RUMA 16:7 - Bible Zulgo

⁷ Dite ki gwimiŋ a wusa a gà mburma gà, gà Andaranikus nda Yuniyas asa mbaŋa. Mər nda gà tar ka, tàa dza akaba mər a daŋgay dze. Tar sula məma ka, gà ɓəzla meslire Mbulum. Mburma tə sər tar lele, ta waya tar hinne asa. Tar nda gà iye ka, tar na a lah megìse Yesuw Kiristi ya.

RUMA 16:7 ပူးပေါင်းရင်းမြစ်များ

Yuhana 14:20

Na pat ana Mezìtè Mesife Mbulum a dere a a təv kurum a, aka ndzera ka, ki ti sirwim a dər, mər ilik nda Tsir gà, iye riŋ i təv ŋgar, kurum tekeɗe, mandza ŋa i təv i ilik ŋa nda gà iye. Iye tekeɗe, iye riŋ mandza ŋa i gəzləŋ kurum.

Yuhana 15:2

Ahər ana a we a lele tsiye ka, a ses a ihər a. Ama ahər ana a we a ya ka, a tìrìtser a ahəm pəra, dite ka, ma zlala ahər, ma wa lele.

Yuhana 6:56

Wele ana a zim a slu ba gà, dite a se a məmbəz ga asa ya ka, ŋgat a ndze a i təv ga, dite iye tekeɗe, i ndze a i təv ŋgar mbaŋa.

RUMA 16:10

Ama gwim wusa a Apelis, mala magəsa Yesuw Kiristi ndzer ŋana, ti sèwèrer are hinne tekeɗe ka, aka məsak dər tsiye. Ki gwimiŋ wusa a gà mburma ana i bəra Aristubul a.

RUMA 16:11

Ka wizwimiŋ Hirudiyan kəla gà ma gà mbaŋa, dite ka wizwimiŋ gà mburma Mbulum ana i bəra Narkis a asa.

RUMA 16:21

Taŋa Timute ana mìi ge a megemir məma ya, a ge a kurumaha wusa asa. Gà ɓəza gà ma gà, gà Lukiyus nda Yasun, nda gà Susipatarus ta ge a kurumaha wusa mbaŋa.

RUMA 16:3

Gwimiŋ wusa a gà Piriskila nda zal ŋgar Akila. Tar nda gà iye ka, maa ge akaba megemir Yesuw Kiristi.

RUMA 16:6

Ki gwimiŋ wusa a Mariya ana a ge megemir hinne ika magər kurum a mbaŋa.

RUMA 16:8

Gwimiŋ wusa a masla gà Ampiliyatus ana i waya ŋgat hinne, kwa nda gà ŋgat magàwà ŋa i ahər BATSAH kwa ŋa ya.

RUMA 16:9

Ka wizwimiŋ Urubanus ana kwa nda gà ŋgat kwa ihər ki gekwe a akaba megemir Yesuw Kiristi ya mbaŋa asa. Dite ki gwim a wusa a masla gà Istakis ana i waya ŋgat hinne ya asa.

RUMA 8:1

Aɗaba taŋa, kinehe ka, seriye Mbulum à gis a gà mburma ana tar mandza ŋa i təv ilik ŋa nda gà Yesuw Kiristi ya, ilik asa tsidze.

RUMA 8:11

Ama na Mezite Mesife Mbulum ana a mbəlara à Yesuw Kiristi i məməta ya, dite Mezite Mesife ata a riŋ mandza ŋa i gəzləŋ kurum ka, taŋa ka, Mbulum a ta mbilere a à ba kurum i məməta ya nda ndzer mbaŋa, pàrsa iɗəm tsa. A ta ge a taŋa ka, nda ndzəɗa Mezite Mesife ŋgar ata mandza ŋa i gəzləŋ kurum a.

