RUMA 15:26 - Bible Zulgo

²⁶ Aɗaba gà ɓəzla magəsa Mbulum ana ɗa ika ahəɗ Akaya, i Kurintiya ya, nda gà na i Makaduniya ya, ta mà akaba à bazlam, ta gwa: «Yahakwa gər a siŋgwe, kà slərakwaha a gà ɓəzla matawak ana ika magər gà mburma Mbulum ana i Yeruzalem a.» I de a dər.

RUMA 15:26 ပူးပေါင်းရင်းမြစ်များ

Mata 25:40

I dəba ŋa ya ka, iye Əbay, i gweɗe a ter aakiŋa:

Mata 26:11

Aɗaba gà ɓəzla matawak ka, tar riŋ i təv kurum kəla pat, ki slwim a aà mazlàkà tar, kamala ana gəzləŋ kurum a waya ya. Ama iye ka, ki ndzekwe akaba a nda gà iye kəla pat tsa, i de a aà kurum a mba.

Luka 14:13

Ama kàa de dukw mezime a bəɗ a mburma ka, ŋgulum ki zel a dər ka, a gà ɓəzla matawak nda gà ɓəzla videl, nda gà ɓəzla magàha a bəɗ, dite nda gà ɓəzla guluf ivaɗ.

Luka 6:20

Aləka i dəba ŋa ya, Yesuw a mbəɗ aba a təv gà ɓəzla mazazama ŋgat ata, a gwaɗa a tar: «A kurum gà ɓəzla matawak, ŋgayum ba, aɗaba ki ti ndzwim a nda gà Mbulum i mekwere ŋgar.

Gà Ɓəzla Meslire 16:12

Aləka mì mah ba i fataya asa, mì da a kwite Filipiya. Təv ata ka, təv ana a lah mendze a bəɗ piŋŋe ika ahəɗ Makaduniya ya, ama gà Ruma na a kwere a tar a kəla. Maa ndza mehinne diŋ i kwite ata.

Gà Ɓəzla Meslire 16:9

Aləka həvəɗ a ge ka, sunwa a da aka Pul. A patar à wele duwa a riŋ. Ŋgat ka, gà Makaduniya, mehitse ŋa dzèŋŋe ika miɗ ŋgar. Wele ata ka, ŋgat a riŋ a hemeriŋa. A gwaɗar: «Dara, tama aka lìdè a ma mər a Makaduniya. Ka tə zlak mər te.»

Gà Ɓəzla Meslire 18:12

Ama akahər ata, gà Ruma ti tike aɗəm Əbay ŋgiɗ ika ahəɗ ata tə zalar Akaya ya. Zləm ŋgar Galiyaw. I dəba ŋa ya, gà Yahuda tserdze ta gaw aà Pul. Ta gəs ŋgat, tə da à ŋgat aka miɗ seriye. Tə daha,

Gà Ɓəzla Meslire 19:21

I dəba gà dukw ata ta ge ba ya ka, Pul a dzala, a gwa: «I de a a Yeruzalem.» A de a ndaka ahəɗ Makaduniya, dite ndaka ahəɗ Akaya mbaŋa. A gwa asa: «I təv ana Yàa da ya ka, say i ndze a a Ruma mbaŋa.»

Gà Ɓəzla Meslire 9:13

Ama Ananiyas a gwaɗar aakaha: «Batsah ga ŋa, wele ata ka, Yàa tsarakaya mesewere are ŋgar ana a sèwèrewa a gà mburma yak i Yeruzalem a hinne.

1 Kurintiya 16:15

Gà damər ga, kurum kà sərum gà Sitefanas nda gà mburma ana i ma ŋgar a tserdze. Dite kà sərum mbaŋa ka, tar na tə lah aà magəsa Yesuw Kiristi ika ahəɗ Akaya a riŋ i faka ya. Tar ka, ta vəl ba tar aà megemir Mbulum, na dite tì zlèk a gà mburma Mbulum lele ya. I ge a kurum kamkam:

1 Kurintiya 16:5

A sèsiŋ ka, i de a aka ahəɗ Makaduniya, dite na i dehe a a təv kurum a. Aɗaba i waya ka, i lìm a aka gà mayahaba gər gà mburma Mbulum ana i fataya tserdze.

2 Kurintiya 11:9

Aka na iye riŋ mandza ŋa i təv kurum mba ya ka, kuɗa duwa a slewiŋ za hinne tekeɗe, Yàa wiz aà kurum duwa ilik tsidze. Say gà ɓəzla magəsa Yesuw ana ika ahəɗ Makaduniya ya na tə dara, ta viliŋ dukw ana i ndza dər a fit dze ya. Akahər ata ka, Yàa sèwèr a kurum are nda təv gà dukw ana ti slewa aà iye ya tsa. Dite ka, i sər, ku mege kinehe, ku mege aka miɗ mba tekeɗe ka, a sèsiŋ i wiz aà kurum a duwa tsidze.

