RUMA 15:1 - Bible Zulgo

¹ Kwa ana ndzəɗa aà kwa ika vatwa Mbulum a ka, say ki zlèkikwe a dər gà na ndzəɗa aà tar zukw tsiye. Ka ta gekwa dukw ana a tsahən aà ba kwa ɗekɗek a tsa.

RUMA 15:1 ပူးပေါင်းရင်းမြစ်များ

RUMA 14:1

Na bəla wura ndzəɗa ŋgar a riŋ zukw tsa ika vatwa Mbulum ka, gəsum aaba ŋgat lele mbaŋa. Ka ta mbetswimar ahəm aka dukw ana aka dzala pam aà biy kurum a tsa.

RUMA 14:2

I tsik taŋa ndeyndey ka, aɗaba mazəma dukw mezime. Gà mìsle ŋgiɗ ti dzele a ka, dukw mezime tserdze ka, dukw mewisle iɗəm tsa, ti zimiŋa. Ama gà biy ŋgiɗ ibam, gà na ndzəɗa tar a riŋ tsa ika vatwa Mbulum a ka, ta gweɗe a, slu ka, awisl, mìi pèpìɗ a tsa. Ti zim a ka, ala bagur pəra.

RUMA 4:20

A sər ka, a ta ŋget a dukw ana Mbulum a tsiker i sida ya, a gwa, a ta viler a ya. Aɗaba taŋa, aka geye à gà gər ŋgar wàkit wàkit tsidze. Ama megìse ŋgar ana a gəs Mbulum nda gəzləŋ ŋgar a ka, a ŋgat ndzəɗa ika vatwa Mbulum ɓəŋɓəŋ lele ivaɗ, a zləbawa dər à Mbulum.

1 Kurintiya 4:10

Kamala taŋa ya, mər ka, kamala gà ɓəzla falày ana taf masakəŋa ya, na aɗaba Yesuw Kiristi ya. Ama waytsà kurum ka, gà ɓəzla masəra duwa lele, na i təv magàwà ba kurum ana kə̀ gawum ba nda gà ŋgat a. Mər ka, ndzəɗa mər a riŋ tsa, ama kurum ka, ɓəŋɓəŋ gà ndzəɗa ŋa hinne. Mər ka, ta fir aà mər a bəsənnà kamala za ya. Ama kurum ka, tì zlibe a à kurum a ivaɗ.

1 Kurintiya 9:22

Ama na iye riŋ ika magər gà mburma ana tàa sime ika vatwa Mbulum zukw tsiye ka, i newa à ba gà kamala tar a mbaŋa, na dite i yehere a tar a təv Mbulum a. Ku mege gà dukùla tekeɗe ka, na Yàa ndze a təv tar ka, i ndze a kamala tar a mbaŋa. I gewa dər kataya ka, aà dite gà asiŋ ŋana i liwiŋ tar a, ta mbala, na mege a ge a ba ya.

2 Kurintiya 12:10

Agəra taŋa na i ŋgeye a ba lele, i huɗ mendze gà ana i ndze a ka, ndzəɗa aà iye tsiye ya. Ku mege ta giŋ a dukw ana ŋgwal ŋa tsiye, ta giŋ a matawak, nda gà bəla mesewere are ŋgiɗ a le a aà iye, kige tsa duwa a wisiŋ a gər aɗaba ana i zezem a Kiristi ya ka, i ndze a lele. Aɗaba i təv ana ndzəɗa gà a riŋ asa tsiye ivaɗ, na i ŋgatawa ndzəɗa ndzer ŋa ana i təv ŋgar a ya.

EFESIYA 6:10

Ama dukw ana a zeha kinehe ka: Say mərum aba aà magəsa BATSAH kwa ŋana ndzəɗa ŋgar a za duwa tserdze ya.

FILIPIYA 2:4

Ka ta gwim dukw ana a ge a ŋgulum a ba kurum a ɗekɗek tsa. Ama ki yehwim a ŋgwal ahəm ndaka təv gà mìsle ŋgiɗ mbaŋa.

1 TESALUNIKE 5:14

Gà damər mər, mìi ge a kurum a kamkam asa: Bwim à ɗaf a gà ɓəzla màsar ana ti ndze a taf masakəŋa ya. Mùmaha à arəv a gà ɓəzla magəɗa, dite kà zlakum gà na ndzəɗa tar a riŋ tsiye mbaŋa. Gəsum gəzləŋ nda təv gà mburma tserdze, kà yum ba ika miɗ mburma tsa.

2 TIMUTE 2:1

Kəla gà, ndza ka, ɓəŋɓəŋ lele agəra ŋgwal Mbulum ana a gik nda ahər Yesuw Kiristi ya, dite ndzəɗa yak ma səkah aaka.

1 Yuhana 2:14

A kurum gà ɓəza gà, i wetse a kurumaha asa ka, aɗaba ana kà sərum Mbulum Tsir kwa ya. A kurum gà bàba gà mburma ana ki gwim a megemir Mbulum a asa, i wetse a kurumaha ka, aɗaba ana kàa sərum wele ana ŋgat a riŋ daga piŋŋe aka ana tàa ge gər ahəɗ zukw tsiye ya. A kurum gà gawla ŋana asa, i wetse a kurumaha ka, aɗaba ana kurum gà ndzəɗa ŋa nda təv bazlam Mbulum a. A ndze a i gəzləŋ kurum, dite kà pazum dər Əbay sitene a bəɗ mbaŋa.