RUMA 16:2 - Bible Zulgo

² A təv ana aka ndzeha ka, gəsum ŋgat nda zləm BATSAH kwa ŋa lele. Ki giswim a ka, kamala ana gà mburma Mbulum ta gewa ya. Zlakum ŋgat i təv dukw ana a sle ahər a ya tserdze. Aɗaba ŋgat mbaŋa ka, aka zlak mburma hinne, ku mege iye tekeɗe, aka zlak iye.

RUMA 16:2 ပူးပေါင်းရင်းမြစ်များ

Mata 25:40

I dəba ŋa ya ka, iye Əbay, i gweɗe a ter aakiŋa:

Gà Ɓəzla Meslire 9:13

Ama Ananiyas a gwaɗar aakaha: «Batsah ga ŋa, wele ata ka, Yàa tsarakaya mesewere are ŋgar ana a sèwèrewa a gà mburma yak i Yeruzalem a hinne.

Gà Ɓəzla Meslire 9:15

Ama BATSAH kwa ŋa ata a gwaɗar: «Da pəra, aɗaba Yàa zla wele ata aà ma giŋ megemir gà, ma ɗif à zləm gà ika miɗ gà bàba ŋa ana ta kwere a mburma ya, nda gà asiŋ gà mburma tserdze, dite nda gà Yahuda ya mbaŋa.

Gà Ɓəzla Meslire 9:36

Məkəs duwa a riŋ, mala mazazama Yesuw i Yafa, zləm ŋgar Tabita. Tə zalar ndaka ahəm girek ka, «Dwarkas», kər megweɗe ya ka, «miyak. » A ndzawa i ŋgar ka, aà mege ŋgwal ŋa a mburma, dite aà mazlàkà gà matawak gà mburma ɗekɗek kəla pat.

Gà Ɓəzla Meslire 9:39

Piyer a tsaraka kataya tsara ka, ta mah ba nda gà mburma ata. Aləka ti ndzeha a fata ka, tə laka Piyer a təv məməta ata i ga ata ika gər biy ŋgiɗ a. A daha ka, gà madakwa gà məkəs a riŋ i fata. Ta ŋgat a Piyer tsara ka, hə̀rgə̀gə̀z ta hitse aà mbulum, tə daha a təv ŋgar nda gà tuwa aà are. Ta pàtayar à gà petek ana Dwarkas a ŋgarawa aka ana a riŋ nda are mba ya.

Gà Ɓəzla Meslire 9:41

Piyer a daha, a gəs ŋgat i ahər a, a zlak ŋgat, a hitse dər aà mbulum. I dəba ŋa ya ka, Piyer a zalaha a gà ɓəzla magəsa Yesuw nda gəzləŋ, nda gà madakwa gà məkəs ata tserdze ya, ta mbəɗaha gər a təv ŋgar a ga ata. Tə daha ka, a gwaɗa a tar: «Araha, wele kurum aaha ka, aka mbəl.»

RUMA 15:7

Kamala taŋa ya, ki giswim a ba ika magər kurum ilik ilik tserdze, kamala ana Yesuw Kiristi a gəs kurum a mbaŋa. Na kàa gwim kataya ka, dite na mburma tekeɗe, tì zèmbeɗe a à Mbulum a.

RUMA 16:15

Taŋa, ki gwim a wusa a gà Filulugus nda Yuliya məkəs ŋa, dite a gà Neriyus nda damər ŋgar məkəs ŋa mbaŋa. Ki gwimiŋ a gà Ulumpas nda gà asiŋ gà mburma Mbulum ŋgiɗ ana ti yahawaba gər a təv tar a tserdze mbaŋa asa.

RUMA 16:23

Gayus ana iye Pul, i ma ŋgar, dite gà mburma Mbulum tserdze ti yahawaba gər a ma ŋgar a tekeɗe, a ge a kurumaha wusa asa mbaŋa. Arastus, mala maɗàmà siŋgwe gà mburma aaha i kwite aaha ya, nda damər kwa Kwartus, ta ge a kurumaha wusa asa mbaŋa.

RUMA 16:6

Ki gwimiŋ wusa a Mariya ana a ge megemir hinne ika magər kurum a mbaŋa.

