RUMA 15:5 - Bible Zulgo

⁵ I heme a Mbulum, mala məmàha à arəv a mburma, nda məvəla tar ndzəɗa, na dite ta mir aba a dzəŋdzəŋ a. I hemer a ka, i waya mə vəl a kurum madzala gà gər ilik ndəɓəts a təv ilik ŋa, ki zezemwim a dukw Yesuw Kiristi ana a ge akahər ata ya,

RUMA 15:5 ပူးပေါင်းရင်းမြစ်များ

Gà Ɓəzla Meslire 4:32

Gà mburma Mbulum ka, tar mandza ŋa i təv ilik ŋa lele. Mawàyà ba tar ibam, nda gəzləŋ ilik ŋa asa. Wura ilik ika magər tar, aka fə̀r aà duwa ŋgar ka, kamala na biy ŋgar à gər ŋgar a tsa. Ama dukw ana tàa ŋgat a ka, ti dzèye ba a ika magər tar tserdze.

RUMA 12:16

Gəsum aaba ahəm ka, tèrihhwè a təv ilik ŋa. Kà sə̀ŋgə̀rum à ba kurum aka gər gà mìsle ŋgiɗ nda mawàlà ika megemir a tsa. Ki giswim aaba a gà na zləm tar a riŋ tsiye mbaŋa. Ka tə samatum ba kurum ka, waytsà kamala ana kurum ka, gà ɓəzla masəra duwa hinne ya tsa.

RUMA 15:13

Kinehe ka, iye riŋ i heme a a Mbulum, mala metsìkè dukw ana a tsik a ka, dite gà mburma ti dzele a ya, mə vəl a kurum maŋgayaba, mà rah a gəzləŋ kurum tsìsl lele, nda matasla yam zayya, agəra megìse kurum ana kàa gəsum ŋgat nda gəzləŋ a. Kamala taŋa ya, madzala gà gər kurum tekeɗe, fit a de a a təv Mbulum, nda ndzəɗa Mezite Mesife ŋgar.

RUMA 15:3

Aɗaba Yesuw Kiristi tekeɗe ka, a sasar mawàyà ba ŋgar tsa. Seyiŋ tsa ivaɗ, a ndza ka, kamala ana ta wetse i wakita Mbulum ka, ta gwa ahər: «Tàa tsik dukw ana ŋgwala tsiye aà kər Mbulum. Ama bazlam tar ata ka, ta wala dər aà iye ya.»*fa*

1 Kurintiya 1:10

Gà damər gà, iye ihər i ge a kurum a kamkam nda zləm Yesuw Kiristi BATSAH kwa ŋa: Bazlam kurum ma ge ka, ilik pəra, tsəka, wùràpə̀ppa ka ndzakum ba ikaba ya təv pampam tsa.

2 Kurintiya 13:11

Gà damər gà, kinehe ka, bazlam gà aka ndəv a faha. Ndzum zayzay lele. Gəsum ahəm aà dukw ana i tsik a kurum a lele, dite ka simwim aba ika vatwa Mbulum. Bazlam kurum ma ge ka, ilik pəra. Ndzum ika magər kurum ka, zayzay lele. Na ki ndzwim a kataya ka, Mbulum ana ŋgat mala mawàyà kwa ya, nda məvəla a kwa matasla yam a gəzləŋ a ka, a ndze a i təv kurum mbaŋa.

2 Kurintiya 7:6

Ama na bəla gà mburma ta gweɗe a, dukw ata mìi sle a asa tsəka, Mbulum na a me a terehe a à arəv a. A mà a məraha à arəv ka, nda mede Titus ana a dara ya.

EFESIYA 5:2

Wayum mburma kəla pat i təv dukw ana tserdze ki gwim a ya, kamala *Kiristi ana a waya kwa, dite ka, a mət agəra kwa asa ya. A vəl mesife ŋgar biy taf kamala dukw ana ta kəɗ a Mbulum, a dar a gər a.

