RUMA 15:19 - Bible Zulgo

¹⁹ dite agəra dukw mene aà mburma ata pampam a ge nda ndzəɗa Mezite Mesife Mbulum nda ahər gà ata ya mbaŋa. Kamala taŋa ya, Yàa ŋgat vatwa aà meɗife à bazlam ŋgwal ŋa ana aɗaba Yesuw Kiristi ya, a gà mburma tserdze, ika tsèke Yeruzalem a, tsikw Yàa ndze dər aka ahəɗ Iliriya.

RUMA 15:19 ပူးပေါင်းရင်းမြစ်များ

Mata 12:28

Ama na bəla i delewe a gà sitene ata nda ndzəɗa Mezite Mesife Mbulum ka, taŋa ki slwim aà mesire a dər ka, *mekwere Mbulum aka dara a təv kurum a.»

Yuhana 4:48

Yesuw a gwaɗar aaka: «Ama kurum ka, ki giswim a iye tsa, say na kàa ŋgatum a gà dukw mene aà mburma ana i ge a ya dzekwiŋ.»

Gà Ɓəzla Meslire 1:8

Ama ki ta ŋgetwim a ndzəɗa ka, i təv ana Mezite Mesife Mbulum a dere a a təv kurum a. Ki ti nwim a gà ɓəzla məma à bazlam gà i Yeruzalem, ika ahəɗ Yuda nda Samariya, dite ku mege i ŋga ika gər ahəɗ tserdze ya.»

Gà Ɓəzla Meslire 13:14

Ama gà wele ata ka, ta mah ba i fataya, tə da a Antakiya ana ika ahəɗ Pisidiya ya asa. Aləka pat mesìfìkà ba gà Yahuda a ndzera ka, tə da a ga mahàmà Mbulum gà Yahuda. Tə daha, tə ndza a bəɗ.

Gà Ɓəzla Meslire 13:51

I dəba ŋa ya, gà mburma ata sula ya ka, tə daha, tə tatakw a tar aba ahəɗ tar à tsàpà tar a, kamala megweɗe ya ka, mi be a kurum à ɗaf i təv dukw ana a dere a ika miɗ mba ya. Dite tar ŋa, tə daba a Ikuniya.

Gà Ɓəzla Meslire 14:10

a gwaɗar nda magala: «Hitse, ka ndiɗe à sik yak dzeŋ lele.» Wele ata a hitse, a ndiɗe à sik ŋgar ka, lele kaɗəŋ, a yàb a mbulum, a dza ba aà mede.

Gà Ɓəzla Meslire 14:20

Aləka gà ɓəzla magəsa Mbulum nda gəzləŋ tə daha, ti yahaba gər a təv ŋgar ka, a mà a arəv, a hitse aà mbulum, a mbəɗ gər a kə̀sà. Ndidwe ŋana ka, ta mah ba, tə da a kwite Derbe nda Barnabas.

Gà Ɓəzla Meslire 14:25

Ti ndzeha a fata ka, ti tsik bazlam Mbulum i Perge. I dəba ŋa ya, ti zèzìɗ a a kwite Ataliya aà gùva duluv.

Gà Ɓəzla Meslire 14:6

Gà wele aaha tə tsaraka kataya tsara ka, tə tə̀zaba ndàra a gà kwite Listira, nda kwite Derbe. Gà kwite ata ka, ika ahəɗ Likuniya məma.

Gà Ɓəzla Meslire 15:12

I dəba bazlam ata ya tsara ka, gà Pul nda Barnabas tə dza ba aà maɗàmà gà dukw mene à mburma ana Mbulum a ge nda gà tar ika magər gà mburma ata tar gà Yahuda tsiye. Mayahaba gər gà mburma ata tserdze ya ka, tə ndza ɗikɗik, tə dza a tar aaka zləm.

Gà Ɓəzla Meslire 16:18

Mehinne diŋ, ŋgat riŋ aà metsìkè ŋa pərra. A ta megeha ka, a tsəɓ a Pul hinne, tsam ka, a mbəɗara aba à daala ata ya, a gwaɗa a sitene ana i ba ŋgar a: «Iye ihər, i gweɗek a nda zləm Yesuw Kiristi, dara i ba daala aaha ya.» Sitene ata a tsaraka kataya tsara ka, a dara i ba daala ata ya.

