RUMA 16:5 - Bible Zulgo

⁵ I wizeha gà mburma Mbulum ana ti yahawaba gər aà mahàmà a Mbulum i ma tar a asa. Taŋa gwimiŋ wusa a masla gà Apaynitus ana i waya ŋgat hinne, a lah magəsa Yesuw Kiristi ika ahəɗ Asiya ya.

RUMA 16:5 ပူးပေါင်းရင်းမြစ်များ

Mata 18:20

Aɗaba ku mege i ŋga, na gà mburma sula, kige tsa makər tàa yahaba gər aà mahàmà a Mbulum nda zləm gà ka, iye riŋ ika magər tar mbaŋa.»

Gà Ɓəzla Meslire 16:6

Aləka i dəba ŋa ya, tə zazəɗ i fataya. Ti de a aka ahəɗ Asiya. Ta waya zləmana ka, aà metsìkè bazlam Mbulum a gà mburma ana i fataya mbaŋa. Ama Mezite Mesife Mbulum aka vəl a tar vatwa aà mada a fata tsa. Aɗaba taŋa, tə da ndaka gà ahəɗ gà Firigiya nda Galatiya.

Gà Ɓəzla Meslire 18:12

Ama akahər ata, gà Ruma ti tike aɗəm Əbay ŋgiɗ ika ahəɗ ata tə zalar Akaya ya. Zləm ŋgar Galiyaw. I dəba ŋa ya, gà Yahuda tserdze ta gaw aà Pul. Ta gəs ŋgat, tə da à ŋgat aka miɗ seriye. Tə daha,

Gà Ɓəzla Meslire 18:27

Aləka i dəba ŋa ya, a sàs a Apalus mada aka ahəɗ Akaya. Gà na ti ne gà damər ŋgar i fataya, tə tsaraka kataya ka, ta mà akaba ahəm. Ta wetser wakita a ahər. Ta gwaɗar: «Na kàa daha ka, vəl a gà damər kwa ana i fataya.» Apalus a mah ba, a da. Mewetse ŋa i wakita ata ka, kamala megweɗe ya: «Araha, Apalus a dehe a ka, gəsum aaba ŋgat lele te.» Aləka a ndzeha a fata ka, a zlak gà mburma Mbulum ana i fataya. Mbulum a ge a tar ŋgwal hinne, dite ka, tə səkah à megìse tar, ta gəs Yesuw nda gəzləŋ tar.

Gà Ɓəzla Meslire 2:9

Aɗaba araha, gà asiŋ ŋa ɗa i liwiŋ kwa ka, tə dayara ka, ika gà ahəɗ Partiya ya, nda Mediya ya, nda gà Ilam a, dite ika ahəɗ Mezapitamiya, ika gà ahəɗ Yuda nda Kapadukiya ya, ika gà ahəɗ Pwantus nda gà ika ahəɗ gà Ruma ana i Asiya ya,

RUMA 11:16

Na bəla ti de ɗaf, tə sàs ihər a, ta vəl a Mbulum ana, naha a zeha ya ana, ar ana pam a? Na bəla zlile dizl ɗaf ka, a ne biy ŋgar ana, ahər ŋana ana, biy ŋgar mbaŋa tsiye?

RUMA 15:26

Aɗaba gà ɓəzla magəsa Mbulum ana ɗa ika ahəɗ Akaya, i Kurintiya ya, nda gà na i Makaduniya ya, ta mà akaba à bazlam, ta gwa: «Yahakwa gər a siŋgwe, kà slərakwaha a gà ɓəzla matawak ana ika magər gà mburma Mbulum ana i Yeruzalem a.» I de a dər.

RUMA 16:12

Gwim wusa a gà Tirifina nda Tirufusa gà damər kwa gà məkəs ŋa ana ta ge a megemir a BATSAH kwa ŋa ya. Dite ki gwim a wusa a Persis, məkəs ana kà wayakwa ŋgat agəra ana a mər aba aà megemir BATSAH kwa ŋa hinne ya.

RUMA 16:4

Akahər ata, mburma tàa à mekìɗe iye ka, tə daha, tə zlak iye. Ta gwa, ku mege ta misek a à mər tsa tekeɗe ka, mìi zlèk a ŋgat pəra. I ge a taraha wusa hinne. Ama ka, iye ɗekɗek tsa na a ge a ter a wusa ŋa ya, mər nda gà ɓəzla magəsa Mbulum ana ika magər gà na tar gà Yahuda tsiye tserdze mbaŋa.

