RUMA 16:21 - Bible Zulgo

²¹ Taŋa Timute ana mìi ge a megemir məma ya, a ge a kurumaha wusa asa. Gà ɓəza gà ma gà, gà Lukiyus nda Yasun, nda gà Susipatarus ta ge a kurumaha wusa mbaŋa.

RUMA 16:21 ပူးပေါင်းရင်းမြစ်များ

Gà Ɓəzla Meslire 13:1

Akahər ata ka, gà ɓəzla məma à guma Mbulum riŋ nda gà ɓəzla mesìnìkè à bazlam Mbulum a mburma i liwiŋ gà mburma ana ta gəs Mbulum i kwite Antakiya ya. Tə zal a gà mburma ata ka, Barnabas nda Simeyun ana tə zalar lìviŋ lìviŋ mburma ya, dite nda Lukiyus gà Kirene, nda gà Manayan ana ta gəl akaba tar nda Əbay *Hiridus məma ya, dite nda ga Sawul asa ya.

Gà Ɓəzla Meslire 17:14

Ama gà ɓəzla mazazama Yesuw ana i fata ti ne gà damər tar a, tə laka Pul aà gùva duluv tsara. Gà Silas nda Timute ka, ta mətsa riŋ i fata.

Gà Ɓəzla Meslire 17:5

Ama i dəba megìse tar ata ya ka, gà asiŋ gà Yahuda ana ta gəs tsiye, ti ne are a gà Pul nda Silas hinne. Tə daha, ti yaha gər a gà ɓəzla gə̀rlàkà na tar riŋ tì sìweye a ika bàrama məfàrà ŋa ya, dite ka, tə sùwaya à bazlam ana ŋgwala tsiye i kə̀sà agəra gà Pul nda Silas. Tə daha, ta wuba à bazlam ata i huɗ kwite ata fit. Aləka gà mburma tə tsaraka kataya ka, tə daha a bəra Yasun. Ti le a ga ŋgar tits, aɗaba wele ata ka, a gəs bazlam gà Pul nda Silas. Tə ndzawa ka, i ma ŋgar. A sàs a tar magàsàra tar a magər mburma a bəra ya.

Gà Ɓəzla Meslire 18:5

Aləka gà Silas nda Timute aaha ndeɗiŋa tə daha ika ahəɗ Makaduniya ya, ti ndzeha a təv Pul tsara ka, a miyak aba à megemir mekiriwe dukw ata ya. A tsikewa bazlam Mbulum kəla pat a gà Yahuda. A gwaɗawa a tar: «Yesuw ka, mala məmbàlà mburma ana Mbulum a gwa, i slir a kurumehe a ya.»

Gà Ɓəzla Meslire 19:22

Aɗaba taŋa, a slər gà ɓəzla mazlàkà ŋgat sula, gà Timute nda Arastus, a Makaduniya. Ama ŋgat ŋa a məts riŋ i dəba, a ndza zaakwa ika ahəɗ Asiya i fata.

Gà Ɓəzla Meslire 20:4

Tə da akaba nda gà Supatarus, kəla Pirus ana a dara i Bariya ya. Ama tar ka, diŋ. Tar nda gà Aristarkus, nda gà Sekundus gà Tesalunike, nda gà Gayus nda gà Timute gà Derbe, dite nda gà Tikikus, nda gà Tarufimus ana tə dara ika ahəɗ Asiya ya.

RUMA 16:11

Ka wizwimiŋ Hirudiyan kəla gà ma gà mbaŋa, dite ka wizwimiŋ gà mburma Mbulum ana i bəra Narkis a asa.

RUMA 16:7

Dite ki gwimiŋ a wusa a gà mburma gà, gà Andaranikus nda Yuniyas asa mbaŋa. Mər nda gà tar ka, tàa dza akaba mər a daŋgay dze. Tar sula məma ka, gà ɓəzla meslire Mbulum. Mburma tə sər tar lele, ta waya tar hinne asa. Tar nda gà iye ka, tar na a lah megìse Yesuw Kiristi ya.

RUMA 9:3

aɗaba gà asiŋ ŋa ana i gwala gà, ta gəs Yesuw Kiristi tsiye. Iye nda gà tar ka, mər nda gà damər. Na mege a ge a ba ka, ŋgulum Mbulum mi viliŋ mezelme, mə̀ və̀rə̀zl ikaba à mər nda Yesuw Kiristi ya, aà məmbàlà à tar, avukw ana i mbil a zləmana ya.

2 Kurintiya 1:1

Na a wetse a kurumaha wakita aaha ka, iye, Pul ana Mbulum a zla iye, a ne à iye mala meslire Yesuw Kiristi ya. Mì wetse ka, mər nda Timute, damər kwa ana ika vatwa Mbulum a. Mì wetseha ka, a kurum gà mburma Mbulum ana i Kurintiya ya, dite nda gà asiŋ gà ɓəzla magəsa Mbulum ŋgiɗ ana ta gəs nda gəzləŋ, ika ahəɗ Akaya ya tserdze.

2 Kurintiya 1:19

Aɗaba Yesuw Kiristi Kəla Mbulum, wele ana mər nda Silas, nda gà Timute mì ɗif a kurum à ŋgat ika magər kurum a ka, ŋgat a gweɗe a aà duwa «haya», dite i dəba ŋa ya, a gweɗe a «awaŋ» aka gər bazlam ŋa ilik ka, a gweɗe a tsidze. A tsik a ka, dukw ana ndzer a hiywe.