RUMA 9:3

aɗaba gà asiŋ ŋa ana i gwala gà, ta gəs Yesuw Kiristi tsiye. Iye nda gà tar ka, mər nda gà damər. Na mege a ge a ba ka, ŋgulum Mbulum mi viliŋ mezelme, mə̀ və̀rə̀zl ikaba à mər nda Yesuw Kiristi ya, aà məmbàlà à tar, avukw ana i mbil a zləmana ya.

1 Kurintiya 1:30

Ama kurum kinehe ka, Mbulum a zal a kurum, na dite a gaw akaba à kurum a təv ilik ŋa nda gà Yesuw Kiristi ya. Aɗaba Kiristi na a ne metsehe kwa ana a dara i təv Mbulum a ya. Nda təv Yesuw Kiristi mbaŋa asa na Mbulum a ne à kwa gà ŋgwal ŋa ika miɗ ŋgar a. Dite nda ahər ŋgar asa mbaŋa na a pəl a kwa à bakal, dite kà nekwa gà mburma ŋgar a.

2 Kurintiya 11:23

Tar ta gweɗe a asa mbaŋa ka: «Mər ana gà ɓəzla megemir *Kiristi tsiye?» Ama iye tekeɗe ka, kamala taŋa ya mbaŋa asa. I za dər akaba tar kətəɓ kweleŋ kəla. Iye ihər i fèfil a taŋa ka, kamala ana Yàa be a dala ya. Aɗaba Yàa ge megemir ata ka, hinne, a za biy tar. Dite tàa tike iye a daŋgay ka, sik diŋ, a za biy tar asa. Ta gə̀zlawa iye hinne, i ndzawa ka, kamala ana iye i ɗa məməta ya sik diŋ, a za biy tar asa mbaŋa.

2 Kurintiya 12:2

I sər, mala magəsa Yesuw duwa a gəs ŋgat nda gəzləŋ ilik ka, Mbulum aka zla ŋgat a təv ŋgar a gər ŋa. Aka ge kinehe ka, mive kurwa gər faɗ pəra. Bəla a da à ŋgat a fata ka, i huɗ sunwa ŋgar ata a da aaka ya, kige tsa bəla ba ŋgar ŋa na a da a fata nda ndzer a ka, i sər ɓav tsa. Say Mbulum ilik na a sər taŋa ya.

2 Kurintiya 5:17

Aɗaba wur ana mandza ŋa i təv ilik ŋa nda Kiristi ya ka, aka ne mburma awiya ŋa. Mendze ŋgar ana piŋŋe ya ka, a riŋ asa tsa. Aka mbəɗ aba awiya ŋa.

2 Kurintiya 5:21

Kiristi ka, aka ge bakal duwa ilik tsidze. Ama ka, Mbulum a zla bakal kwa tserdze, a tike aka gər ŋgar. A ge dər kataya ka, aɗaba kwa, dite i təv ana kwa mandza ŋa i təv ilik ŋa nda gà Kiristi ya ka, a ne a à kwa gà ŋgwal ŋa ika miɗ ŋgar.

GALATIYA 1:22

Akahər ata ka, gà mburma Yesuw Kiristi ana tar riŋ ika ahəɗ Yuda ya, tə sər iye zukw tsa.

GALATIYA 2:2

I mbəɗ gər a fata ka, aɗaba Mbulum a gweɗiŋ, ge kataya. I ndzeha a fata ka, mì yahaba gər nda gà bàba ŋa ana ika magər gà mburma Mbulum a, kətsah a zlawak zaakwa. I ɗif a tar à bazlam ŋgwal ŋa na i tsikewa a gà na tə sər Mbulum tsiye ya. Aɗaba i waya megemir gà ana i gewa piŋŋe ya, tsikw aà na i da dər a təv tar tekeɗe ka, ma ne taf masakəŋa tsa.

GALATIYA 2:6

I təv ana i ɗifewa a tar à bazlam ŋgwal ŋa ata i tsikewa ya ka, gà na ta fə̀rawa aà tar kamala gà bàba ŋa ika magər gà mburma Mbulum a ka, tàa tsikiŋ aaka bazlam ŋgiɗ awiya ŋa tsidze. Ama ku mege tar gà bàba ŋa, mege tar gà ɓəzla dəba tekeɗe ana, əla gà te ya. Aɗaba gà mburma tserdze ika miɗ Mbulum ka, ilik, tsəka, pampam tsa.

