RUMA 14:13 - Bible Zulgo

¹³ Aɗaba taŋa, kà màkwaba à bakal asa tsa. Ama kurum kinehe ka, ki zlwim a metseke i vatwa gà damər kurum a ivaɗ. Ŋgulum ki dzelwim a ka, aka vatwa ana a da fehhè lele, duwa ikəka tsa, dite ka, gà damər kurum ata ti ndif ahər a sik, tì dìɗ a dər a bakal tsiye.

RUMA 14:13 ပူးပေါင်းရင်းမြစ်များ

Mata 16:23

I dəba ŋa ya, Yesuw ə̀ba a fə̀r ahər, a gwaɗar: «Kər Piyer, madzala gà gər yak ata ka, mà da i təv ga ya, aɗaba kər kà ne ika miɗ gà ka, kamala Əbay sitene ya. Kər ka, a sàsak medzeye à iye ika vatwa ya. Aɗaba madzala gà gər yak ata kà dzala ya ka, biy mburma, tsəka, biy Mbulum tsa.»

Mata 18:7

Waya gà mburma gər ahəɗ a, agəra dukw ana a peze a ter a za, aà mege dukw bakal a. Taŋa gà dukw ata ka, a ta ge a riŋ seyiŋ. Ama mesewere are ika gər wur ana a peze a za a mburma, aà mege bakal a.

Mata 7:1

«Ka ta mum à bakal a gà mìsle ŋgiɗ tsa, na dite Mbulum tekeɗe, a ta me a kurum a à bakal tsiye mbaŋa.

Luka 12:57

«Aɗaba la na kurum nda gər kurum ka, kà sərum dukw ana a tsahən biy mege ka, kà sərum tsa ana, aàla?

Luka 17:2

Seriye Mbulum ana a le ahər a ya ka, ŋgulum tə̀ danar batsah zal kur a ɗa, dite tì yè a dər akaba ŋgat a batsah duluv, ndəna a bene a medzibe gà ɓəza aaha ta gis iye ya, a bakal a.

RUMA 11:9

Dawda ibam, a tsik mbaŋa ka, a gwa: «Dukw mezime ana ti zim a ya ka, ə̀ŋgəts mà dàn a tar aka biye ɗa, kamala ɓele ana a mbezle a aka duwa ya, kige tsa bəla ŋgiziw kamala ziwiɗ ana à gis a duwa ya asa, dite ka, tə̀ dəɗ ika vatwa ya. Mbulum tekeɗe, mə vəl a tar mesewere are.

RUMA 14:10

Na kataya dze ana, aàla na ki me a à bakal a mìsle ŋgiɗ a? Kige tsa aàmala dze ya na ki fir ahər a kamala za ya? Aɗaba kà sər tsiye, kwa tserdze ki tèkwe a a təv seriye aka miɗ Mbulum a. Ŋgat na a ses a ikaba bazlam ŋa ya.

RUMA 14:3

Ama kər ana ki zim a duwa tserdze ya ka, ka ta fə̀r aà wele ana a sasar tsiye, kamala za ya ɓav tsa. Dite kər ana a sàsak tsiye, ka ta mà à bakal a wele ana a pèpìɗ a ya ɓav tsa asa. Aɗaba Mbulum ka, a wele a ikaba kurum a tsa, à gis a biy ŋgiɗ aaha mbaŋa.

RUMA 14:4

Kər dze ana, weke na ki me a à bakal a mala meslire mìsle ŋgiɗ a? Na bəla dukw ana aka ge ndaka vatwa ŋa tsəka, mala ga ŋgar na a tsiker ahər a ya, nda gà aka ge lele ka, hiywe ŋgat na a tsiker a ya. Ama i təv kurum kinehe tekeɗe, kamala taŋa ya mbaŋa. Mala meslire a ge a lele hiywe, aɗaba Mbulum Batsah ŋgar ŋa a riŋ, ŋgat mala ndzəɗa, à zlèk a ŋgat, na dite a sle a aà medìɗè a ika vatwa ŋgar a tsiye.