Gà Ɓəzla Meslire 17:10

Aləka həvəɗ a ge tsara ka, gà damər tar ana a riŋ ika vatwa Mbulum i fataya, tə slər gà Pul nda Silas a kwite Bariya. Ti ndzeha a fata ka, tə da a ga gà Yahuda ana ta hamawa iɗəm a Mbulum a. Tə daha, ti tsik a tar bazlam Yesuw.

Gà Ɓəzla Meslire 17:15

Ama gà mburma ana tə laka Pul aà gùva duluv ata ndeɗiŋa ya ka, tə dəɗ aka ŋgat tsikw a kwite Atina. Ti ndzeha a fata ka, Pul a slərra tar a təv ana tə daha iɗəm a. A gwaɗa a tar: «Dumaha, gwaɗum a gà Silas nda Timute ka, tə dara tsəma, tə ndza asa tsa.» Aləka i dəba ŋa ya, gà mburma ata ta màhara ba ya, tə dara.

Gà Ɓəzla Meslire 18:1

I dəba ŋa ya, Pul a da i kwite Atina ya. A da a Kurintiya.

Gà Ɓəzla Meslire 18:19

Aləka ti ndze a kwite Efesiya ka, Pul a miyak à gà Akila nda daala ŋgar Piriskila a fata. Ŋgat ŋa a da a ga mahàmà a Mbulum gà Yahuda ana i fataya, a daha, tə dza akaba mifefile nda gà Yahuda riŋ i ga ata.

Gà Ɓəzla Meslire 19:1

Aka ana Apalus i kwite Kurintiya ya ka, Pul a da a kwite Efesiya ndaka vatwa ana a tsəl ndàra a kwite ya. A daha ka, a le riŋ aà gà asiŋ gà ɓəzla mazazama Yesuw i fata.

Gà Ɓəzla Meslire 20:20

Kà sərum ka, Yàa həmbər dukw ana a ge kurum a ŋgulum, dite ka, a mbil a kurum a ilik tsidze. Yàa tsik a kurum i huɗ medzeŋge ana i dzeŋgewa a kurum i liwiŋ mburma i ga Mbulum a, dite ndəna i dawa a kurum dər aà ga aà ga tserdze ya.

Gà Ɓəzla Meslire 20:6

Mər ŋa mì ndza i kwite Filipiya. Aləka i dəba ŋa ya, *megirive Paska a da iɗəm a ka, mì mah ba a təv tar nda slə̀làh yam. Mì ge aà vatwa mehinne ə̀zləm ka, mì ndze a təv tar kuɗa. Aləka mì ndza i fata kwaskwa ilik asa.

RUMA 15:13

Kinehe ka, iye riŋ i heme a a Mbulum, mala metsìkè dukw ana a tsik a ka, dite gà mburma ti dzele a ya, mə vəl a kurum maŋgayaba, mà rah a gəzləŋ kurum tsìsl lele, nda matasla yam zayya, agəra megìse kurum ana kàa gəsum ŋgat nda gəzləŋ a. Kamala taŋa ya, madzala gà gər kurum tekeɗe, fit a de a a təv Mbulum, nda ndzəɗa Mezite Mesife ŋgar.

RUMA 15:16

A giŋ ŋgwal ŋa ka, na a zla iye aà meɗè à zləm Yesuw Kiristi ika magər gà na tar gà Yahuda tsiye. Yàa vəl ba gà a ahər a Mbulum fit, aà meɗìfè à bazlam ŋgwal ŋa ana a dara i təv ŋgar a. I tsik a ka, a gà na gà Yahuda tsiye, na dite ta gis a ŋgat a. A sèsiŋ ti ne a kamala dukw taf ana ta vəlar, a tsahən ahər, dite Mezite Mesife ŋgar a palara iɗəm tar a.

