RUMA 16:26 - Bible Zulgo

²⁶ Ama kinehe ka, aka pàt dər kuɗa. A pàt dər ka, nda bazlam gà ɓəzla məma à guma Mbulum ana ta wetse aka gər Yesuw Kiristi ya. Mbulum, ŋgat mala mandza aà biybiy, a sasar ka, ti tsik a bazlam ŋa a mburma aà slàla aà slàla tserdze, na dite ta gis a ŋgat nda gəzləŋ lele, ta gis ahər a ahəm a.

RUMA 16:26 ပူးပေါင်းရင်းမြစ်များ

Markus 16:15

I dəba ŋa ya, a gwaɗa a tar: «Kinehe ka, dum, ku mege a ŋga, ka tsikwim bazlam ŋgwal ŋa aaha a gà mburma ana tserdze ika gər ahəɗ a.

Gà Ɓəzla Meslire 10:43

Gà ɓəzla məma à guma Mbulum tserdze tə ɗə̀v zləm a dukw ana a ta ge a a ba ika miɗ mba ya. Ti tsik ahər: «*fa*

Gà Ɓəzla Meslire 6:7

Bazlam Mbulum a ɗe zləm hinne. Gà ɓəzla mazazama Yesuw tə səkah hinne i Yeruzalem, dite gà ɓəzla mandəva kuɗa a Mbulum hinne ta gəs Yesuw nda gəzləŋ tar mbaŋa.

RUMA 1:2

Bazlam ŋgwal ŋa ata ka, Mbulum a tsik i sida ya piŋŋe, a gwa, i ti slir a kurumehiŋa. A tsik ahər ka, a gà ɓəzla məma à guma ŋgar, na dite ta wetse a wakita ŋgar a.

RUMA 1:20

Wura aka sle aà meŋgete a Mbulum ilik tsidze. Ama daga aà gər ana a ge gər ahəɗ a, haa kinehe ka, gà dukw ana a ge tserdze ya, ti ɗif dər a gà mburma parakkà, meme na ŋgat a ndza ya. Aɗaba ndzəɗa ŋgar ana a ndze a aà biybiy a ka, aka pàt aba ndzer. Ti sir a dər mbaŋa, ŋgat ilik na Mbulum a. Aɗaba taŋa na ti sle a aà megweɗe a ka, maa sər tsəka, ti sle a tsiye.

RUMA 1:5

Mbulum a zla iye ka, aɗaba Kəla ŋgar ata, dite a ne à iye mala meslire ŋgar a. Kamala taŋa ya, a giŋ ŋgwal ŋa, na dite ka, i ɗif a à bazlam ŋgar a mburma, ku mege i ŋga, ika gər ahəɗ tserdze ya. A sasar ka, ta gəs ŋgat nda gəzləŋ, dite ta gəs ahər ahəm, tə̀ zlə̀b à Yesuw Kiristi.

RUMA 15:18

A sèsiŋ mesèse ahər bazlam ŋgiɗ tsa. Say i me a ka, à dukw ana Yesuw Kiristi a ge nda ahər gà ya. A viliŋ ndzəɗa aà metsike bazlam ŋgar a gà na gà Yahuda tsiye, dite ka, tə dara a təv ŋgar a, ta gəs ahəm ŋgar. Na tàa dara ka, agəra dukw ana i ge ya, nda bazlam ana i tsik a,

RUMA 15:4

Kinehe kà sərakwa, dukw ana ta wetse i wakita Mbulum akahər ata ya, ta wetse ka, aà meɗìfè a kwa à dukw ana a da ndaka vatwa ŋa ya. Dite ka, Mbulum a sasar na ki mirekwe a dər aba dzəŋdzəŋ, à mèkwe a dərraha à arəv lele ya. Kamala taŋa ya na tsavəvvà ki dzelekwe a dukw ana Mbulum a tsik i sida ya, a gwa, i ta ge a ya.

RUMA 3:21

Ama kinehe ka, dukw ana gà məpala ahəm ata, nda gà dukw ana gà ɓəzla məma à guma Mbulum ti tsik akahər ata, ta gwa, a ta ge a ba aka miɗ mba ya ka, aka ge ba kaɗəŋ. Kamala megweɗe ya, Mbulum ŋa nda gər ŋgar na a ɗif à vatwa a mburma ya, na dite ti ne a gà ŋgwal ŋa ika miɗ ŋgar a. Vatwa ata ka, pam, a dara ka, nda təv məpala ahəm a tsa.

GALATIYA 3:8

Akahər ata piŋŋe, ta wetse dukw ana a ta ge a ba aka miɗ mba ya, a wakita Mbulum ka, ta gwa: «A pat ŋgiɗ ka, gà mburma ana tə sər Mbulum tsiye, ta gis a ŋgat nda gəzləŋ tar, dite Mbulum tekeɗe, à gis a tar lele, a ne à ter a gà ŋgwal ŋa ika miɗ ŋgar.» Kamala taŋa ya, Abəraham a tsaraka bazlam ŋgwal ŋa ata ka, daga piŋŋe, i təv ana dukuməŋa aka ndze aɗəm zukw tsiye. Mbulum a gwaɗar ka: «I ta pise a ahəm a gà mburma ana ika gər ahəɗ tserdze ya, aɗaba kər.»*fb*

EFESIYA 1:9

Aka ɗif a kwa à dukw ana daga piŋŋe, a sasar mege nda ahər Yesuw Kiristi ya. Aɗaba piŋŋe ka, makàhà ŋa. Ama kinehe ka, aka pàt aba.

