya. Madzala gà gər tar ibam, a riŋ a ɗif a ter a à taŋa mbaŋa. Aɗaba a gà təv ŋgiɗ ka, tə sərawa dər, na tàa ge dukw ana ŋgwal ŋa ya ya. Dite a gà təv ŋgiɗ ibam, tə sərawa dər na tàa ge bakal a asa mbaŋa.

RUMA 2:20

Kurum ihər ki ɗifwim a à duwa a gà na metsehe tar a riŋ tsiye. Dite ki dzeŋgwim a a gà ɓəza ana ika vatwa Mbulum, tə sər duwa tsiye mbaŋa. Dite kurum ihər ki gweɗwim a asa ka, mər ka, mì sər dukw ana ndzer ŋa ya tserdze, aɗaba ana kà sərum məpala ahəm Mbulum a.

RUMA 2:25

Kurum gà Yahuda ka, kà sasayawum ba, dite aà meɗife dər a mburma ka, kurum ka, kàa nwim gà mburma Mbulum. Na mege kurum ihər ki zezemwim a məpala ahəm Musa lele ka, masàsàyà ba kurum ata ki seseywim a ba ya, a ge a kurum a ŋgulum. Ama na bəla ki zezemwim a kalkal tsəka, masàsàyà ba kurum ata a ge a kurum a ŋgulum tsa. Taŋa ka, kàa nwim kamala ana kurum ka, gà masàsàyà ŋa tsiye, na ika miɗ Mbulum a.

RUMA 2:26

Na bəla wura a riŋ i gwala ŋgiɗ ana tar gà masàsàyà ŋa tsiye, ama na aka zazam məpala ahəm Musa kalkal lele ana, Mbulum à fir a ahər a kamala ana ŋgat masàsà ŋa ya tsiye?

RUMA 2:29

Gà Yahuda ndzer ŋana ka, say wele ana Mbulum aka mbəɗ à gəzləŋ ŋgar a ivaɗ. Dite na a ne masàsà ba ndzer ŋana asa ka, masàsà ba biy Mezite Mesife Mbulum ana a da a gəzləŋ mburma ya, tsəka, nda mazazama məpala ahəm ana ta wetse i wakita ya tsa. Mbulum na a vile a mezlibe a medzibe gà mburma ata ya, tsəka, mburma tsa.

RUMA 3:30

Aɗaba Mbulum ka, ilik pəra, tsəka, biy ŋgiɗ a riŋ tsa. Na bəla gà Yahuda ta gis a Yesuw Kiristi nda gəzləŋ tar ka, Mbulum a ne à ter a gà ŋgwal ŋa ika miɗ ŋgar. Dite gà asiŋ gà mburma ŋgiɗ ana tar gà Yahuda tsiye tekeɗe, na tàa gəs ka, a ne à ter a gà ŋgwal ŋa ika miɗ ŋgar mbaŋa. A wele a ikaba mburma ya tsa.

RUMA 8:4

A ge taŋa ka, na dite ki ŋgetekewe a vatwa aà mege dukw ana məpala ahəm ŋgar a tsik a kwa ya ndzer. Aɗaba mendze kwa ana ki ndzekwe a kinehe ya ka, Mezite Mesife Mbulum na a kwere a kwa ya, tsəka, meèweke ba kwa asa tsa.

1 Kurintiya 7:19

Na bəla kər masàsà ŋa, kige tsa bəla masàsà ŋa tsa ika miɗ Mbulum ka, ilik, duwa a riŋ a ge a ŋgulum tsa. Dukw ana a ge a ŋgulum a ka, ta gəs ahəm aà Mbulum lele.

2 Kurintiya 3:6

Ŋgat na a vəl a mər ndzəɗa ata, na dite mì ne gà ɓəzla meslire ŋgar, mìi tsik a bazlam masəra ba ŋgar ata awiya ŋa, tə sər ba nda gà mburma ya. Masəra ba ŋgar awiya ŋa ata ka, ar ka, kamala məpala ahəm ana ta wetse akahər ata piŋŋe ya tsa. Ama ki zezemekwe a ka, Mezite Mesife Mbulum ivaɗ. Aɗaba məpala ahəm ana ta wetse akahər ata piŋŋe ya ka, a dzeye a à mburma a məməta ana ika miɗ Mbulum a. Ama Mezite Mesife Mbulum ka, a vile a ter a mesife ana à ndìv a tsa aà biybiy a.

GALATIYA 5:14

Aɗaba dukw ana batsah ŋa i huɗ gà məpala ahəm tserdze ya ka, araha: «Waya mburma tserdze, ku mege weke, kamala ana kà waya ba yak a mbaŋa.»*fa*

EFESIYA 2:11

Aɗaba taŋa iye ihər i tsik a kurum ŋa, ma ta məts a kurum gər tsa: Dzalum aka mendze kurum ana piŋŋe kà ndzum ɗa ya. Kurum ka, gà Yahuda tsa, gwala kurum ka, pam. Gà Yahuda ka, gà masàsà ŋa fit. Tə zalawa a kurum ka, gà Kirde. Ama ti tsik taŋa ka, aà dukw ana ɗa i bəra gà mburma ta ge a nda ahər tar a pəra.

2 TIMUTE 3:15

dite kàa sər bazlam ana Mbulum a tsik a ka, daga aà gər ana kər kəla ndirkiz mba ya mbaŋa. Taŋa na a vilek a metsehe, dite ki mbil a dər a. Ki mbil a ka, aɗaba megìse yak ana kə̀ gəs Yesuw Kiristi nda gəzləŋ ilik a.

IBƏRANIKWA 11:3

Agəra megìse kwa ana kinehe kə̀ gə̀sakwa Mbulum nda gəzləŋ kwa ya ka, kà sərakwa dər, akahər ata piŋŋe, ŋgat a ge gər ahəɗ ka, nda bazlam ŋgar ana a tsik a, kamala megweɗe ya: Gà dukw ana gà mburma ta ŋgeter a tserdze ya, tə dara ka, i təv dukw ana wura a ŋgeter a tsiye.