RUMA 16:6

Ki gwimiŋ wusa a Mariya ana a ge megemir hinne ika magər kurum a mbaŋa.

RUMA 16:8

Gwimiŋ wusa a masla gà Ampiliyatus ana i waya ŋgat hinne, kwa nda gà ŋgat magàwà ŋa i ahər BATSAH kwa ŋa ya.

1 Kurintiya 16:15

Gà damər ga, kurum kà sərum gà Sitefanas nda gà mburma ana i ma ŋgar a tserdze. Dite kà sərum mbaŋa ka, tar na tə lah aà magəsa Yesuw Kiristi ika ahəɗ Akaya a riŋ i faka ya. Tar ka, ta vəl ba tar aà megemir Mbulum, na dite tì zlèk a gà mburma Mbulum lele ya. I ge a kurum kamkam:

1 Kurintiya 16:19

Taŋa gà mayahaba gər gà mburma Mbulum ana pampam ɗa ika ahəɗ Asiya i faha ya, ta ge a kurumaha wusa hinne. Gà Akila nda daala ŋgar Piriskila nda gà asiŋ gà mburma Mbulum ana ti yahawabaha gər a təv tar a, ta ge a kurumaha wusa tserdze mbaŋa, nda zləm Yesuw Kiristi BATSAH kwa ŋa.

2 Kurintiya 1:1

Na a wetse a kurumaha wakita aaha ka, iye, Pul ana Mbulum a zla iye, a ne à iye mala meslire Yesuw Kiristi ya. Mì wetse ka, mər nda Timute, damər kwa ana ika vatwa Mbulum a. Mì wetseha ka, a kurum gà mburma Mbulum ana i Kurintiya ya, dite nda gà asiŋ gà ɓəzla magəsa Mbulum ŋgiɗ ana ta gəs nda gəzləŋ, ika ahəɗ Akaya ya tserdze.

2 Kurintiya 9:2

Aɗaba i sər ka, a sàs a kurum mazlàkà tar nda gər kurum ndzer dukw ŋgar. Yàa zlə̀b à kurum ika miɗ gà mburma Mbulum ana ɗa ika ahəɗ Makaduniya i faha ya ka, hinne. I gwaɗa a tar ka: «Gà mburma Mbulum ana ika ahəɗ Akaya ya, tàa dza ba aà matsakala ŋa daga də̀z. A sàs a tar, tì zlèk a dər gà mburma Mbulum ana ika ahəɗ Yuda ya.» I təv ana i tsik a tar taŋa ya ka, gà asiŋ ŋa ika magər tar hinne, ta ŋgat metsehe aà mazlàkà tar mbaŋa.

KULUSIYA 4:15

Ki gwim wusa a gà mburma Mbulum ana i Lawdikiya ya. Dite ki gwim wusa a məkəs ana tə zalar Nimfa ya, nda gà mburma Mbulum ana ti yahawaba gər a ma ŋgar a tserdze mbaŋa.

FILIMUN 1:2

Mì wizeha Afiya, damər kwa ana dəm ŋa ya asa, nda Arkipus ana a ne sliwdze ika vatwa Mbulum kamala mər a mbaŋa, dite nda gà asiŋ gà mburma ana ti yahawabaha gər a təv yak aà mahàmà a Mbulum a mbaŋa asa.

YAKUBA 1:18

Ŋgat na a waya, a vəl a kwa mesife awiya ŋa na i təv guma ŋgar ndzer ŋana a tsik a. A sasar na ka nekwa gà malahalah ŋana i liwiŋ gà dukw ana a ge tserdze ya.

3 Yuhana 1:1

Iye batsah mburma ana ika magər gà mburma Mbulum a, i wetseha wakita aaha ka, a kər Gayus, masla gà ana i waya kər nda ndzer a ŋa ya.

Sunwa Yuhana 14:4

Gà mburma ata ka, tar gà tsəɗaŋŋa, tàa ləm aà gà məkəs tsidze. Tar ti zezem a ka, Kəla Təmaŋ ata i sik a i sik a, haa a təv ana a de aɗəm a ya. Tar ti ne ka, gà biy Mbulum nda Kəla Təmaŋ. Tar na Mbulum a mbala à tar ika magər gà mburma ana ika gər ahəɗ a ya.