FILIPIYA 1:27

Ama duwa ilik ma ta məts a kurum gər tsa kəla. Mede kurum ma ge ka, ŋgwal ŋa, kamala bazlam ŋgwal ŋa ana Yesuw Kiristi a ɗif dər a. A sèsiŋ ka, ku mege Yàa ŋgat vatwa aà madaha a təv kurum, kige tsa bəla Yàa ŋgat tsa tekeɗe ka, i tserekere a mendze kurum ana ki ndzwim a ndìɓèkke, kurum masəra ba ŋa ŋgwal ŋa lele, metsehe kurum ilik a. Dite kurum riŋ ihər ki mirwim a aba aà megemir bazlam ŋgwal ŋa ata kə̀ gə̀sakwa nda gəzləŋ ilik kamala gà ɓəzla gùvəl a asa mbaŋa.

FILIPIYA 2:2

Aɗaba taŋa na kinehe i ge a kurum a kamkam a: Wayum ba ika magər kurum ilik ilik tserdze. Kamala taŋa ya, ndzum ka, madzala gà gər kurum ma ge ka, ilik. Bazlam kurum tekeɗe, ma ge ka, ilik mbaŋa. Na kàa gwim kamala taŋa ya ka, i ŋgeye a ba i gəzləŋ ga ndzəɗakkà.

FILIPIYA 3:16

Ama kəla ka, ku mege meme tekeɗe, say zazamakwa ka, vatwa ana ki tèkwe a dər, kà zazamakwara haa kinehe ya.

FILIPIYA 4:2

A kurum gà Avudiya nda Sintike, i ge a kurum a kamkam, agəra ana kurum riŋ mandza ŋa i təv BATSAH kwa ŋa ya ka, sərum ba lele.

1 PIYER 3:20

Gà mezite ata ka, biy gà na akahər ata tàa gəs Mbulum tsiye. Mbulum aka bàba tar, a gəs gəzləŋ hinne, akahər ana Nuhu a làmbaɗa slə̀làh yam ata ya. Gà mburma ana tə da aɗəm ka, tar ndaw tsa. Tar ka, tsamakər pəra, na Mbulum a mbala à tar i yam ata ya ya.

1 PIYER 3:8

Taŋa, i ndìv a à bazlam aaha nda magwàɗà a kurum tserdze: Ndzum ka, madzala gà gər kurum ma ge ka, ilik tserdze na ika magər kurum a. Ndzayum ba are tsehe, dite ka, wayum ba kurum lele, aɗaba kà nwim ka, nda gà damər na kurum ika vatwa Mbulum a. Zlakum ba ika magər kurum ilik ilik tserdze. Hənum ba à gər a bəɗ lele.

2 Piyer 3:15

Sərum dər ka, Yesuw Kiristi BATSAH kwa ŋa à mère a bise tsəka, aɗaba aka vəl a kwa vatwa ana a sasar ki mbìɗekwe a à gəzləŋ kwa, dite a mbele a à kwa ya. Pul, damər kwa ana kà waya kwa ŋgat hinne ya tekeɗe ka, aka dzeŋge a kurum dukw ata i huɗ wakita ŋgar a mbaŋa kaɗəŋ. A tsik ka, nda metsehe ana Mbulum a vəlar a.

2 Piyer 3:9

Gà asiŋ gà mburma ŋgiɗ ihər ta gweɗe a: «Mbulum ka, mala mèhìnèkw, a dere a bise tsa, aɗaba dukw ana a tsik i sida ya, a gwa, i ge a ya ka, a ge a ba bise tsa ana, meme?» Ama ka, kataya tsa, a riŋ a ge a mba dukw ŋgar. A veve a ka, kurum seyiŋ ivaɗ. Aɗaba a sasar ka, a ze a kurumaha aà mendze kataya ka, ki mbiɗwim a à madzala gà gər kurum, wura ilik ma dzeye tsa. A waya mburma tserdze ta mbəɗ à gəzləŋ tar, ta miyak à bakal tar ivaɗ.