RUMA 16:4 - Bible Zulgo

⁴ Akahər ata, mburma tàa à mekìɗe iye ka, tə daha, tə zlak iye. Ta gwa, ku mege ta misek a à mər tsa tekeɗe ka, mìi zlèk a ŋgat pəra. I ge a taraha wusa hinne. Ama ka, iye ɗekɗek tsa na a ge a ter a wusa ŋa ya, mər nda gà ɓəzla magəsa Mbulum ana ika magər gà na tar gà Yahuda tsiye tserdze mbaŋa.

RUMA 16:4 ပူးပေါင်းရင်းမြစ်များ

Yuhana 15:13

Na wura a dzeye a à mesife ŋgar nda mezìwè gər ŋgar, aɗaba gà masla ŋgar ka, mawàyà ba a riŋ a zè a taŋa tsa.

Gà Ɓəzla Meslire 15:26

ana ta waya medzeye à mesife tar agəra meslire Yesuw Kiristi BATSAH kwa ŋa ya.

Gà Ɓəzla Meslire 15:41

Tə daha ka, tə da ndaka ahəɗ Siriya. Tə zazəɗ ika ahəɗ ata ya, tə da aka ahəɗ Kilikiya asa. Ta màwaha à arəv a gà mburma Mbulum ana tàa le aà tar i fataya tserdze.

Gà Ɓəzla Meslire 16:5

Aləka i dəba ŋa ya, gà mayahaba gər gà mburma Mbulum ana i fata ti yahayawa gər a, ta ŋgat ndzəɗa i təv megìse ana ta gəs Yesuw a. Dite gà asiŋ gà mburma ŋgiɗ pam, tə sə̀kàhawaha à tar hinne kəla pat.

Gà Ɓəzla Meslire 9:31

Akahər ata ka, gà mburma Mbulum ana i Yuda ya, nda gà na i Galile ya, dite nda gà na i Samariya ya tserdze, tə ndzawa lele kamala megweɗe ya, mesewere are a riŋ tsa. Mbulum a vəlawa a tar ndzəɗa a gəzləŋ lele, aà mazazama ŋgat aka miɗ aka miɗ, dite i dəba ŋa ya, tə sə̀kàhawa agəra Mezite Mesife Mbulum ana a zlàkawa tar a.

RUMA 16:3

Gwimiŋ wusa a gà Piriskila nda zal ŋgar Akila. Tar nda gà iye ka, maa ge akaba megemir Yesuw Kiristi.

RUMA 16:5

I wizeha gà mburma Mbulum ana ti yahawaba gər aà mahàmà a Mbulum i ma tar a asa. Taŋa gwimiŋ wusa a masla gà Apaynitus ana i waya ŋgat hinne, a lah magəsa Yesuw Kiristi ika ahəɗ Asiya ya.

RUMA 5:7

Kà sərakwa ka, kuɗa ihər na wura à gis a məməta aɗaba mìsle ŋgiɗ a, ku mege wele ata aka nəs à məpala ahəm tsa, aka zazam lele tekeɗe ya. Na bəla mìsle ŋgiɗ ŋgat ŋgwal mburma lele ka, biy tsa, wura a gweɗe a, i gis a məməta avukw ŋgat.

1 Kurintiya 16:1

Kinehe ka, a sèsiŋ i fèfil a kurum a aka gər bazlam siŋgwe ana ki yehwimer a gər, aà mazlàkà dər gà mburma Mbulum ana i Yeruzalem a. Ama ki gwim a dər ka, kamala ana i tsik a gà mayahaba gər gà mburma Mbulum ana ika ahəɗ Galatiya ya mbaŋa.

1 Kurintiya 7:17

Araha kəla ka, ku weke ma zazam dukw ana Əbay Mbulum a vəlar a. Dite ka, ma ndzawa ka, kamala ana akahər ata Mbulum a zalar a mbaŋa asa. Taŋa ka, dukw ana i ɗifewa dər a gà mburma Mbulum i gà təv ga mayahaba gər tar ana ti yahawa ba aɗəm gər tserdze ya.

FILIPIYA 2:30

Aɗaba a zeha ka, kwizikw, aka à mimìte, agəra mege megemir Yesuw Kiristi. A dzala i gər ŋgar ka, a gwa, ku mege i mìt a tekeɗe ka, à zlèk a iye. Kamala taŋa ya, a zla təv mendze ata ka, avukw kurum, na dite à ndìv a à mege megemir ŋa kamala ana zləmana kurum ki zlèkwim a iye ya.

1 TESALUNIKE 2:14

A kurum gà damər mər, kà nwim ka, kamala gà mburma Mbulum ana ika ahəɗ Yuda, ta gəs Yesuw Kiristi ya. Gà Yahuda ana i fataya ka, ta vəlawa a tar mesewere are hinne. Kamala taŋa ya, kurum kinehe tekeɗe, gà gwala kurum ihər tì sèwèr a kurum a are kataya mbaŋa.

1 Yuhana 3:16

Aɗaba Yesuw Kiristi ka, a waya kwa. A dara, a dzeye à mesife ŋgar aɗaba kwa. Taŋa na a ɗif a kwa dər ka, meme na ki ta weyekwe a gà damər kwa ana ika vatwa Mbulum a ya. Kwa tekeɗe ka, say vəlakwa mesife kwa aɗaba gà damər kwa mbaŋa.

Sunwa Yuhana 1:4

Iye Yuhana, i wetseha wakita aaha a gà mayahaba gər gà mburma Mbulum ana i təv pampam təsəla ika ahəɗ Asiya ya. Dukw ana i wetse ya ka, araha: Mbulum mi pise a kurum ahəm, mə vəl a kurum matasla yam a gəzləŋ zayya lele. Ŋgat ka, wele ana mandza ŋa aà bəra aà biybiy, à gər ana gər ahəɗ a riŋ zukw tsiye. Ŋgat a riŋ kinehe, dite ŋgat a riŋ a ta mère a aka gər ahəɗ a mbaŋa asa ya. Dite gà Mezite Mesife ŋgar ana təsəla*fa* gà mehìtsè ŋa ika təv mendze Əbay ŋgar a tekeɗe, ta pise a kurum ahəm, ta vəl a kurum matasla yam a gəzləŋ zayya mbaŋa.