RUMA 15:29 - Bible Zulgo

²⁹ Na Yàa daha a təv kurum ka, i sər, Yesuw Kiristi a pise a kwe a ahəm hinne, agəra ana kwa mandza ŋa i təv ilik ŋa ya.

RUMA 15:29 ပူးပေါင်းရင်းမြစ်များ

Gà Ɓəzla Meslire 19:21

I dəba gà dukw ata ta ge ba ya ka, Pul a dzala, a gwa: «I de a a Yeruzalem.» A de a ndaka ahəɗ Makaduniya, dite ndaka ahəɗ Akaya mbaŋa. A gwa asa: «I təv ana Yàa da ya ka, say i ndze a a Ruma mbaŋa.»

RUMA 15:23

I huɗ mive ya hinne ka, kàa kìvwimiŋ, a sèsiŋ aà maŋgata a kurum. Ama kinehe ka, Yàa ndəv à megemir gà ata i faha ya.

RUMA 15:32

Kamala taŋa ya, na Mbulum aka waya ka, i dehe a a təv kurum ata ka, nda maŋgayaba lele. Na Yàa ndzeha ka, ki ndzekwe a i təv ilik ŋa nda gà iye, ki mwimiŋ a ba à ndzəɗa.

2 Kurintiya 1:15

Agər ana i sər gà dukw ata ti ti ne a ndzer a ka, i gwa, i dehe a a təv kurum dzekwiŋ, na mege a ge a ba ya ya, dite ka, i waya i sìrìk a riŋ aba aka ahəɗ Makaduniya zləmana. Aləka i təv ana Yàa màhara ba i fataya ka, i ta mbìɗehe a gər a təv kurum asa. Ama kəla ka, ki ti zlèkwim a iye, na i təv ana i dze a ba aà mada aka ahəɗ Yuda ya. I dzala ka, i de a kurumehe a à mipìsè ahəm Mbulum masula ŋa zləmana, aà mà zlak kurum ika vatwa Mbulum a. Ama araha kinehe ka, Yàa ndzeha a təv kurum asa tsa.

EFESIYA 1:3

Zàmbaɗakwa à Mbulum Tsir Yesuw Kiristi BATSAH kwa ŋa, aɗaba aka pisakwara ahəm a nda gà ŋgwal gà dukw ana tserdze ti ndze a aà biybiy i gər ŋa ya. A vəl a kwa gà dukw ata ka, a kwa ana mandza ŋa i təv ilik ŋa nda gà Yesuw Kiristi ya.

EFESIYA 3:19

Iye ihər i hemer a ka, dite ka sərum mewèyè ŋgar ana a waya kwa ya, dite mege bəla ki slekwe a à masəra ŋa fit tsa tekeɗe ya. Dite gà dukw ana i təv Mbulum tserdze ya ka, mà rah a gəzləŋ kurum mbaŋa.

EFESIYA 3:8

Iye ka, wele na kə̀la ŋa ika magər gà mburma Mbulum kwizikw a. Ama kə̀la ka, aka viliŋ vatwa aà metsìkè bazlam mipìsè ahəm ana a dere a ndàra i təv Yesuw Kiristi ya, a gà mburma ana gà Yahuda tsiye. Mipìsè ahəm ata batsah ŋa ya ka, gà mburma ti sle a aà masəra ŋa fit tsa, aɗaba ana a za ndzəɗa tar a.

EFESIYA 4:13

Na kamala taŋa ya ka, ki nekwe a ba ilik, aɗaba ana kàa gə̀sakwa ŋgat nda gəzləŋ tserdze, ŋgat ana Kəla Mbulum a, dite ka, kà sərakwa ŋgat a asa mbaŋa. Kərga taŋa ya na ki ɗekwiŋa, dite ki nekwe a gà mburma ana tàa sime ika vatwa Mbulum a nda ndzəɗa. Ama ki nekwe a ka, gà ŋgwal ŋa fit kamala ŋgat a.