RUMA 2:13 - Bible Zulgo

¹³ Aɗaba mburma a ne a ŋgwal ŋa ika miɗ Mbulum ka, nda matsaraka məpala ahəm nda zləm ɗekɗek tsa. Say nda magəsa ahəm aà dukw ana məpala ahəm ata a tsik a mbaŋa.

RUMA 2:13 ပူးပေါင်းရင်းမြစ်များ

Luka 18:14

Yesuw a gwaɗa a tar asa: «Iye ihər i gweɗe a kurum ŋa: Mala dùwan aaha, aləka a da a ma ka, aka mbər mene ŋgwal ŋa ika miɗ Mbulum, bakal ŋgar aka pəl kuɗa. Ama Farisa aaha ka, ŋgat ka, a ne ŋgwal ŋa tsa. Aɗaba na wura a sasar, tə zalar batsah ŋa ka, Mbulum a ne a ŋgat kəla ŋa ivaɗ. Ama wur ana aka ne à ba ŋgar kwizikw ika miɗ mburma ya ka, Mbulum a ne a ŋgat batsah ŋa asa mbaŋa.»

Luka 8:21

Ama Yesuw a gwaɗa a gà mburma ana i təv ŋgar i fataya: «Gà mama gà nda gà damər gà ka, gà mburma ana tar riŋ tì dze a zləm a bazlam Mbulum, dite ta gis ahər a ahəm a.»

Yuhana 13:17

Kinehe ka, kà sərum taŋa. Maŋgayaba ika magər kurum ka, hinne, na kàa tikwim gər a guma aaha ya.

Gà Ɓəzla Meslire 13:39

Ama na kà gəsum Yesuw nda gəzləŋ kurum ka, Mbulum à pìl a kurum a à bakal kurum tserdze.

RUMA 10:5

Araha na dukw ana Musa a wetse piŋŋe aka gər məpala ahəm Mbulum ata ya, dite ka, meme na ti ne a ŋgwal ŋa i təv mazazama ŋa ya. A gwa ka: «Ku weke na aka zazam məpala ahəm aaha ka, a ŋget a dər mesife. Ama kəla ka, say na a zezem a kalkal lele ya dzekwiŋ.»*fa*

RUMA 2:25

Kurum gà Yahuda ka, kà sasayawum ba, dite aà meɗife dər a mburma ka, kurum ka, kàa nwim gà mburma Mbulum. Na mege kurum ihər ki zezemwim a məpala ahəm Musa lele ka, masàsàyà ba kurum ata ki seseywim a ba ya, a ge a kurum a ŋgulum. Ama na bəla ki zezemwim a kalkal tsəka, masàsàyà ba kurum ata a ge a kurum a ŋgulum tsa. Taŋa ka, kàa nwim kamala ana kurum ka, gà masàsàyà ŋa tsiye, na ika miɗ Mbulum a.

RUMA 3:20

Fə̀rum ahər, a ge a kataya ka, aɗaba wura ilik a sle a aà mene ŋgwal ŋa ika miɗ Mbulum agəra ana a zezem a məpala ahəm ŋgar a tsa. Aɗaba məpala ahəm ata à pèt a ka, à bakal a gà mburma ndərzayya ɗekɗek, na dite ka, ti sir ahər a lele ya.

RUMA 3:23

Aɗaba tar tserdze tàa ge bakal, tàa ŋgat mezlibe ana Mbulum a waya, a vile a ter a zləmana ya tsa.

RUMA 3:30

Aɗaba Mbulum ka, ilik pəra, tsəka, biy ŋgiɗ a riŋ tsa. Na bəla gà Yahuda ta gis a Yesuw Kiristi nda gəzləŋ tar ka, Mbulum a ne à ter a gà ŋgwal ŋa ika miɗ ŋgar. Dite gà asiŋ gà mburma ŋgiɗ ana tar gà Yahuda tsiye tekeɗe, na tàa gəs ka, a ne à ter a gà ŋgwal ŋa ika miɗ ŋgar mbaŋa. A wele a ikaba mburma ya tsa.

1 Kurintiya 4:4

Ama iye ka, i sər bakal ana ika gər gà ya tsa kəla. Kamala megweɗe ya ka, iye mala ndzer. Ama i sər ɓav tsa. Yesuw BATSAH kwa ŋa ilik na a ta giŋ a seriye ga ya, tsəka, mìsle ŋgiɗ a riŋ tsa.

GALATIYA 2:16

Ama ku mege kataya tekeɗe, kà sərakwa ndzer, wura ilik ŋgwal ŋa ika miɗ Mbulum tsidze, say wele ana aka gəs Yesuw Kiristi nda gəzləŋ a. Tsəka, wele ana a tike madzala gà gər ŋgar aka məpala ahəm gà Yahuda ya ka, a ne a ŋgwal ŋa tsa. Kwa tekeɗe ka, kàa gə̀sakwa Yesuw Kiristi nda gəzləŋ, na dite Mbulum a samata taŋa ka, à gis a kwa kamala kwa gà ŋgwal ŋa ika miɗ ŋgar a. A ge kataya ka, agəra ana ka zazamakwa məpala ahəm gà Yahuda ya tsa. Aɗaba ta wetse i wakita Mbulum akahər ata ka, ta gwa: «*fa*

GALATIYA 5:4

A kurum gà mburma ana kù gwaɗum ka, Mbulum a ne à mər a gà ŋgwal ŋa ika miɗ ŋgar, agəra ana mìi zezem a məpala ahəm gà Yahuda ya ka, taŋa kurum nda gà Kiristi ka, zàmtàkàlla kàa zùm aba, kurum mandza ŋa i təv ilik ŋa asa tsa. Kàa mbəɗum dəba a ŋgwal dukw ana Mbulum a ge a kurum a.

YAKUBA 1:27

Dukw ana Mbulum Tsir kwa ana i gər ŋa a waya ki zezemekwe a nda ndzer ŋa ya ka, araha: Mege gər a gà ɓəzla matawak ana wur tar a riŋ tsiye, nda gà madakwa gà məkəs ana ti sèwèr a are hinne ya. Dite wur ana a ge a kataya ka, ma kasla ba ŋgar mbaŋa, i təv gà bakal ana ika gər ahəɗ ti sle aà mibene a ŋgat asa tsiye.

1 Yuhana 2:29

Kurum kà sərum, Yesuw Kiristi ka, ŋgat mala ndzer ŋa. Aka ge bakal ilik tsidze. Aɗaba taŋa sərum dər, wur ana a ge a dukw ana ŋgwal ŋa ya ka, ŋgat ka, aka ne kəla Mbulum mbaŋa.

1 Yuhana 3:7

Gà ɓəza gà, wura ma ta paza a kurum za tsa. Aɗaba wur ana a gewa bakal tsiye ka, ŋgat na mala ndzer ŋa ika miɗ Mbulum kamala Kiristi ana ŋgat mala ndzer ŋa ika miɗ Mbulum mbaŋa ya.