RUMA 16:13 - Bible Zulgo

¹³ Ki gwimiŋ wusa a Rufus, wele ana a ge megemir BATSAH kwa ŋa ndzer lele ya, dite a mama ŋgar ana a ne à iye kamala kəla ŋgar a mbaŋa.

RUMA 16:13 ပူးပေါင်းရင်းမြစ်များ

Mata 20:16

Yesuw a gwaɗa a tar asa: «Kamala taŋa ya, gà mburma ana kinehe ti tike tar aà ahər tsiye ka, ti ti ne a gà ɓəzla aka miɗ mba ika miɗ Mbulum. Dite gà na kinehe ta gwa, gà mər ŋa ya ka, ti ti ne a gà ɓəzla dəba ika miɗ Mbulum mbaŋa asa.»

Markus 15:21

Aləka i təv ana ti de a ya ka, tàa lə̀ma aà vatwa nda gà wele duwa a dere a i dala ya, zləm ŋgar Simun, tsir gà Aleksandire nda Rufus. Wele ata ka, gà Kirene. Gà sliwdze ata ti de a à Yesuw a, ta hitse à ŋgat, ta fàr aaka ndzəɗa aà mazla dizl ata ti ti ndwendwey ahər a Yesuw a.

Markus 3:35

Aɗaba wur ana a ge a dukw ana a sàs a Mbulum a ka, ŋgat na a ne damər gà nda gà mama gà ya.»

Yuhana 15:16

Kurum tsa na kà zlum iye kamala Batsah kurum ŋa ya. Ama iye na a pala kurum a, dite kà nwim gà ɓəzla mezezeme iye ivaɗ. I pala kurum ka, aà mege meslire gà, dite ka nwim kamala dizl ɗaf ata a we a hinne ya. Mege megemir kurum a de a aka miɗ aka miɗ, a ndze a aà biybiy. Kərga taŋa ya na, dukw ana ki wizwim a aà Tsir gà nda zləm gà ya ka, a vile a kurum ŋa.

Yuhana 19:27

I dəba ŋa ya, a gwaɗa a mala mazazama ŋgat ata a waya hinne ya: «Naha ka, mama yak mbaŋa.» I fataya tsara ka, mala mazazama Yesuw ata a zla məkəs ata a ma ŋgar.

RUMA 16:12

Gwim wusa a gà Tirifina nda Tirufusa gà damər kwa gà məkəs ŋa ana ta ge a megemir a BATSAH kwa ŋa ya. Dite ki gwim a wusa a Persis, məkəs ana kà wayakwa ŋgat agəra ana a mər aba aà megemir BATSAH kwa ŋa hinne ya.

RUMA 16:14

Ki wizwimiŋ a gà Asinkiritus nda Filigun nda gà *Hermes, dite nda gà Paturubas, nda gà Hermes, dite asa nda gà asiŋ gà mburma Mbulum ŋgiɗ ana ti yahawaba gər a təv tar a.

EFESIYA 1:4

Aɗaba taŋa, Mbulum aka mbər mipìlè kwa ana mandza ŋa i təv ilik ŋa nda gà Yesuw Kiristi ya daga piŋŋe, aka ana aka ge gər ahəɗ zukw tsiye. A pala kwa ka, aà mene gà mburma ŋgar, dite bakal ma ge riŋ i təv kwa ana ika miɗ ŋgar a tsa.

2 TESALUNIKE 2:13

Ama kurum kinehe ka, gà damər mər, say mìi ge a kəkaaha a Mbulum kəla pat, aɗaba kurum. Ŋgat ŋa na waya kurum a. Aɗaba a pala kurum ka, daga aà gər ana aka ge gər ahəɗ zukw tsiye, na dite ka, a mbil a à kurum nda ndzəɗa Mezite Mesife ŋgar ana a ne à kurum gà mburma ŋgar a. A mbil a à kurum ka, aɗaba ana kə̀ gəsum dukw ana ndzer a mbaŋa ya.

1 TIMUTE 5:2

Ki ɗe a dər a gà màndawal gà məkəs tekeɗe ka, kamala ana ki tsik a ka, a gà mama yak a. Dite a gà daala gà məkəs ibam ka, kamala ana ki tsik a ka, a gà damər yak gà dəm ŋana ya mbaŋa. Hwarwa ma ta ge a tar tsidze.

2 Yuhana 1:1

Iye batsah mburma ana ika magər gà mburma Mbulum a, i wetseha wakita aaha ka, a kər mayahaba gər gà mburma Mbulum ana kà ne mama gà ɓəza, Mbulum a zla kər a, dite a gà ɓəza yak ana ti yahawuba gər a təv yak, i waya tar ndzer a mbaŋa. Iye ɗekɗek tsa na i waya kurum a. Gà mburma ana tə sər bazlam ndzer ŋa ana i təv Mbulum a tekeɗe ka, ta waya kurum mbaŋa asa.