RUMA 15:30 - Bible Zulgo

³⁰ Gà damər ga, i ge a kurum a kamkam nda zləm Yesuw Kiristi BATSAH kwa ŋa, dite nda mawàyà ba Mezite Mesife ŋgar ana a vəl a kwa ika magər kwa ya asa: Zlakum iye, hamum a Mbulum aɗaba iye. Hamumar ka, nda gəzləŋ ilik,

RUMA 15:30 ပူးပေါင်းရင်းမြစ်များ

2 Kurintiya 1:11

Meheme kurum ana kurum ihər ki hemwim a a Mbulum aɗaba mər a tekeɗe, a riŋ à zlèk a mər mbaŋa. Kaɗəŋ, gà mburma hinne na tar riŋ ihər ta heme a a Mbulum aɗaba mər a. I dəba ŋa ya, na Mbulum tekeɗe, aka gəs meheme tar ata ta hemer a ya ka, gà mburma hinne ti ta ger a kəkaaha mbaŋa, agəra ŋgwal ŋgar ana a ge a mər a.

2 Kurintiya 12:10

Agəra taŋa na i ŋgeye a ba lele, i huɗ mendze gà ana i ndze a ka, ndzəɗa aà iye tsiye ya. Ku mege ta giŋ a dukw ana ŋgwal ŋa tsiye, ta giŋ a matawak, nda gà bəla mesewere are ŋgiɗ a le a aà iye, kige tsa duwa a wisiŋ a gər aɗaba ana i zezem a Kiristi ya ka, i ndze a lele. Aɗaba i təv ana ndzəɗa gà a riŋ asa tsiye ivaɗ, na i ŋgatawa ndzəɗa ndzer ŋa ana i təv ŋgar a ya.

2 Kurintiya 4:11

I huɗ mandza aà bəra mər ana mìi ndze a ya, mər ka, i ɗa məməta agəra ana mìi zezem a Yesuw a. Ama ba mər aaha ndzəɗa iɗəm tsa, tsèfek tsèfek à mìt a mba ya ka, aka mət zukw tsa. Kamala taŋa ya, mburma ti sir a mesife Yesuw ka, nda təv mər.

2 Kurintiya 4:5

I təv ana mìi tsik a bazlam ŋgwal ŋa ata ya ka, mìi tsik a aka gər ba mər ŋa tsa. Mìi tsik a ka, aka gər Yesuw Kiristi. Mì gwaɗawa a tar ka, ŋgat na Batsah ŋa ika gər gà mburma tserdze ya. Mər mì ne ka, gà ɓəzla meslire kurum pəra, aɗaba Yesuw.

GALATIYA 5:22

Ama megemir Mezite Mesife Mbulum ka, pam. Ar ka, kamala dizl ɗaf ana a we a dukw ŋgwal ŋa ya. Gà dukw ata ka, mawàyà ba ana gà mburma ta weye a ba ya. Maŋgayaba, nda matasla yam ana i gəzləŋ tar a. Ta gis a gəzləŋ i təv gà dukw ŋgiɗ a pampam. Ta gis a mburma lele, ta ge a ter a ka, dukw ana ŋgwal ŋa ya. Tar ka, gà mburma ana gà ndzer ŋa ya.

EFESIYA 6:19

Hamumar agəra iye mbaŋa, dite ma ɗifiŋ à dukw ana i tsik a ya. Hamumar ka, magəɗa ma giŋ aà meɗìfè à bazlam ŋgwal ŋa ata a pàt dər parakkà ya tsa.

FILIPIYA 2:1

Kurum kà sərum ka, kurum riŋ mandza ŋa i təv ilik ŋa nda gà Yesuw Kiristi. Kamala taŋa ya na a vile a kurum a ndzəɗa a gəzləŋ kurum ɓəŋɓəŋ a. Meweye ŋgar ana a waya kurum a, na à me aà kurum a à arəv a. Kà sərum, kurum riŋ mandza ŋa ka, ndìɓèkke i təv ilik ŋa nda gà Mezite Mesife Mbulum. Kwa ihər ki weyekwe a ba ilik ilik tserdze ika magər kwa, dite na gà mburma ti ndzekwe a are tsehe mbaŋa ya.

KULUSIYA 1:8

Ŋgat na a tsik a mər bazlam aka gər mawàyà mburma kurum ana kà wayum gà asiŋ gà mburma ŋgiɗ, nda ndzəɗa Mezite Mesife ana Mbulum a vəl a kurum a ya.

KULUSIYA 2:1

A sèsiŋ ka, ki sirwim a dər, meme na i mər aba hinne aɗaba kurum gà mburma Mbulum ana i Kulusiya ya, nda gà na i Lawdikiya ya, dite nda gà asiŋ gà mburma ana pampam tàa ŋgetiŋ zukw tsiye ya.

KULUSIYA 4:12

Apafəras ana a dara i kwite kurum a tekeɗe, a ge a kurumaha wusa asa mbaŋa. Ŋgat ka, mala megemir Yesuw Kiristi. Ku mege ndeɗime tekeɗe ka, a hamawa a Mbulum aɗaba kurum. A mərawa aba ka, hinne. A hamawa ka, na dite ki ndzwim a ɓəŋɓəŋ lele, ki nwim a gà bàba gà mburma ika miɗ Mbulum, dite ki sirwim a dukw ana Mbulum a waya ya lele, ki dzwìmer a zləm a.

1 TESALUNIKE 5:25

Gà damər gà, hamum a Mbulum aɗaba mər mbaŋa.

2 TESALUNIKE 3:1

Gà damər mər, naha ka, dukw ana mì ndìv a dər à bazlam aaha ya: Hamum a Mbulum aɗaba mər mbaŋa, dite na bazlam BATSAH kwa ŋa a de a aka miɗ bise tsara, mburma ta gis a nda megèr kəkaaha kamala ana a ge ba i təv kurum a mbaŋa ya.

2 TIMUTE 4:1

Iye ihər i gik a kamkam ika miɗ gà Mbulum nda Yesuw Kiristi. Aɗaba Yesuw ka, wele ana a ta ge a seriye a mburma tserdze ya, ku mege gà na tar riŋ nda gà mesife ya, ku gà na tàa mata ya asa mbaŋa. Kər kà sər ndzer, a ta mèriŋa, na dite ka, a de a a mekwere ŋgar ana a ta kwere a ya.