RUMA 14:3 - Bible Zulgo

³ Ama kər ana ki zim a duwa tserdze ya ka, ka ta fə̀r aà wele ana a sasar tsiye, kamala za ya ɓav tsa. Dite kər ana a sàsak tsiye, ka ta mà à bakal a wele ana a pèpìɗ a ya ɓav tsa asa. Aɗaba Mbulum ka, a wele a ikaba kurum a tsa, à gis a biy ŋgiɗ aaha mbaŋa.

RUMA 14:3 ပူးပေါင်းရင်းမြစ်များ

Mata 18:10

I dəba ŋa ya, Yesuw a gwaɗa a tar asa: «Gwim metsehe, aɗaba ka ta fə̀rum aà gà asiŋ gà mburma ana ta gəs iye nda gəzləŋ, dite ka, ti ne gà ɓəza i təv are kurum a ka, kamala za ya tsa. Aɗaba iye ihər i gweɗe a kurum a nda ndzer: Gà gawla Mbulum ka, tar riŋ kəla pat mandza ŋa ika miɗ Mbulum Tsir gà i gər ŋa, aɗaba tar mbaŋa.

Mata 9:14

I dəba ŋa ya, gà ɓəzla mazazama Yuhana metsìlwìɓè à mburma a yam duwa tə daha a təv Yesuw, ta gwaɗar: «Naha ana, meme na mər nda gà *Farisa mì gewa ndəra ka, ama gà ɓəzla mazazama kər ka, ta ge a ti tsiye?»

Luka 18:9

Aləka i dəba ŋa ya, Yesuw a tsik bazlam minew ŋgiɗ pam asa, a gà mburma ana tə dzala i tar ka, tar gà ɓəzla gà ŋgwal ŋa ika miɗ Mbulum, dite ka, ta fir a aà gà mìsle ŋgiɗ ka, kamala za ya. A gwaɗa a tar:

Gà Ɓəzla Meslire 10:34

Piyer a gəs a tar aakaha, a gwaɗa a tar: «Ama kinehe ka, Yàa sər kuɗa. Mbulum ka, a wala ikaba mburma ya tsa.

Gà Ɓəzla Meslire 10:44

Akahər ana Piyer a riŋ a tsik a ter a bazlam ata mba ya ka, Mezite Mesife Mbulum a tarra aka gà mburma ana riŋ ti dze a zləm a mifefile ŋgar ata tserdze ya.

Gà Ɓəzla Meslire 28:2

Gà mburma ana a riŋ i fataya, ta gwaɗa a mər: «Tàkwa a ma mər.» Mì da akaba. Mì daha ka, ta ge a mər gər hinne. I dəba ŋa ya, yam a dza. Mə̀tasl a ge a mər a hinne. Tə daha, ta vàt a mər akwa.

RUMA 11:15

I təv ana Mbulum a miyak à gà Yahuda tə̀ma ya ka, a gəs masla nda gà asiŋ gà mburma ana ika gər ahəɗ a. Ama a pat ana ta me akaba a asa ya ana, dukùla na a ta ge a ba ya? Dukw ana a ge a ba ya ana, à zè a taŋa tsiye? A pat ata ka, gà na ti ne gà məməta ya, ta ŋget a mesife kuɗa.

RUMA 14:1

Na bəla wura ndzəɗa ŋgar a riŋ zukw tsa ika vatwa Mbulum ka, gəsum aaba ŋgat lele mbaŋa. Ka ta mbetswimar ahəm aka dukw ana aka dzala pam aà biy kurum a tsa.

RUMA 14:10

Na kataya dze ana, aàla na ki me a à bakal a mìsle ŋgiɗ a? Kige tsa aàmala dze ya na ki fir ahər a kamala za ya? Aɗaba kà sər tsiye, kwa tserdze ki tèkwe a a təv seriye aka miɗ Mbulum a. Ŋgat na a ses a ikaba bazlam ŋa ya.

RUMA 14:13

Aɗaba taŋa, kà màkwaba à bakal asa tsa. Ama kurum kinehe ka, ki zlwim a metseke i vatwa gà damər kurum a ivaɗ. Ŋgulum ki dzelwim a ka, aka vatwa ana a da fehhè lele, duwa ikəka tsa, dite ka, gà damər kurum ata ti ndif ahər a sik, tì dìɗ a dər a bakal tsiye.

RUMA 14:15

Kamala taŋa ya, na bəla kər kàa zəm ka, kà wiser ka, à gər. Dukw ata kì ger ka, kamala ana kà waya ŋgat asa tsiye. Tsaatsa Yesuw Kiristi a mət ka, aɗaba ŋgat mbaŋa. Agəra taŋa, dukw ana ki zim a ya ka, mà dəɗ à ŋgat a bakal tsa.

RUMA 14:21

Aɗaba taŋa, dukw ana ta gwa ahər, ŋgwal ŋa tsa, à dìɗ a à damər yak ika vatwa Mbulum a ka, ŋgulum ki ge tsa. Bəla məpapəɗa slu ata, kige tsa masà guzum nda gà ku mege dukùla tserdze tekeɗe ya.

RUMA 15:7

Kamala taŋa ya, ki giswim a ba ika magər kurum ilik ilik tserdze, kamala ana Yesuw Kiristi a gəs kurum a mbaŋa. Na kàa gwim kataya ka, dite na mburma tekeɗe, tì zèmbeɗe a à Mbulum a.