RUMA 15:24

Taŋa i gwa ka, i dehe a a təv kurum kuɗa. Aɗaba i waya i de a aka ahəɗ Aspaniya. I dehe a ka, nda təv kurum, ki ndzekwe a zaakwa, dite na ki mwimiŋ a ba a à ndzəɗa ya. A sèsiŋ ki zlèkwim a iye nda dukw mada ika vatwa ya asa.

1 Kurintiya 2:4

I màwa a kurum à bazlam Mbulum, i ɗifewa a kurum dər. Dukw ana i tsikewa a kurum a ka, a dara i metsehe mburma ya tsa. Yàa bana kurum nda bazlam ilik tsidze. Ama Mezite Mesife Mbulum na a ɗif a kurum à bazlam gà ata nda ndzəɗa ŋgar ndzer kaɗəŋ a.

2 Kurintiya 12:12

Aɗaba kurum kà sərum, akahər ana iye riŋ mandza ŋa i təv kurum a ka, i gewa megemir Mbulum ka, nda magəsa gəzləŋ, dite na a geye gà dukw mene aà mburma ŋgiɗ pampam hinne nda ahər gà ya. Nda taŋa na ki sirwim a dər ka, iye na mala meslire ŋgar nda ndzer a.

GALATIYA 3:5

Aɗaba Mbulum a riŋ ihər a vile a kurum Mezite Mesife ŋgar, dite a riŋ ihər a ge a gà dukw mene aà mburma ŋgiɗ pampam ika magər kurum mbaŋa asa. A ge taŋa dze ana, wànà agəra ana kà zazamum məpala ahəm gà Yahuda ya ya? Awaŋ, a ge taŋa ka, agəra ana kàa dzum zləm a bazlam ŋgwal ŋana, dite kàa gəsum Yesuw Kiristi nda gəzləŋ kurum a.

KULUSIYA 1:25

Mbulum a zla iye ka, a ne à iye mala meslire kurum, kurum ana kə̀ gəsum ŋgat a. A gweɗiŋ ka, ɗif à bazlam gà a mburma tserdze parakkà, dite a kurum tekeɗe, a ge a kurum a ŋgulum mbaŋa.

1 TESALUNIKE 1:5

Aɗaba akahər ana mì tsik a kurum bazlam ŋgwal ŋa ya ka, mì tsik a kurum nda mezìwè gà gər mər ɗekɗek tsa, ndzəɗa Mbulum iɗəm. Mezite Mesife ŋgar na a zlak ahər mər a, aɗaba mì sər ndzer, bazlam ata ka, pàrsa iɗəm tsa. I təv ana mər mandza ŋa ika magər kurum a ka, kà sərum, meme na mì ndza ika magər kurum a. Mì ge kamala taŋa ya ka, dite mà zlak kurum.

2 TIMUTE 4:17

Ama kəla ka, BATSAH kwa ŋa aka zlak iye, a viliŋ ndzəɗa, na dite i tsik bazlam Mbulum a mburma parakkà, i həmbər duwa tsa, dite ka, ku mege weke ɗa i faha ika magər gà na tar ga Yahuda tsiye ka, ma tsaraka ya. BATSAH kwa ŋa a be à iye i ahər məməta ya, kamala ana ta bera à duwa i bazlam azil a.

IBƏRANIKWA 2:4

Mbulum ibam, aka pàt à bazlam ata ndzer, pàrsa iɗəm tsiye, nda təv gà dukw mene aà mburma ŋgiɗ pampam hinne mbaŋa. Aka dzaya ndzəɗa a gà mburma nda ahər Mezite Mesife ŋgar, aà mege dukw pampam kərga biy na a sasar a.

1 PIYER 1:12

Mbulum a ɗif a tar dər aba ya ka, tar ŋa tsa na ti ta ŋget a gà dukw ata ya. Ama a ɗif a tar dər ka, aɗaba kurum. Kinehe ka, gà ɓəzla meslire ŋgar ata ti ɗif a kurum à bazlam ŋgwal ŋa ata ya ka, tàa tsik a kurum gà dukw ata. Ti tsik a kurum ka, nda ndzəɗa Mezite Mesife Mbulum ana a slərra i gər ŋa ya. Ku mege gà gawla Mbulum tekeɗe ka, a sàs tar mesire gà dukw ata mbaŋa.