RUMA 16:17

Gà damər gà, i ge a kurum a kamkam: Gwim metsehe, kaslum ba kurum i təv gà na ta me a kurum a à ŋgwaza nda təv bazlam Mbulum, ti tsik a kurum a dukw ana kàa tsarakum ilik tsiye ya. Dite ka, ta gwitse a ikaba à kurum a, ki sirwim aba a ahəm asa tsa, gà mìsle ŋgiɗ tì dzèwe a ika vatwa Mbulum a. Ama ka, ka vəlum a tar are tsa, sìrìkwim i təv tar a diriŋ.

1 Kurintiya 10:32

Ki gwim a ka, dukw ana a vile a mendìfè sik a gà mìsle ŋgiɗ tsiye, ku mege gà Yahuda, ku mege gà Yahuda tsa, dite ku mege gà mayahaba gər gà mburma Mbulum tekeɗe ya.

1 Kurintiya 11:13

Dzalum nda gà gər kurum dzekwiŋ: na bəla məkəs a dehe a a ga Mbulum, a heme a a Mbulum ka, ze madànà feɗere a gər ana, taŋa ana, lele ya? Tsikwim kwaŋ.

2 Kurintiya 5:14

Mege megemir ana mìi ge a tserdze ya ka, agəra ana mì sər, Kiristi a waya kwa hinne ya. Ŋgat a mət ka, aɗaba mburma tserdze. Kamala taŋa ya, kà sərakwa ndzer, tar ata tserdze ya ka, tàa mata akaba nda gà ŋgat, na i təv are Mbulum a.

2 Kurintiya 6:3

A sàs a mər na mìi ge a dukw ana a vile a mendìfè sik a mburma ya te tsidze. Aɗaba mì waya na ta wele a aà mege megemir mər a ya tsa.

FILIPIYA 1:10

Kamala taŋa ya, ki pelwim a ikaba gà dukw ana ŋgwal ŋa ti de a ndaka vatwa Mbulum a, dite a pat ana Yesuw Kiristi à mère a, a ge a seriye ya ka, ki ndzwim a tsəɗaŋŋa lele, bakal i təv kurum tsa.

1 TIMUTE 5:14

Aɗaba taŋa na a sèsiŋ ka, ta wetse a zləm gà madakwa gà məkəs ana gà daala ŋa ya tsiye. I waya ka, tə da a zal asa, ta waya mawà kəla, dite ta ge gər a gà ɓəza tar, ta gəs tar lele. Na tàa ge kamala taŋa ya ka, gà ɓəzla mene are kwa ta ŋget a vatwa aà metsìkè aà kwa dukw ana ŋgwal ŋa tsiye asa tsa.

YAKUBA 2:4

Na ki welwim a ikaba mburma ya kataya ka, taŋa ki gwim a ka, bakal. Aɗaba ki gwim a taŋa ka, nda madzala gà gər ana ŋgwal ŋa tsiye.

YAKUBA 4:11

Gà damər gà, ka ti tsikwim dukw ana ŋgwal ŋa tsiye aà mburma tsa. Na wura aka tsik dukw ana ŋgwal ŋa tsiye aà damər ŋgar, kige tsa à mèr a à bakal mbaŋa ka, taŋa ka, a tsik dukw ata ŋgwal ŋa tsiye ka, aà məpala ahəm Mbulum. A mà à bakal ka, a ŋgat mbaŋa. Avukw ana à gis a məpala ahəm ŋgar a ka, a ne mala məmàr à bakal ivaɗ dze ana, meme?

1 Yuhana 2:10

Na bəla wur ana a waya mburma ya ka, sərum dər, ŋgat ka, mandza ŋa ka, i təv dzaydzay ŋa. Duwa a riŋ ilik i təv ŋgar na à gis a mìsle ŋgiɗ a bakal a tsa.

Sunwa Yuhana 2:14

Ama kəla ka, duwa a riŋ ika magər kurum, na i samata ka, ŋgwala tsiye. Aɗaba gà asiŋ gà mburma ŋgiɗ ika magər kurum, ti zezem a ka, dukw Balaam ana a dzeŋge a mburma akahər ata ya. Ŋgat ka, a ɗif à duwa a Balak, dite ka, meme na a bene a gà mburma Isərayel a bakal a. Dukw ana ta bana ahər tar a ka, ta papəɗ slu ana tə tàwàl dər fəla ya, nda mege mezelme nda təv muva mbaŋa asa.*fd*