RUMA 2:19 - Bible Zulgo

¹⁹ Kurum kà dzalum ka, kurum ihər ki ŋgetwim a a vatwa ndzihndzih lele, ki geswim a ahər a gà ɓəzla guluf. Dite kà dzalum asa ka, kà nwim təv dzaydzay ŋa, na ika miɗ gà mburma ana ti dzeye aɗaba luvuŋ, ti yehe a vatwa tàmtàm a.

RUMA 2:19 ပူးပေါင်းရင်းမြစ်များ

Mata 15:14

A gwaɗa a tar asa: «Miyakum à tar, aɗaba tar ka, a sàs a tar magàsà ahər a gà ɓəzla guluf, tsaatsa tar ŋa na ti ne gà ɓəzla guluf a ivaɗ. Kinehe bəla mala guluf à gis a ahər a mala guluf ŋgiɗ ka, a ge a ba tsa, tùɗùp tì dzèwa akaba a a biye sula məma.»

Mata 4:16

Ama gà mburma ana i lùvùŋ kataya ka, ta ŋget a a dzaydzay kweɗek kweɗek hinne. Tar ana hìrzìzìmme mandza ŋa aà huɗ sìsiye məməta, ti ne kamala ana tar gà məməta ŋa ya ka, a ge a terehe a dzaydzay.»*fe*

Mata 5:14

Kurum kà nwim ka, dzaydzay gər ahəɗ. Ar ka, kamala ŋgwal kə̀sà ana ika təv dzàzl ŋa, makàhà ŋa tsa, mburma a ŋgeter a ɗazlzlà lele ya.

Mata 6:23

Ama na are yak a da aba ya tsəka, ba yak tekeɗe, ar ka, kamala ana i luvuŋ a mbaŋa. Aɗaba taŋa, dukw ana i təv yak, a ɗek a à vatwa dzaydzay a, aka mbete ka, tùtùrkùmma kər mandza ŋa ka, i luvuŋ ana ziŋziŋ a mbaŋa asa, kamala megweɗe ya, madzala gà gər ana ŋgwala tsa ika gər ahəɗ a.»

Markus 10:15

Iye ihər i tsik a kurum a nda ndzer: Wur ana aka gəs mekwere Əbay Mbulum kamala kəla ndirkiz a tsəka, a sle aà mede aɗəm a tsidze.»

Luka 1:79

A ge a dzaydzay ata ka, a gà mburma ana i luvuŋ a, nda gà na i təv mezite məməta ya tserdze mbaŋa. A dzik a dər kwa aka vatwa ana zayya ŋa ya.»

Yuhana 9:34

Ta gwaɗar aaka: «Iyyàh, kər ka, ta wa kər i bakal dukw yak daga piŋŋe ana, dite meme na ki ɗif a mər a à duwa ya?» Tsam ka, tə dalawara ŋgat i təv mayahaba gər tar a sarrrà.

Gà Ɓəzla Meslire 26:18

A sèsiŋ ka, ki hìndìk a ter a are, na dite ta mère a i luvuŋ a, a təv dzaydzay ŋa ya ya, dite ka, ti dere a i mekwere Əbay sitene ya, a təv Mbulum a. Aɗaba na tàa gəs iye ka, Mbulum à pìl a à bakal tar, dite ta ŋget a təv mendze a liwiŋ gà mburma ana Mbulum a pala tar a.> «

RUMA 2:18

Kurum ka, kà sərum dukw ana a sàs a Mbulum ka, dite gà mburma ta ge ya. Aɗaba məpala ahəm ŋgar ata na a ɗif a kurum à masəra ikaba à gà dukw ana ŋgwal ŋa ya, ndəna ŋgwal ŋa tsiye ya.

RUMA 2:20

Kurum ihər ki ɗifwim a à duwa a gà na metsehe tar a riŋ tsiye. Dite ki dzeŋgwim a a gà ɓəza ana ika vatwa Mbulum, tə sər duwa tsiye mbaŋa. Dite kurum ihər ki gweɗwim a asa ka, mər ka, mì sər dukw ana ndzer ŋa ya tserdze, aɗaba ana kà sərum məpala ahəm Mbulum a.

1 Kurintiya 3:18

Wura ilik ma ta bana ba ŋgar tsa. Na wura a gweɗe a: Waytsà iye ka, mala metsehe kamala biy gà mburma gər ahəɗ aaha ta ŋgat a ka, ma ne kamala wur ana a sər duwa tsiye, ika magər kurum a ivaɗ, na dite ka, a ŋget a metsehe ndzer ŋana ya.

1 Kurintiya 4:10

Kamala taŋa ya, mər ka, kamala gà ɓəzla falày ana taf masakəŋa ya, na aɗaba Yesuw Kiristi ya. Ama waytsà kurum ka, gà ɓəzla masəra duwa lele, na i təv magàwà ba kurum ana kə̀ gawum ba nda gà ŋgat a. Mər ka, ndzəɗa mər a riŋ tsa, ama kurum ka, ɓəŋɓəŋ gà ndzəɗa ŋa hinne. Mər ka, ta fir aà mər a bəsənnà kamala za ya. Ama kurum ka, tì zlibe a à kurum a ivaɗ.

FILIPIYA 2:15

na dite ka, ki ndzwim a tsəɗaŋŋa, bakal a ge a i təv kurum tsidze ya. Ki nwim a gà ɓəza Mbulum ana ta ge a bakal asa tsiye ya. Kurum riŋ mandza ŋa ka, i liwiŋ gà ɓəzla məbànà mburma nda gà na ta ge a dukw ana ŋgwal ŋa tsa ika gər ahəɗ aaha ya. Kurum ika magər tar ka, kamala gà màwùsàwùs ana dzaydzay tì div a aà gəza mbulum ndaàvəɗ a.