RUMA 14:8 - Bible Zulgo

⁸ Na i təv ana kinehe kwa riŋ ki ndzekwe a aà bəra ka, aà mazàmbàɗà à BATSAH kwa ŋa. Dite i təv ana ki metekwe a asa ya ka, ki zèmbeɗekwe a dər hiywe. Kamala taŋa ya, ku mege kwa riŋ nda are, kige tsa bəla kàa matakwa tekeɗe ibam a ka, kwa tserdze biy Yesuw Kiristi BATSAH kwa ŋa.

RUMA 14:8 ပူးပေါင်းရင်းမြစ်များ

Luka 20:38

A tsik taŋa ka, a gà mburma ana tar riŋ ti ndze a aà bəra hiywe ya, ku mege tàa mata tekeɗe ya. Aɗaba Mbulum ka, biy gà mburma ana tar riŋ ti ndze a aà bəra hiywe ya, tsəka, biy gà məməta tsa. Aɗaba gà mburma ŋgar tserdze ti ndze a aà bəra hiywe ika miɗ ŋgar ka, agəra ŋgat.»

Yuhana 21:19

Yesuw a tsik bazlam ata nda təv Piyer kataya ka, a ɗifer à məməta ŋgar ana à mìt a, à zlibe a dər à Mbulum a. I dəba ŋa ya ka, Yesuw a gwaɗar: «Zezem iye.»

Gà Ɓəzla Meslire 13:36

Aɗaba Dawda tekeɗe ka, aka ge megemir Mbulum kamala ana Mbulum a waya ya mbaŋa, na akahər ana ar à bəra ya. I dəba ŋa ya, a mət, ti le ŋgat a tsaka gà batsah tsir ŋgar. Aləka ka, a ze, a huslwa.

Gà Ɓəzla Meslire 20:24

Ama iye ka, Yàa dzala mesife gà tə tsa. Dukw ilik a sèsiŋ ka, say i ndìv a à meslire ana Yesuw BATSAH kwa ŋa a viliŋ a, tsam ka, tsway, tsəka, duwa a riŋ tsa. Mege megemir ŋa ka, kamala megweɗe ya: Metsìkè bazlam Mbulum ŋgwal ŋa ana mburma a ndzer a dər are tsehe ya.

Gà Ɓəzla Meslire 21:13

Ama a gwaɗa a mər: «Aàmala na ki tiwwim a, ki dzwìm a aà iye magəɗa asa ya? Iye ka, Yàa hadzal ba ga, Yàa dzala ka, ti ti dzew a iye ana, meme tsa. Aɗaba ku mege i ta mìt a a Yeruzalem agəra Yesuw BATSAH kwa ŋa tekeɗe ka, à lèh a duwa tsa.»

1 Kurintiya 15:23

Ama dukuməŋa a ge a ba ndaka vatwa ŋa, tsəka, a ndeb aaka a tsa. Taŋa Kiristi ka, ŋgat na a lah aà məmbə̀lara i məməta ya ya. A pat ana à mère a ya ka, Mbulum a ta mbele a à gà na ti ne gà mburma ŋgar a mbaŋa kuɗa.

FILIPIYA 1:20

Dukw ana i waya hinne, i tike aaka madzala gà gər gà ya ka, i ta ge a dukw ana dite ka, tuɗum tuɗum a ndeɗe a aka iye hwarwa ya ilik tsidze. Ama ka, gəzləŋ ga ma ndza ɓəŋɓəŋ lele. A sèsiŋ ka, mege kinehe, kige tsa bəla ndeɗime tekeɗe ka, gà mburma tə̀ zləbawa à Yesuw Kiristi aɗaba iye. Na iye riŋ mandza ŋa nda are ya, ku mege Yàa mət tekeɗe ka, tə̀ zlə̀b à ŋgat pəra kamala taŋa ya.

FILIPIYA 2:17

Megìse kurum ana kə̀ gəsum Mbulum a ka, a ne kamala dukw taf masakəŋa ana kà kə̀ɗumar a. Ama na bəla ta kiɗ a iye ka, a ne a kamala ana i dzar à məmbəz gà kamala dukw taf masakəŋana ya mbaŋa. I səkah dər aaka ka, aka biy kurum ana kà vəlumar a. Na kataya ka, i ta ŋgeye a ba hinne, dite maŋgayaba ata a ge a i təv kurum mbaŋa.

FILIPIYA 2:30

Aɗaba a zeha ka, kwizikw, aka à mimìte, agəra mege megemir Yesuw Kiristi. A dzala i gər ŋgar ka, a gwa, ku mege i mìt a tekeɗe ka, à zlèk a iye. Kamala taŋa ya, a zla təv mendze ata ka, avukw kurum, na dite à ndìv a à mege megemir ŋa kamala ana zləmana kurum ki zlèkwim a iye ya.

1 TESALUNIKE 5:10

Ŋgat a mət ka, aɗaba kwa, na dite ki ti ndzekwe a i təv ilik ŋa nda gà ŋgat a. Ku mege kàa mbər mìtekwa, kige tsa ku mege kwa riŋ mandza ŋa nda are mba tekeɗe, a pat ana à mère a ya ka, ki ndzekwe a i təv ilik ŋa nda gà ŋgat.

Sunwa Yuhana 14:13

I dəba ŋa ya ka, i tsarakara mifefile i mbulum a asa, a gweɗiŋ: «Wetse dukw ana i tsikik a ya. Bazlam ŋa ka: Gà na ta mataya i megemir Mbulum a ka, maŋgayaba ika gər tar, daga aà kinehe ya.» I fataya ka, Mezite Mesife Mbulum a gwa aaka: «Haya, kamala taŋa ya kaɗəŋ. Aɗaba mege megemir tar ka, aka ndəv, tì sifik a ba ka, nda gà maŋgayaba. Aɗaba dukw megemir tar ana ta ge ŋgwal ŋa ya ka, ndərzayya, makàhà ŋa asa tsa.»