RUMA 2:17 - Bible Zulgo

¹⁷ Dite kurum gà Yahuda dze ana, meme? A da a kurum a gər ka, hinne na ti zel a kurum a gà Yahuda ya. Kurum kà dzalum ka, duwa a ge a kurum a tsa, aɗaba ana kà sərum məpala ahəm Musa ya. Dite kurum ihər ki sìŋgìrwim a à gər kurum ka, hinne mbaŋa, aɗaba kù gwaɗawum ka, waytsà mər ka, gà mburma Mbulum.

RUMA 2:17 ပူးပေါင်းရင်းမြစ်များ

Mata 3:9

Ama kurum ka, ka tə dzalum i gəzləŋ kurum, kù gwaɗum ka, mər gà ɓəza Abəraham tsam ana, làŋa ya tsa. Aɗaba iye ihər i gweɗe a kurum ŋa: Mbulum a sle aà mene a à gà kur aaha kinehe ya, kamala gà ɓəza Abəraham a mbaŋa.

Luka 10:28

Yesuw a tsaraka kataya ka, a gwaɗar: «Kàa sər lele, ge kataya, dite ki ŋget a mesife ana à ndìv a tsiye.»

Yuhana 5:39

Kurum ihər ki dzeŋgwim a wakita Mbulum kəla pat. Kà dzalum ka, ki ŋgetwim a iɗəm mesife ana à ndìv a tsa aà biybiy a. Tsaatsa i huɗ wakita ata ti tsik a ka, aka gər gà.

Yuhana 5:45

Ama ka tə dzalum ka, i ta me a kurum a à bakal ika miɗ Tsir gà tsa. Na a ta me a kurum a à bakal ka, Musa ana kà tikwim madzala gà gər kurum a təv ŋgar a ivaɗ.

Yuhana 7:19

Magwaɗa ŋa ka, Musa aka vəl a kurum məpala ahəm Mbulum dze ana, dite wura aka gəs ahər ahəm i liwiŋ kurum a ilik tsidze ya. Aàmala na ki yehwim a vatwa aà mekìɗe iye asa ya?»

Yuhana 8:33

Gà asiŋ gà mìsle ŋgiɗ ta gwaɗar aaka: «Mər ka, gà gwala Abəraham. Ama ka, maa ne ɓele wura ilik tsidze. Dite meme na ki gweɗe a mər a ka, mìi ta be a i ɓele ya ya?»

Yuhana 8:41

Kurum ihər ki meswim a ka, à dukw ana tsir kurum ata a gewa ya.» Ta gwaɗar aaka: «Tsir mər ka, Mbulum ilik. Mər ka, gà madazla tsa.»

RUMA 2:23

Taŋa kurum ihər ki gwim aaba zlapa ka, hinne, agəra ana Mbulum a ɗif a kurum à məpala ahəm ŋgar a. Ama kurum ihər ki niswim a à məpala ahəm ŋgar ata, dite gà asiŋ gà mìsle ŋgiɗ ta wele a à ŋgat a ka, aɗaba kurum dze ana, meme?

RUMA 3:27

Aɗaba na kataya ana, duwa a riŋ na ki gekwe a dər zlapa ya asa ya? Awaŋ, duwa a riŋ tsa. Aɗaba la? Agəra na mege wura a zezem a məpala ahəm Musa kalkal lele ka, ana ka, à sìŋgìr a a ba ŋgar hinne. Ama ka, Mbulum a hə̀ndə̀k i vatwa ŋgiɗ a pam, na wura a sle aà mege a dər zlapa asa tsiye. Vatwa ata ka, say biy magəsa Yesuw Kiristi nda gəzləŋ.

RUMA 9:32

Aàla na ti sle tsiye? Aɗaba tə dzala i gər tar agəra dukw ana ta gwa, mìi ne a aba ŋgwal ŋa ika miɗ ŋgar nda ndzəɗa mər, tàa gəs ŋgat nda gəzləŋ tar tsiye. Aɗaba taŋa na ti ndif sik aà kur a, kamala megweɗe ya, kur ata ka, Yesuw Kiristi.

2 Kurintiya 11:22

Tar ta gweɗe a ka: «Mər tsiye na gwala gà Yahuda ya?» Ama iye tekeɗe, i gwala tar mbaŋa. Ta gweɗe a asa ka: «Mər ana gà Isərayel tsiye?» Ama iye tekeɗe, kataya mbaŋa. Tar ihər ta gweɗe a asa ka: «Mər ana, gà ɓəza Abəraham batsah tsir mər ana akahər ata ya tsiye?» Yaw, dite iye tekeɗe ana, kəla ŋgar mbaŋa tsiye?

GALATIYA 2:15

Aɗaba kwa ka, ta wa kwa i gwala gà Yahuda, tsəka, kwa gà mburma ŋgiɗ ana tə sər məpala ahəm Mbulum tsiye tsa.

EFESIYA 2:11

Aɗaba taŋa iye ihər i tsik a kurum ŋa, ma ta məts a kurum gər tsa: Dzalum aka mendze kurum ana piŋŋe kà ndzum ɗa ya. Kurum ka, gà Yahuda tsa, gwala kurum ka, pam. Gà Yahuda ka, gà masàsà ŋa fit. Tə zalawa a kurum ka, gà Kirde. Ama ti tsik taŋa ka, aà dukw ana ɗa i bəra gà mburma ta ge a nda ahər tar a pəra.

Sunwa Yuhana 2:9

I sər mesewere are kurum ana tì sèwèr a kurum a ya. Taŋa kurum ka, gà ɓəzla matawak asa. Ama i təv gà ka, kurum gà ɓəzla limana ivaɗ.*fb* Dite gà dukw ana ti tsik aà kurum ŋgwala tsiye tekeɗe, i sər mbaŋa. Na a tsikewa gà dukw ata kamala taŋa ya ka, gà na ta gwaɗawa, làŋa mər ka, gà Yahuda ya. Ama tsaatsa, tar ka, ti zezem a dukw gà Yahuda nda ndzer ŋa tsa. Tar ka, gà ɓəzla mazazama Əbay sitene.

Sunwa Yuhana 3:1

Wele ata a gweɗiŋ asa: «Wetseha bazlam aaha a gawla Mbulum ana i kwite Sardis, a kesle a gà mburma Mbulum a. Ki wetse a ka, bazlam aaha: Na a tsik bazlam ŋa ka, wele ana gà Mezite Mesife Mbulum təsəla*fa* mandza ŋa i təv ŋgar, dite gà màwùsàwùs təsəla i ahər ŋgar asa mbaŋa ya. I sər megemir kurum ana kurum ihər ki gwim a ya. Ta gweɗe a kurum a ka, waytsà kurum riŋ nda gà mesife kaɗəŋ, ama tsaatsa pàrsa. Kurum ka, gà məməta ŋa ivaɗ.

Sunwa Yuhana 3:9

Dzwìmiŋ zləm lele. Araha na dukw ana i ta ge a nda gà mburma ata ti zezem a Əbay sitene ya, tar ta gwaɗawa, làŋa mər ka, gà Yahuda ya, tsaatsa tar ka, ti zezem a dukw gà Yahuda ŋa nda ndzer ɓav tsa, tar ka, gà ɓəzla pàrsa masakəŋa taf: Ama i slirehe a tar a təv kurum. Ti dehe a, tì zlibe a à kurum nda mandza gurmits a bəɗ aka miɗ kurum, dite na ti sir a dər ka, iye riŋ i waya kurum a.