FILIPIYA 1:1

Na a wetse wakita aaha ka, iye Pul, mər nda Timute ana mər gà ɓəzla meslire Yesuw Kiristi ya. Mì wetseha ka, a kurum gà mburma Mbulum ana i Filipiya, kurum riŋ mandza ŋa i təv ilik ŋa nda gà Yesuw Kiristi ya. Mì wetseha ka, a gà bàba ŋa ana ika magər kurum a, dite a gà ɓəzla mazlàkà kurum gà mburma Mbulum tserdze mbaŋa.

KULUSIYA 1:1

Iye Pul, wele ana Mbulum a zla iye, a ne à iye mala meslire Yesuw Kiristi ya. Mì wetse a kurumaha wakita aaha ka, mər nda Timute, damər kwa.

1 TESALUNIKE 1:1

Na a wetse wakita aaha ka, iye Pul, mər nda Silas, nda gà Timute. Mì wetseha ka, a kurum gà mburma Mbulum ana i Tesalunike ya. A kurum ana kàa nwim gà mburma Mbulum Tsir kwa, nda Yesuw Kiristi BATSAH kwa ŋa ya. Mbulum ma ge a kurum ŋgwal, mə vəl a kurum matasla yam a gəzləŋ zayya lele.

1 TESALUNIKE 3:2

Kurum kà sərum, Timute ka, damər kwa ana mər ihər mìi ge akaba a megemir nda gà ŋgat a. Mər nda gà ŋgat ka, mì tsikewa bazlam ŋgwal ŋa ana aka gər Yesuw Kiristi ya. Mì sləraha ŋgat a təv kurum ka, dite mà zlak kurum, mə̀ mà a kurumaha à arəv, dite ka, ki ŋgetwim a ndzəɗa ika vatwa Mbulum ɓəŋɓəŋ lele.

1 TESALUNIKE 3:6

Ama kinehe, Timute ana a daha, dite a màra a təv mər a ka, a tsik a mər dukw ana ŋgwal ŋa ya, na aka gər kurum a. A gwaɗa a mər, megìse kurum ana kə̀ gəsum Yesuw Kiristi nda gəzləŋ kurum a ka, a riŋ a de a aka miɗ aka miɗ, dite nda gà mawàyà ba kurum ana kà wayum ba ika magər kurum ilik ilik tserdze ya asa mbaŋa. Dite a gwaɗa a mər asa mbaŋa ka, kà dzalawum gà gər a təv mər hiywe, nda maŋgayaba lele. Mìi kiv a kurum a ka, hinne, kamala kurum ana ki kìvwim a mər a ya mbaŋa.

2 TESALUNIKE 1:1

Iye Pul, mì wetseha wakita aaha ka, mər nda gà Silas nda Timute. Mì wetseha ka, a kurum gà mburma ana i Tesalunike, kurum gà biy Mbulum Tsir kwa, nda Yesuw Kiristi BATSAH kwa ŋa ya.

1 TIMUTE 1:2

I wetseha wakita aaha ka, a kər Timute ana kà ne kəla gà ndzer a, aɗaba kàa gəs Yesuw nda gəzləŋ yak ilik. Gà Mbulum Tsir kwa nda Yesuw Kiristi BATSAH kwa ŋa ta gik ŋgwal, ka ndza a tar are tsehe, dite ta vəlak matasla yam a gəzləŋ zayya lele.

1 TIMUTE 6:11

Ama kinehe ka, Timute, kər ana mburma Mbulum a ka, are yak ma ta ge ika gà dukw ata ŋgwal ŋa tsiye tsa. Mər aba, dite ka ne mala ndzer ika miɗ Mbulum, zazam vatwa ŋgar lele. Vəlar gəzləŋ yak kəla pat. Ka waya mburma lele. Gəs gəzləŋ i təv dukw ana ŋgwal ŋa tsa tserdze ya, dite kà fàfəl a mburma lìfèɗìɗe asa mbaŋa.

1 TIMUTE 6:20

Ana mà Timute: Kasla megemir ana Mbulum a vəlak a ahər a lele, manəsa bazlam ma tə dara i bazlam yak a tsidze. Ka tə dza zləm a bazlam gà mburma ana ti tsik a ka, ta gwa i tar ka, metsehe, tsaatsa ŋgwal metsehe duwa tsiye ka, ma tə dara i bazlam yak a tsidze mbaŋa.

2 TIMUTE 1:2

I wetseha ka, a kər Timute ana kà ne kəla gà, i waya kər nda ndzer a. Gà Mbulum Tsir kwa nda Yesuw Kiristi BATSAH kwa ŋa ta gik ŋgwal, ka ndza a tar are tsehe, dite ta vəlak matasla yam a gəzləŋ zayya lele.

IBƏRANIKWA 13:23

A sèsiŋ aà meɗife a kurum dər asa ka, tàa pə̀lara à damər kwa Timute i daŋgay a. Na mege aka ndzera a təv gà a faha ya bise ka, mìi dehe a nda ŋgat məma, na i təv ana i dehe a aà məfə̀rà aka kurum a.