RUMA 15:7 - Bible Zulgo

⁷ Kamala taŋa ya, ki giswim a ba ika magər kurum ilik ilik tserdze, kamala ana Yesuw Kiristi a gəs kurum a mbaŋa. Na kàa gwim kataya ka, dite na mburma tekeɗe, tì zèmbeɗe a à Mbulum a.

RUMA 15:7 ပူးပေါင်းရင်းမြစ်များ

Mata 10:40

Yesuw a gwaɗa a tar asa: «Ama wur ana aka gəs kurum lele ya ka, a gəs taŋa ka, iye. Dite wur ana aka gəs iye ya tekeɗe, a gəs taŋa ka, wele ana a slərra iye ya mbaŋa.

Markus 9:37

«Ku weke na aka gəs aà mege gər a kəla ndirkiz kamala kəla aaha ya aɗaba iye ya ka, a ge gər taŋa ka, a iye. Ama ka, a iye ɗekɗek tsa. A ge gər ka, a wur ana a slərra iye ya mbaŋa.»

Luka 15:2

Aləka gà *Farisa nda gà ɓəzla medzeŋge məpala ahəm Mbulum ta ŋgat a tar kataya tsara ka, ta ge arəv hinne, tə dza akaba bazlam ŋgùra ŋgùra ŋgùra hinne ika magər tar. Ta gwa: «Wele aaha à gis a aba gà ɓəzla bakal lele, naha ti zim akaba a dukw mezime ana, meme?»

Luka 9:48

A gwaɗa a tar: «Ku weke na aka gəs aà mege gər a kəla ndirkiz kamala kəla aaha ya aɗaba iye ya ka, a ge gər taŋa ka, a iye. Dite wur ana aka giŋ gər a ka, a ge gər taŋa ka, a wele ana a slərra iye ya mbaŋa. Aɗaba wur ana aka həna à gər a bəɗ ika magər kurum aaha tserdze ya ka, ŋgat na a ne batsah ŋa i təv Mbulum a.»

Yuhana 13:34

Araha, i tsik a kurum a məpala ahəm awiya ŋa. Dukw ana i tsik a ya ka, wayum ba kurum ilik ilik tserdze. Ki weywim a ba ka, kamala ana i waya kurum a mbaŋa.

Yuhana 6:37

Gà mburma ana Tsir gà a dziŋ tar tserdze ya ka, ti dere a a təv gà ya, dite iye tekeɗe ka, wur ana aka dara a təv ga ya ka, i niw a ŋgat tsa.

RUMA 15:9

Ama mede ŋgar ana a dara ya mbaŋa ka, na dite gà na tar gà Yahuda tsiye, tì zèmbeɗe a à Mbulum a, agəra ŋgwal ŋgar ana a vəl a tar dùnùkw a. Ar ka, kamala ana a riŋ mewetse ŋa i wakita Mbulum ka, ta gwa: «Aɗaba taŋa, i zèmbeɗe a à kər i liwiŋ gà mburma ana gà Yahuda tsiye, i lèhek a dimis.»*fb*

RUMA 5:2

Ŋgat na a hə̀ndə̀k a kwa i vatwa ya, na dite Mbulum a ge a kwa ŋgwal, aɗaba ana kə̀ gə̀sakwa ŋgat nda gəzləŋ kwa ya. Ŋgwal dukw ata kə̀ ŋgatakwa ya ka, ki ŋgeyekwe a dər ba, aɗaba ana kà sərakwa ndzer ka, Mbulum a ta vile a kwe a mezlibe ŋgar ana tì zlibe a à ŋgat a mbaŋa ya.

EFESIYA 1:12

dite ka, gà mburma tserdze tə̀ zlə̀b à ŋgat ana BATSAH kwa ŋa ya aɗaba mər, mər gà malahalah gà mburma ana mì tike madzala gər mər fit a təv Yesuw Kiristi ya.

EFESIYA 1:18

I hemer a asa ka, dite mà hə̀ndə̀k a kurum are lele, kə ŋgatum a dukw ana a zal a kurum dər a mbaŋa. I hemer a asa mbaŋa ka, dite ka sərum dər, meme na dukw ata a ta vile a kurum a ka, ŋgwal ŋa hinne, a za gà dukw tserdze ya. A ta vile a dukw ata ka, a kurum nda gà mìsle ŋgiɗ ana gà mburma ŋgar a.

KULUSIYA 3:13

Sərum ba ika magər kurum lele. Na bəla wura aka ge a kurum dukw ana ŋgwal ŋa tsiye ka, ka ta mumar aɗəm à bakal ŋa tsa, pə̀lumar dər seyiŋ ivaɗ. Pə̀lum a ba à bakal kamala ana BATSAH kwa ŋa a pəl a kurum dər a mbaŋa.