RUMA 2:15 - Bible Zulgo

¹⁵ Kamala taŋa ya, dukw ana ta gewa kataya ya, na a ɗif a kwa dər ka, Mbulum aka wetse məpala ahəm ŋgar a gəzləŋ tar, na dite tə sər dər mege dukw ana ta ge ŋgwal ŋa ya ya. Madzala gà gər tar ibam, a riŋ a ɗif a ter a à taŋa mbaŋa. Aɗaba a gà təv ŋgiɗ ka, tə sərawa dər, na tàa ge dukw ana ŋgwal ŋa ya ya. Dite a gà təv ŋgiɗ ibam, tə sərawa dər na tàa ge bakal a asa mbaŋa.

RUMA 2:15 ပူးပေါင်းရင်းမြစ်များ

Yuhana 8:9

Tə tsaraka bazlam Yesuw ata kataya tsara ka, sùtùtùtwa ti lèlekweye fit. Na a lah aà medeye ka, gà bàba ŋana dzekwiŋ. Gà Yesuw ti zeha riŋ à gər tar nda məkəs ata ika miɗ ŋgar a.

Gà Ɓəzla Meslire 23:1

Pul a dza are aà mayahaba gər mburma ata ndzazlzla lele. A gwaɗa a tar: «A kurum gà damər gà, iye mandza ŋa ika miɗ Mbulum ka, nda gəzləŋ ilik lele, à gər ana i gəs ŋgat, haa kinehe ya.»

Gà Ɓəzla Meslire 24:16

Aɗaba taŋa na iye riŋ kəla pat, a sèsiŋ mendze ika miɗ Mbulum nda gəzləŋ ŋgwal ŋa lele, dite nda gà ika miɗ gà mburma ya.

RUMA 2:14

Gà asiŋ gà mburma ana i slàla ŋgiɗ a ka, tə sər məpala ahəm Musa tsa. Ama gà mìsle ŋgiɗ ika magər tar a ka, ta ge a dukw ana məpala ahəm Musa ata a tsik, a gwa, gwim a. Ama na tàa ge kataya ka, taŋa ka, tàa sər mege dukw ana ŋgwal ŋa ya, ku mege tàa sər məpala ahəm Musa ata tsa tekeɗe ya.

RUMA 2:27

Aɗaba taŋa, medzibe gà mburma ata ka, ta pìz a kurum nda seriye. Aɗaba kurum gà Yahuda ka, tàa vəl a kurum məpala ahəm a ahər, na dite kà sasayum ba ya kaɗəŋ. Ama i dəba ŋa ya, ku mege kataya tekeɗe, kàa nəsum à məpala ahəm ata. Ama tar ka, ti zezem a məpala ahəm ata kalkal lele, ku mege tar ka, gà gwala ŋgiɗ pam, gà masàsà ŋa tsa tekeɗe ya.

RUMA 9:1

Bazlam aaha i tsik a ya ka, ndzer kaɗəŋ, aɗaba ana iye, mala magəsa Yesuw Kiristi, dite na i ses a pàrsa tsiye. Mezite Mesife Mbulum na a ɗifiŋ à dukw ana i tsik a ya ka, ndzer kaɗəŋ, pàrsa iɗəm tsiye. I madzala gà gər gà tekeɗe, kataya mbaŋa.

2 Kurintiya 1:12

Dukw ana mìi ge a dər zlapa ya ka, araha: I gəzləŋ mər ka, mì sər, mede mər ana mì dawa ika vatwa Mbulum a ka, nda gəzləŋ ilik ŋa, nda ndzer, kamala ana Mbulum a waya ya. Mede mər ata ŋgwal ŋa ndeyndey ka, ika magər kurum. Ndzəɗa mər ana mì ndza dər kataya ya, a dara ka, i madzala gà gər gà mburma gər ahəɗ a tsa. Ama a dara ka, i təv Mbulum ana a ge a mər ŋgwal ŋa ya.

2 Kurintiya 5:11

Na Batsah mər ŋa a ta ge a mər a seriye kamala taŋa ya ka, mìi ger a magəɗa. Aɗaba taŋa mbaŋa, na mər ihər mìi yehe a vatwa aà mandzàkàra mburma aka miɗ ŋgar a, dite na ti sir a dər ka, mər gà ndzer ŋa ya. Mbulum ka, a sər mər ka, lele. Ama i dzala ka, kurum tekeɗe, ki sirwim a iye i gəzləŋ kurum mbaŋa.

1 TIMUTE 4:2

Gà mburma ana ta pese a ter a za ya ka, gà ɓəzla mimbèhè are. Dukw ana ti tsik a ya ka, nda pàrsa. Gà mburma ata ka, ti ne kamala zlir akwa ana aà lùŋguɗ à gis a ka, a wir ahər a tsiye. Tar tekeɗe, ti dzele a aka bakal ana i gəzləŋ tar tsa asa.

TITUS 1:15

I təv gà na gəzləŋ tar tsəɗaŋŋa məbàrà ŋa lele ika miɗ Mbulum a ka, dukw ana ta ge a tserdze ya tekeɗe, tsəɗaŋŋa ŋgwal ŋa lele mbaŋa.*fa* Ama gà na gəzləŋ tar ga ŋgwal ŋa tsa, ta gəs ahəm aà Mbulum tsiye ka, duwa a riŋ tsəɗaŋŋa i təv tar tsidze. Dukw ana tə dzalawa ya ka, ŋgwal ŋa tsa. Dite ku mege a sàs a tar mege dukw ana ŋgwal ŋa tsiye tekeɗe ka, gəzləŋ tar a wir a tsa, aka ne ba tar.