RUMA 16:9

Ka wizwimiŋ Urubanus ana kwa nda gà ŋgat kwa ihər ki gekwe a akaba megemir Yesuw Kiristi ya mbaŋa asa. Dite ki gwim a wusa a masla gà Istakis ana i waya ŋgat hinne ya asa.

EFESIYA 5:3

Kurum ka, gà mburma Mbulum na kinehe ya. Aɗaba taŋa, kurum ka, ki gwim mezelme nda təv muva, nda mege dukw hwarwa ana pampam a, nda mege are asa tsa. Ka ta fàfəlawum aà dukw ata tsidze.

FILIPIYA 1:27

Ama duwa ilik ma ta məts a kurum gər tsa kəla. Mede kurum ma ge ka, ŋgwal ŋa, kamala bazlam ŋgwal ŋa ana Yesuw Kiristi a ɗif dər a. A sèsiŋ ka, ku mege Yàa ŋgat vatwa aà madaha a təv kurum, kige tsa bəla Yàa ŋgat tsa tekeɗe ka, i tserekere a mendze kurum ana ki ndzwim a ndìɓèkke, kurum masəra ba ŋa ŋgwal ŋa lele, metsehe kurum ilik a. Dite kurum riŋ ihər ki mirwim a aba aà megemir bazlam ŋgwal ŋa ata kə̀ gə̀sakwa nda gəzləŋ ilik kamala gà ɓəzla gùvəl a asa mbaŋa.

FILIPIYA 2:29

Kamala taŋa ya, na bəla aləka aka ndzeha ka, gəsum ŋgat nda maŋgayaba lele, aɗaba ŋgat ka, damər kurum ana ika vatwa BATSAH kwa ŋa ya. Zlə̀bum à medzibe gà mburma ata kamala ŋgat a ya.

KULUSIYA 4:10

Aristarkus ana mər mandza ŋa ɗa i daŋgay məma ya, a ge a kurumaha wusa mbaŋa. Dite Markus, kəla damər Barnabas tekeɗe, a ge a kurumaha wusa mbaŋa asa. Na aka ndzeha a təv kurum ka, gəsum ŋgat lele. Aɗaba Yàa mbər metsike a kurumaha aba ya piŋŋe, dukw ana kà gwim agəra ŋgat a.

1 TIMUTE 2:10

A sèsiŋ ka, megemir tar ana ta ge a ŋgwal ŋa ya na a ne a madùwàyà ba tar a ivaɗ. Gà məkəs ana ta gweɗe a, mìi ge a magəɗa a Mbulum a ka, ta ge kamala taŋa ya nda gəzləŋ tar ilik.

2 TIMUTE 1:18

Ama kər nda gər yak ka, kà sər dər lele mbaŋa, meme na akahər ata a giŋ ŋgwal ŋa hinne i kwite Efesiya ya. BATSAH kwa ŋa mà zlak ŋgat, na dite a ndze are tsehe a Mbulum a pat seriye ŋgar a.

TITUS 2:3

Gà məkəs ana gà màndawal ŋa ya tekeɗe ka, kataya mbaŋa. Gwaɗa a tar ka, mede tar ma ge ŋgwal ŋa lele, kamala ana a tsahən aà Mbulum a. Ti ti ne gà ɓəzla melèvekè ahəm aà mburma lèvèk lèvèk tsa, kige tsa ti ne ɓele guzum tsa asa. Say ti ɗif ka, à dukw ana ŋgwal ŋa ya, a gà asiŋ gà mburma ŋgiɗ ivaɗ, na dite ti zezem a tar a.

FILIMUN 1:12

Taŋa kinehe ka, i slirehe a ŋgat, ma daha a təv yak asa. A dehe a ka, kamala ana iye na a daha ya.

FILIMUN 1:17

Na kàa fə̀r aà iye kamala masla yak ana ndzer ŋa ya ka, gəs ŋgat lele, kamala ana kə̀ gəs iye ya mbaŋa.

2 Yuhana 1:10

Aɗaba taŋa i tsik a kurum ŋa: Na wura a dere a a təv kurum a, a dzeŋge a kurum a dukw ana Yesuw Kiristi a dzeŋge a kwa ya tsəka, ka ta gəsum aaba ŋgat a ga a ma kurum tsa. Ka ta gwimer wusa ɓav tsa asa mbaŋa.