EFESIYA 2:20

Kurum ka, kàa nwim gà kur mazlazla ga. Gà ɓəzla meslire Yesuw nda gà ɓəzla məma à guma Mbulum ka, tar ti ne madzàha ga. Dite Yesuw Kiristi ka, ŋgat a ne madəŋ kur ana dəŋdəŋ a.

KULUSIYA 1:26

Daga aà gər ana Mbulum a ge gər ahəɗ a, bazlam ata ka, makàhà ŋa aà mburma ya, dèrze ikəka, wura a sər tsa. Ama kinehe ka, aka pàt dər a gà mburma ŋgar parakkà lele.

1 TIMUTE 1:17

Ku weke mà zàmbaɗa à Əbay Mbulum ana mekwere ŋgar a ndze a aà biybiy a. Ŋgat na nda gà mesife ana à ndìv a tsiye. Ŋgat ilik na Mbulum Batsah ŋa, mburma a sle aà meŋgeter a tsiye. Mezembeɗe ma ge ka, biy ŋgar ilik. *Amin.

1 TIMUTE 3:16

Bazlam ndzer ŋa ata Mbulum a ɗif a kwa dər, dite meme na kinehe ki ndzekwe a ika miɗ ŋgar a ka, batsah bazlam kaɗəŋ ndzer. Wura a sle a aà mimbetse tsa: Bazlam ata ti tsik ka, aà Yesuw Kiristi ana a dara aka gər ahəɗ a, dite a ne mburma ya. Mezite Mesife Mbulum a ɗif dər ka, ŋgat na ŋgwal ŋa lele ya. Gà gawla Mbulum tserdze tàa ŋgatar. Gà mburma ti tsikewa bazlam ŋgar a gà mburma ana ika gər ahəɗ a tserdze. Ama gà asiŋ ŋa, ku mege i ŋga tserdze, tàa gəs ŋgat nda gəzləŋ. I dəba ŋa ya, tsəɗak Mbulum a zla ŋgat a təv mezlibe ŋgar ana tì zlibe a à ŋgat a.

2 TIMUTE 1:10

Ama kinehe ka, aka pàt aba kuɗa, aɗaba ana Yesuw Kiristi, mala məmbàlà à kwa ata a dara aka gər ahəɗ a ya. A dara ka, a zla aà kwa ndzəɗa məməta ya, na dite məməta a ge a kwa a duwa asa tsa, a ɗif a kwe a à mesife ana à ndìv a tsiye ndərzayya lele kuɗa ya. Gà dukw ata tserdze ya ka, ŋgwal bazlam na a ɗif dər a.

IBƏRANIKWA 13:8

Yesuw Kiristi ka, à mbìɗ a aba tsa. Mendze ana ndavana ya, ndəna mbakum a ka, i təv ŋgar ka, kalkal, tə za ba tsa. A ndze a ka, haa aà biybiy.

IBƏRANIKWA 9:14

Ama na məmbəz gà dukw ata aka sle aà məbàrà tar kamala taŋa ya ka, məmbəz Kiristi à zè a taŋa fit kweleŋ nda ndzəɗa. Ŋgat ana aka ge bakal duwa ilik tsidze ya, a vəl ba ŋgar a Mbulum nda ndzəɗa Mezite Mesife Mbulum ana a ndze a aà biybiy a. Məmbəz ŋgar ata ka, a bere a bakal i gəzləŋ kwa ya lele, na dite ki gekwe a dukw ana a dzeye a à kwa asa tsiye. Ama ki gekwe a ka, megemir Mbulum ana ŋgat mala məvəla mesife a mburma ya ivaɗ.

1 Yuhana 5:20

Kà sərakwa dər asa ka, Kəla Mbulum a dara aka gər ahəɗ a ka, a vəl a kwa metsehe, na dite ka, kà sərakwa Mbulum ndzer ŋana ya. Kà ndzakwa i təv ilik ŋa nda gà Mbulum ndzer ŋana ka, agəra ana kà ndzakwa i təv ilik ŋa nda gà Yesuw Kəla ŋgar a mbaŋa, kàa gawakwa ba ya. Ŋgat na Mbulum ndzer ŋana ya, dite ŋgat asa na a vəl a kwa mesife ana à ndìv a tsa aà biybiy a asa mbaŋa.

Sunwa Yuhana 1:17

Aləka i ŋgatar kataya ka, tazl i dəɗ aà mbulum a, aka miɗ ŋgar a fata, kamala ana iye məməta ŋa ya. I dəba ŋa ya ka, a daha, a tike aka iye ahər mezime ŋgar, dite a gweɗiŋ: «Magəɗa ma gik tsa. Iye na malahalah ŋa ika gər gà duwa tserdze ya. Dite iye asa na i ti ndìv a à gà duwa tserdze ya asa mbaŋa.

Sunwa Yuhana 19:10

I tsaraka kataya ka, i dza gurmits a bəɗ aka miɗ ŋgar, i waya mazàmbàɗà à ŋgat. Ama a gweɗiŋ: «Ki ge kamala taŋa ya tsa. Aɗaba iye tekeɗe ka, mala mege megemir Mbulum taf masakəŋa, kamala kurum ana nda gà damər yak kà zazamum ndzer Yesuw ana a ɗif dər a ya. Seyiŋ tsa, zàmbaɗa ka, à Mbulum ivaɗ.» Ndzer Yesuw ata a ɗif dər a, na a vile a ndzəɗa a gà ɓəzla məma à guma ŋgar a.