RUMA 14:9 - Bible Zulgo

⁹ Aɗaba ŋgat a mət, a mbəlara iɗəm a ka, na dite a ne Batsah ŋa ika gər gà na tar riŋ nda are ya, nda gà na tàa mata ya tserdze.

RUMA 14:9 ပူးပေါင်းရင်းမြစ်များ

Mata 28:18

Dite Yesuw a sìrìkaha a təv tar kuɗa. A daha, a gwaɗa a tar: «Mbulum aka viliŋ mekwere ŋgar ana i gər ŋa ya, ndəna ɗa ika gər ahəɗ a tserdze ka, a ahər gà.

Luka 24:26

Wànà kà sərum tsiye, na *Kiristi, mala məmbàlà à mburma ana Mbulum a gwa, i slir a kurumaha a ya ka, say à sèwèr a are dzekwiŋ a, dite ka, a ndze a a təv Əbay ŋgar ana gà mburma ti zlibe a à ŋgat a?»

Yuhana 12:24

Iye ihər i gweɗe a kurum a nda ndzer, pàrsa iɗəm tsa: Na tàa tike hwife daw ilik a biye tsəka, a ndze a kataya, à sìkèh a tsa. Ama na tàa slige ka, a sliliŋa. Say wur ŋa ata a gwinekiŋa, dite naha a ge a ba, a ge a wur hinne.

Gà Ɓəzla Meslire 10:36

Kà sərum bazlam ana Mbulum a sləraha a gà mburma Isərayel, dite a zla a taraha bazlam ŋgwal ŋa ana a vile a ter a matasla yam a gəzləŋ zayya lele, nda ahər Yesuw Kiristi ya, aɗaba ana ŋgat a ne Batsah ŋa i liwiŋ gà mburma tserdze ya.

Gà Ɓəzla Meslire 10:42

Ŋgat na a gwaɗa a mər ka, tsikwim bazlam ŋgwal ŋa aaha a gà mburma ya, dite ka ɗifewim a tar dər ŋgarra lele. Iye na Mbulum a tike iye aà mege seriye gà mburma ana tar riŋ nda are ya, dite nda gà na tàa mata ya asa mbaŋa.

RUMA 10:9

Na kàa gə̀sakwa nda gəzləŋ, kàa tsikikwa ika miɗ mburma parakkà, Mbulum na a mbəlara à Yesuw i məməta ya, dite na a ne BATSAH kwa ŋa ya ka, Mbulum a ta mbil a à kwa mbaŋa.

2 Kurintiya 5:14

Mege megemir ana mìi ge a tserdze ya ka, agəra ana mì sər, Kiristi a waya kwa hinne ya. Ŋgat a mət ka, aɗaba mburma tserdze. Kamala taŋa ya, kà sərakwa ndzer, tar ata tserdze ya ka, tàa mata akaba nda gà ŋgat, na i təv are Mbulum a.

1 TESALUNIKE 4:14

Kwa ka, kà sərakwa ndzer, Yesuw aka mət, dite i dəba ŋa ya ka, Mbulum a mbəlara à ŋgat i məməta ya. Kamala taŋa ya tekeɗe, sərum dər ka, gà na tàa gəs Yesuw nda gəzləŋ tar a, aləka tàa mata ka, Mbulum a ta mbilere à ter a i məməta ya kataya mbaŋa, na dite ti ndze a i təv ilik ŋa nda gà Yesuw a.

1 TESALUNIKE 5:10

Ŋgat a mət ka, aɗaba kwa, na dite ki ti ndzekwe a i təv ilik ŋa nda gà ŋgat a. Ku mege kàa mbər mìtekwa, kige tsa ku mege kwa riŋ mandza ŋa nda are mba tekeɗe, a pat ana à mère a ya ka, ki ndzekwe a i təv ilik ŋa nda gà ŋgat.

2 TIMUTE 4:1

Iye ihər i gik a kamkam ika miɗ gà Mbulum nda Yesuw Kiristi. Aɗaba Yesuw ka, wele ana a ta ge a seriye a mburma tserdze ya, ku mege gà na tar riŋ nda gà mesife ya, ku gà na tàa mata ya asa mbaŋa. Kər kà sər ndzer, a ta mèriŋa, na dite ka, a de a a mekwere ŋgar ana a ta kwere a ya.

IBƏRANIKWA 12:2

Ki dzèkwehe a are ka, a təv Yesuw ndàslsla kəla pat. Aɗaba megìse kwa ana kə̀ gə̀sakwa ya ka, ŋgat na à lèh a kwe a aka miɗ, haa a təv mendìsle kwa ya. Akahər ata ka, aka gəs gəzləŋ i təv ana a mət aà dizl magə̀làwà ŋa ya lele. Ku mege tàa ndaɗa aka ŋgat hwarwa tekeɗe ka, aka dzala hwarwa ata tsa, na dite a ŋget a maŋgayaba ana Mbulum a waya a viler a aka miɗ mba ya. Aɗaba taŋa na ŋgat mandza ŋa ika təv mendze *mekwere Mbulum ika tsèke ahər mezime ŋgar kinehe ya.

1 PIYER 1:21

Kə̀ gəsum Mbulum nda gəzləŋ kurum ka, aɗaba ŋgat, ŋgat ana Mbulum a mbəl dərra i məməta ya, dite a vəlar mezlibe ana gà mburma tì zlibe a à ŋgat hinne ya. Aɗaba taŋa ki slwim a aà məvəla gəzləŋ kurum a Mbulum ilik, na dite ki sirwim a dər ka, a ta mbil a kurum mbaŋa ya.

1 PIYER 4:5

Ama a pat ŋgiɗ ka, Mbulum a zel a a gà mburma ata, ti dere a, ta hitse a aka miɗ ŋgar, a ge a ter a seriye kuɗa. Aɗaba aka hadzal ba aà mege seriye a gà mburma ana tar riŋ nda are ya, nda gà na tàa mata ya mbaŋa.

Sunwa Yuhana 1:18

Iye ka, wur ana a ndze a aà bəra nda gà mesife ya. Ama ka, Yàa mət, i dəba ŋa ya ka, Yàa mbəlara i məməta ya asa. I ndze a aà bəra nda mesife ka, aà biybiy. Iye ka, ndzəɗa ŋa ika gər məməta, nda gà ika gər təv mendze gà məməta ana tar mandza ŋa iɗəm a asa mbaŋa.

Sunwa Yuhana 2:8

Wele ata a gweɗiŋ asa: «Wetse bazlam aaha a gawla Mbulum ana i kwite Samirna, a kesle a gà mburma Mbulum a. Ki wetse a ka, bazlam aaha: Bazlam ŋa na a tsik ka, wele ana malahalah ŋa ika gər gà duwa tserdze ya, dite ŋgat na à ndìv a à gà dukw ata tserdze ya mbaŋa asa. Wele ata ka, aka mət, ama aka mbəlara i məməta ya asa.