2 Kurintiya 2:13

I gwa zləmana ka, i lehe aà Titus, damər kwa i fata. Ama ka, aka daha tsa. I fataya ka, iye riŋ nda gà madzala gà gər hinne. Aɗaba taŋa na ŋgwìɗik i miyak à gà mburma Mbulum ana i Turuwas a, i mah ba i fataya tsara, i da aka ahəɗ Makaduniya.

2 Kurintiya 7:5

Maa sèwèr are ka, hinne kaɗəŋ. Ku mege i təv ana mì ndze aka ahəɗ Makaduniya ya tekeɗe, maa ŋgat vatwa aà mesìfìkà ba tsidze. Dukw ana mawùràba ŋa ya, a lewa aà mər ku mege i ŋga, ndaka vatwa ŋgiɗ pampam hinne. Gà mburma ti newa a mər are hinne, ta gewa aà mər maàga. Mì dzalawa gà gər i gəzləŋ mər hinne agəra gà ɓəzla mazazama Mbulum mbaŋa.

2 Kurintiya 9:12

Siŋgwe ata ki vilwim a ya, à zlèk a ka, gà mburma Mbulum ndzer dukw ŋgar. Ama duwa ŋgiɗ a riŋ asa. Aɗaba gà mburma hinne na ti ta ge a kəkaaha a Mbulum agəra taŋa ya mbaŋa asa.

2 Kurintiya 9:2

Aɗaba i sər ka, a sàs a kurum mazlàkà tar nda gər kurum ndzer dukw ŋgar. Yàa zlə̀b à kurum ika miɗ gà mburma Mbulum ana ɗa ika ahəɗ Makaduniya i faha ya ka, hinne. I gwaɗa a tar ka: «Gà mburma Mbulum ana ika ahəɗ Akaya ya, tàa dza ba aà matsakala ŋa daga də̀z. A sàs a tar, tì zlèk a dər gà mburma Mbulum ana ika ahəɗ Yuda ya.» I təv ana i tsik a tar taŋa ya ka, gà asiŋ ŋa ika magər tar hinne, ta ŋgat metsehe aà mazlàkà tar mbaŋa.

2 Kurintiya 9:4

Tsəka, na bəla mər nda gà mburma ana ɗa ika ahəɗ Makaduniya i faha ya, maa le aà kurum, ama kàa yahum gər a siŋgwe ata, aka sle tsəka, hwarwa a ta giŋ a i təv tar ka, hinne. Aɗaba Yàa mbər mezlibe à kurum, i gwaɗa a tar ka: «I sər ndzer, ti yehe a gər a siŋgwe ata.» Tsaatsa ka, pàrsa. Ama ka, hwarwa a ta ge a ndeyndey ka, a kurum na ika miɗ tar a mbaŋa.

FILIPIYA 4:15

A kurum gà mburma ana i Filipiya ya, kurum kà sərum, aka ana i dza ba aà metsìkè a kurum bazlam ŋgwal ŋa ana biy Yesuw Kiristi ika ahəɗ Makaduniya ya ya, dite i zazəɗ dər aka miɗ, i da à kurum a ka, say kurum ɗekɗek na kà zlakum iye ya, tsəka, aɗaba gà asiŋ gà mburma Mbulum ŋgiɗ a riŋ mì ndzawa i təv tar ka, tàa viliŋ duwa tsa.

1 TESALUNIKE 1:7

Kamala taŋa ya ka, kà ɗifwim à ŋgwal vatwa a gà mburma Mbulum ana ika ahəɗ Makaduniya ya, nda gà na i Akaya ya tserdze, ti sir a dər ka, meme na mendze tar ana ti ndze a ya.

1 TESALUNIKE 1:8

Aɗaba kurum na bazlam BATSAH kwa ŋa a ɗe zləm hinne ya. A ɗe zləm ka, ika ahəɗ gà Makaduniya, nda Akaya ata ɗekɗek tsa, ama gà mburma tserdze, ku mege i ŋga, tàa tsaraka megìse kurum ana kə̀ gəsum Mbulum nda gəzləŋ lele ya. Taŋa bazlam a riŋ na aà metsike a tar aka gər ŋa, a ge a ŋgulum a asa tsa.

1 TESALUNIKE 4:10

Haya kaɗəŋ, kamala taŋa ya, kurum ihər ki weywim a gà mburma Mbulum ana ika ahəɗ Makaduniya ya tserdze mbaŋa. Ama ka, mìi ge a kurum a kamkam hinne asa, na dite mawàyà ba kurum ata ki weywim a ba ya, à sìkèh a aka miɗ aka miɗ a.

1 TIMUTE 1:3

A sèsiŋ ka, na ki ndze a riŋ i Efesiya ya, Timute, kamala ana i tsikik piŋŋe akahər ana i məsak riŋ à kər, i da aka ahəɗ Makaduniya ya. Ndza riŋ i fata, dite ka palawa ahəm a gà mburma ana tar riŋ i fata, ti tsik a bazlam Mbulum a mburma ndaka vatwa ŋa tsiye ya.

FILIMUN 1:5

Aɗaba i tsaraka ka, ta gwa, kà waya gà mburma Mbulum tserdze, dite meme na kə̀ gəs Yesuw Kiristi BATSAH kwa ŋa a gəzləŋ yak nda ndzer a mbaŋa.