RUMA 2:1 - Bible Zulgo

¹ Aɗaba taŋa, kurum ana a sàs a kurum mege medzibe gà dukw ata tsiye tekeɗe, sərum dər, ku weke ka, a be a i seriye Mbulum a ɓav tsa. Aɗaba na kurum ki mwim a à bakal a gà mìsle ŋgiɗ, dite kurum ŋa tekeɗe, kurum ihər ki gwim a gà dukw ana ŋgwala tsa, kamala biy gà mburma ata ta ge ya asa ana, meme? Na ki mwim a à bakal a gà mìsle ŋgiɗ kamala taŋa ya ka, kì gwim aba seriye nda ahər kurum ŋa.

RUMA 2:1 ပူးပေါင်းရင်းမြစ်များ

Luka 12:14

Yesuw a gwaɗar aaka: «Masla gà, weke a tike iye mala mege seriye, aà madzaya a kurum ikaba gà dukw kurum a?»

Luka 19:22

Ama Əbay ata a gwaɗar aaka:

Luka 6:37

«Ka ta mùm à bakal a gà mìsle ŋgiɗ tsa, dite Mbulum tekeɗe, à me a kurum a à bakal tsa mbeete. Ka ta ŋgewim gər a gà mìsle ŋgiɗ tsa, dite Mbulum tekeɗe, a ŋgewe a kurum a gər tsa mbeete asa. Pə̀lum à bakal a gà mìsle ŋgiɗ, dite Mbulum tekeɗe, à pìl a kurum a dər mbaŋa.

RUMA 14:22

Dukw ana kàa dzala, kàa waya bəla awara ya ka, ndza dər i gər yak ɗekɗek, ka ti tsik a wura tsa. Ma ndza ka, ika magər kurum nda Mbulum ilik. Wur ana a ge a gà dukw ata ka, nda madzala gà gər ŋgar ilik sah lele, a gweɗe a, naha ka, awisl, taŋa ka, ndzer kaɗəŋ, kige tsa awisl tsiye ka, ŋgat na maŋgayaba ika gər ŋgar a.

RUMA 2:2

Kà sərakwa, i təv ana Mbulum a ta gis a gà medzibe gà mburma ata ta gewa dukw ana ŋgwala tsiye, i seriye ya ka, nda ndzer ŋa.

RUMA 2:3

Ama na kurum ki mwim a à bakal a gà mìsle ŋgiɗ, dite kurum ŋa tekeɗe, kurum ihər ki gwim a gà dukw ata nda ahər kurum ŋa asa dze ana, meme? Wànà kurum kà dzalum ana, ki beywim a i seriye Mbulum a ɓav a?

RUMA 3:9

Na kamala taŋa ya ana, meme na kwa gà Yahuda ya, wànà ki zekwe a gà asiŋ gà gwala ŋgiɗ ika miɗ Mbulum ɓav a? Awaŋ, kataya tsidze. Aɗaba Yàa mbər megweɗe a kurum ka, ku mege gà Yahuda, ku mege gà na tar gà Yahuda tsiye tekeɗe, tar ka, i ahər bakal tserdze.

RUMA 9:20

Ama kinehe, kwa mburma dze ana, gà weke, na ki mbetsekwebe a ahəm nda gà Mbulum a? Wànà gərwa a gweɗe a a mala maŋgara ŋa: «Aàmala na kə̀ ŋgar iye kataya ya?» Awaŋ, a riŋ tsa.

1 Kurintiya 4:5

Aɗaba taŋa, ka ta geywim aba seriye ika magər kurum ŋgaŋ ŋgaŋ kataya tsara tsa. Vavum pat ana Batsah kwa a tike məpàslà ahər ŋa ya ivaɗ. A pat ana aka màra ya ka, ŋgat na à pèt a à gà dukw ana makàhà ŋa i luvuŋ kinehe ya parzakkà lele ya. Dite gà dukw ana gà mburma ti dzele a i gà gəzləŋ tar a tekeɗe ka, a ta pèt a aba parakkà lele mbaŋa. A pat ata ka, Mbulum a ti zlibe a à ku mege weke kalkal kamala megemir ŋgar ana a ge ya.

1 Kurintiya 7:16

A kər məkəs ana kər kàa gəs Mbulum nda gəzləŋ yak a, meme na ki sir a dər ka, Mbulum a ta mbil a à zal yak aɗaba kər a? Kige tsa kər zal ŋa mbaŋa, meme na ki sir a dər ka, Mbulum a ta mbil a à məkəs yak aɗaba kər a? Ki sirwim a tsa.

YAKUBA 2:20

Kər ana metsehe yak a riŋ ba ya? Meme na ki ɗiŋ a à wur ana a gweɗe a: «Yàa gəs Mbulum», ama ka, a ge a dukw ana ŋgwal ŋa ya tsa, dze ana, wànà megìse ŋgar ata ana, a ge a ŋgulum a?

YAKUBA 4:11

Gà damər gà, ka ti tsikwim dukw ana ŋgwal ŋa tsiye aà mburma tsa. Na wura aka tsik dukw ana ŋgwal ŋa tsiye aà damər ŋgar, kige tsa à mèr a à bakal mbaŋa ka, taŋa ka, a tsik dukw ata ŋgwal ŋa tsiye ka, aà məpala ahəm Mbulum. A mà à bakal ka, a ŋgat mbaŋa. Avukw ana à gis a məpala ahəm ŋgar a ka, a ne mala məmàr à bakal ivaɗ dze ana, meme?