GALATIYA 5:6

Na wura a riŋ aka gaw ba nda Kiristi ka, bəla ŋgat masàsà ŋa, kige tsa bəla masàsà ŋa tsa tekeɗe ka, a ge a ŋgulum tsa. Dukw ana a ge ŋgulum a ka, say megìse kwa ana kə̀ gə̀sakwa ŋgat nda gəzləŋ a. Dite megìse ata na a vile a kwe a ndzəɗa aà mawàyà gà mburma tserdze ya mbaŋa.

GALATIYA 6:15

Aɗaba na wura masàsà ŋa, kige tsa bəla masàsà ŋa tsəka, a tsik a duwa tsa. Na ge a ŋgulum ka, say na ki nekwe a gà mburma ana tàa ŋgat mesife awiya ŋa i təv Mbulum a ya.

EFESIYA 2:10

Aɗaba ŋgat na a ge kwa ya. A vəl a kwa mesife awiya ŋana nda ahər Yesuw Kiristi, dite ki gekwa dər megemir ŋgwal ŋana. Mbulum a ge aba megemir ata ya daga piŋŋe ka, dite kwa ka zazamakwa ndaka vatwa ŋa lele.

KULUSIYA 4:10

Aristarkus ana mər mandza ŋa ɗa i daŋgay məma ya, a ge a kurumaha wusa mbaŋa. Dite Markus, kəla damər Barnabas tekeɗe, a ge a kurumaha wusa mbaŋa asa. Na aka ndzeha a təv kurum ka, gəsum ŋgat lele. Aɗaba Yàa mbər metsike a kurumaha aba ya piŋŋe, dukw ana kà gwim agəra ŋgat a.

FILIMUN 1:23

Apafəras ana mər mandza ŋa ɗa i daŋgay məma, aɗaba Yesuw Kiristi ya ka, a gekaha wusa mbaŋa.

1 Yuhana 4:13

Mbulum a vəl a kwa Mezite Mesife ŋgar. Aɗaba taŋa na kà sərakwa dər ka, ki ndzekwe a i təv ilik ŋa nda gà ŋgat a, dite ŋgat tekeɗe ka, a ndze a i təv ilik ŋa nda gà kwa mbaŋa.

1 Yuhana 5:20

Kà sərakwa dər asa ka, Kəla Mbulum a dara aka gər ahəɗ a ka, a vəl a kwa metsehe, na dite ka, kà sərakwa Mbulum ndzer ŋana ya. Kà ndzakwa i təv ilik ŋa nda gà Mbulum ndzer ŋana ka, agəra ana kà ndzakwa i təv ilik ŋa nda gà Yesuw Kəla ŋgar a mbaŋa, kàa gawakwa ba ya. Ŋgat na Mbulum ndzer ŋana ya, dite ŋgat asa na a vəl a kwa mesife ana à ndìv a tsa aà biybiy a asa mbaŋa.

Sunwa Yuhana 1:9

Iye Yuhana, damər kurum na a wetse a kurumaha wakita aaha ya. Iye nda gà kurum ka, kwa mandza ŋa i təv ilik ŋa nda gà Yesuw Kiristi. Aɗaba taŋa, iye kinehe ka, i sèwèr a are kamala kurum a mbaŋa. Iye riŋ ihər i bès a gəzləŋ mesewere are ata nda gà kurum, na dite ki ndzekwe a i *mekwere Mbulum ana a kwere a ya, nda gà kurum tserdze asa mbaŋa ya. Iye ka, ta gəs iye, tə da à iye aka ahəɗ ana malàwàrà ŋa nda yam, tə zalar Patmus a. Megìse ana ta gəs iye ya ka, agəra ana i tsikewa bazlam Mbulum parakkà, i gwaɗawa ka: «Yesuw na a ɗif a kwa à vatwa ndzer ŋana ya.»