RUMA 15:8 - Bible Zulgo8 Kurum kà sərum, Yesuw Kiristi a dara ka, aà mazlàkà gà Yahuda aà mege dukw ata Mbulum a tsik i sida ya, a gà bàba gà tsir tar ana akahər ata ya, a gwa, i ta ge a nda ahər ŋgar a. Kamala taŋa ya, a ɗif a tar à dukw ana Mbulum a tsik i sida ya, ndzer kaɗəŋ, pàrsa iɗəm tsiye. အခန်းကိုကြည့်ပါ။ |
RUMA 15:8
29 ပူးပေါင်းရင်းမြစ်များ
I dəba ŋa ya, gà Pul nda Barnabas ta gwaɗa a tar parakkà aà are: «Ana ka, mìi lèh a aà metsìkè a bazlam Mbulum ka, a kurum ana gà Yahuda ya dzekwiŋ. Ama kinehe ka, mìi de a dər a təv gà mburma ana tar gà Yahuda tsiye, aɗaba ana kàa niwwim a, bəla kà dzalum ka, kurum riŋ meŋgete mesife ana à ndìv a tsa aà biybiy a ide tsiye ya.
Fə̀rum kwaŋ, meme na Mbulum a ge ŋgwal ŋa a mburma ya, dite ka, meme asa ya na a tike matsəɓatsəɓ aka gà asiŋ ŋa ya? A tike matsəɓatsəɓ ka, aka gà na ta məsak à vatwa ŋgar a. A ge ŋgwal ka, a kurum. Ama kəla ka, say na ki dwim a aka miɗ aka miɗ nda mendze i təv ŋgar a. Na kataya tsəka, kurum tekeɗe ka, ŋgwìɗik a ta misek a à kurum a mbaŋa.
A giŋ ŋgwal ŋa ka, na a zla iye aà meɗè à zləm Yesuw Kiristi ika magər gà na tar gà Yahuda tsiye. Yàa vəl ba gà a ahər a Mbulum fit, aà meɗìfè à bazlam ŋgwal ŋa ana a dara i təv ŋgar a. I tsik a ka, a gà na gà Yahuda tsiye, na dite ta gis a ŋgat a. A sèsiŋ ti ne a kamala dukw taf ana ta vəlar, a tsahən ahər, dite Mezite Mesife ŋgar a palara iɗəm tar a.
Aɗaba taŋa na Mbulum a tsik i sida ya, a gwa, i ta vile a ka, a gà na ta gəs ŋgat nda gəzləŋ a ya. A ge dər kataya ka, aɗaba mburma tə sər dər, ŋgwal ŋgar ata a ge a ter a ya ka, biy taf masakəŋa. A vile a dukw ata ka, a gà ɓəza Abəraham tserdze, tsəka, a gà na a ɗif a tar à məpala ahəm Musa a ahər a ɗekɗek tsa. Ama a vile a a gà asiŋ gà mburma ana ta gəs ŋgat nda gəzləŋ tserdze kamala Abəraham ana a gəs a mbaŋa. Aɗaba Abəraham a ne ika gər kwa ka, tsir kwa tserdze.
Ama kà sərum dukw ana i waya i tsik a kurum a ya. Aɗaba ku weke ika magər kurum a, tar riŋ ti tsik a duwa ŋgiɗ pampam, agəra ana gà mìsle ŋgiɗ ika magər kurum a ka, tar riŋ ihər ta gweɗe a: «Mər ka, gà ɓəzla mazazama Pul.» Gà mìsle ŋgiɗ pam ta gwa: «Mər ka, gà ɓəzla mazazama Apalus.» Dite gà biy ŋgiɗ ibam, ta gweɗe a: «Mər ka, gà ɓəzla mazazama Piyer.» Dite gà biy ŋgiɗ asa ibam, ta gweɗe a i tar ka: «Mər ka, gà ɓəzla mazazama Yesuw Kiristi kuɗa.»
I tsik taŋa ka, aɗaba dukw ana a ta viler a madzala gà gər a, tsəka, aɗaba madzala gà gər yak tsa. Biytsà mìsle ŋgiɗ ika magər kurum a, a gweɗe a: Iye ka, i sle a aà mazəma dukw mezime tserdze, mewisle iɗəm tsa. Assàh, aàla na i ge a kamala ana mìsle ŋgiɗ a dzele a ya, tsəka, kamala ana i dzala nda gər gà ya ya?
Ma ta məts a kurum gər tsa: Akahər ata ka, kà sərum ɗa Yesuw Kiristi tsa. Kurum ka, gà mbəlakw məfàrà ŋa ana ika magər gà Yahuda ana tar gà mburma Mbulum a. Mbulum aka tsik duwa a gà mburma ŋgar ata. Aka mbər megweɗe a tar ka: «I vile a kurum a duwa i sida ya.» Ama kurum gà mbəlakw ka, kurum iɗəm tsa. Kàa slwim madzala aka duwa a təv Mbulum tsidze. Kurum ɗa ika gər ahəɗ ka, kàa sərum ɗa Mbulum tsa.
ကြော်ငြာတွေ