RUMA 16:1 - Bible Zulgo

¹ Ama kinehe ka, a sèsiŋ ki sirwim a damər kwa duwa naha, məkəs ŋa, a dehiŋa, zləm ŋgar Febe. A riŋ a ge a mege megemir ika magər gà mburma Mbulum i Kankiriya.

RUMA 16:1 ပူးပေါင်းရင်းမြစ်များ

Mata 12:50

Aɗaba wur ana a ge a dukw ana a sàs a Mbulum Tsir gà ana i gər ŋa ya ka, ŋgat na a ne damər gà nda mama gà ya.»

Markus 10:30

agəra iye, dite agəra bazlam ŋgwal ŋa aaha i tsik a ya ka, a ŋget aɗəm a, à zè a taŋa a miyak dər aba kinehe ya: mege ga, nda gà damər, nda gà məmər, nda gà ɓəza, dite nda gà gùvàh ka, medzige dərməka, mege i təv ana aka sèwèr are agəra bazlam gà ya tekeɗe. Dite a ta ŋget a mesife ana à ndìv a tsa aà biybiy a, aka miɗ mbaŋa.

Luka 8:3

nda gà Yuwana məkəs Huza, mala megemir gà *Hiridus iɗəm mbaŋa, dite nda gà Suzana, nda gà asiŋ gà məkəs ŋgiɗ pampam hinne iɗəm asa mbaŋa. Gà məkəs ata tə zazam ŋgat a ka, tə zlàkawa gà Yesuw nda limana tar hinne.

Gà Ɓəzla Meslire 18:18

Aləka Pul a ndza i kwite Kurintiya hinne asa, nda gà na ti ne gà damər ŋgar i fataya. Dite i dəba ŋa ya, a da à tar a. Ti de a aka ahəɗ Siriya, tar nda gà Piriskila nda zal ŋgar Akila, nda slə̀làh yam. Ti ndze a Kankiriya aà gùva duluv ata ka, Pul a zàz ikaba ambəz a, kamala ana gà Yahuda ta gewa dər a, kamala megweɗe a tar a ka: Yàa vəl ba gà a megemir Mbulum. Tə daha, tə tsala a slə̀làh yam. Ta mah ba, tə da.

2 Kurintiya 3:1

Aka biy kurum ana, mìi zlibe a aba nda ahər mər ŋa kamala ana kù gwaɗum a asa ya? Tsəna, mì wetsera gà wakita i təv mburma ya, dite mì da dərraha a təv kurum, mì pat a kurum dər, na dite ki sirwim a dər ka, mər gà ɓəzla meslire Mbulum gà ndzer ŋana ya ya? Awaŋ, ku mege a təv kurum tekeɗe, maa wiz medzibe wakita ata, dite mìi de a dər a təv gà mìsle ŋgiɗ aà məpàtà a tar dər ka, maa wiz ɓav tsa. Gà mìsle ŋgiɗ ka, ta gewa dər kamala taŋa ya seyiŋ. Ama mər ka, mì gewa dər kataya tə tsa.

1 TIMUTE 5:2

Ki ɗe a dər a gà màndawal gà məkəs tekeɗe ka, kamala ana ki tsik a ka, a gà mama yak a. Dite a gà daala gà məkəs ibam ka, kamala ana ki tsik a ka, a gà damər yak gà dəm ŋana ya mbaŋa. Hwarwa ma ta ge a tar tsidze.

FILIMUN 1:2

Mì wizeha Afiya, damər kwa ana dəm ŋa ya asa, nda Arkipus ana a ne sliwdze ika vatwa Mbulum kamala mər a mbaŋa, dite nda gà asiŋ gà mburma ana ti yahawabaha gər a təv yak aà mahàmà a Mbulum a mbaŋa asa.

YAKUBA 2:15

Bəla gà damər kurum a riŋ ika vatwa Mbulum, petek tar a riŋ tsa, nda gà dukw mezime tekeɗe, a riŋ tsa asa.