RUMA 14:1 - Bible Zulgo

¹ Na bəla wura ndzəɗa ŋgar a riŋ zukw tsa ika vatwa Mbulum ka, gəsum aaba ŋgat lele mbaŋa. Ka ta mbetswimar ahəm aka dukw ana aka dzala pam aà biy kurum a tsa.

RUMA 14:1 ပူးပေါင်းရင်းမြစ်များ

Mata 12:20

Kwizir ana dzùŋgurra madzàdzàkà ŋa ya ka, à hìɓ a dər ikaba ya tsa. Dite a mbete a à akwa ana a zeha ndwizzwè i lalampa, aka à mimbete ya ɓav tsa asa. A ye a ba tsidze, haa tsikw a təv ana aka burwa à dukw ana ŋgwala tsa, a ta ge a nda ndzer a ya.

Mata 14:31

I fataya tsara ka, làndaw Yesuw a gəsara ŋgat i ahər a. A gwaɗar: «Aàla na kə̀ gəs iye nda gəzləŋ yak lele tsiye? Wànà kà zlaŋa ana, ndzəɗa gà a riŋ aà mazlàkà kər tsiye?»

Mata 18:10

I dəba ŋa ya, Yesuw a gwaɗa a tar asa: «Gwim metsehe, aɗaba ka ta fə̀rum aà gà asiŋ gà mburma ana ta gəs iye nda gəzləŋ, dite ka, ti ne gà ɓəza i təv are kurum a ka, kamala za ya tsa. Aɗaba iye ihər i gweɗe a kurum a nda ndzer: Gà gawla Mbulum ka, tar riŋ kəla pat mandza ŋa ika miɗ Mbulum Tsir gà i gər ŋa, aɗaba tar mbaŋa.

Markus 7:19

Aɗaba dukw ana a zim a ka, a de a ka, a gəzləŋ ŋgar tsa. Ama a de a ka, ndàra a hitwis, dite a dere a i ba ŋgar a ndàra a bəɗ a bəra ya.» A sàs a Yesuw aà megweɗe agəra bazlam ata ka, dukw mezime tserdze ka, lele.

Luka 17:2

Seriye Mbulum ana a le ahər a ya ka, ŋgulum tə̀ danar batsah zal kur a ɗa, dite tì yè a dər akaba ŋgat a batsah duluv, ndəna a bene a medzibe gà ɓəza aaha ta gis iye ya, a bakal a.

Yuhana 13:20

Iye ihər i tsik a kurum a nda ndzer, pàrsa iɗəm tsa: Wele ana aka gəs mala meslire ana i slir a ya ka, a gəs taŋa ka, iye mbaŋa. Dite wele ana aka gəs iye ya ka, a gəs ka, wele ana a slərra iye ya mbaŋa asa.»

Gà Ɓəzla Meslire 28:2

Gà mburma ana a riŋ i fataya, ta gwaɗa a mər: «Tàkwa a ma mər.» Mì da akaba. Mì daha ka, ta ge a mər gər hinne. I dəba ŋa ya, yam a dza. Mə̀tasl a ge a mər a hinne. Tə daha, ta vàt a mər akwa.

RUMA 11:15

I təv ana Mbulum a miyak à gà Yahuda tə̀ma ya ka, a gəs masla nda gà asiŋ gà mburma ana ika gər ahəɗ a. Ama a pat ana ta me akaba a asa ya ana, dukùla na a ta ge a ba ya? Dukw ana a ge a ba ya ana, à zè a taŋa tsiye? A pat ata ka, gà na ti ne gà məməta ya, ta ŋget a mesife kuɗa.

RUMA 14:2

I tsik taŋa ndeyndey ka, aɗaba mazəma dukw mezime. Gà mìsle ŋgiɗ ti dzele a ka, dukw mezime tserdze ka, dukw mewisle iɗəm tsa, ti zimiŋa. Ama gà biy ŋgiɗ ibam, gà na ndzəɗa tar a riŋ tsa ika vatwa Mbulum a ka, ta gweɗe a, slu ka, awisl, mìi pèpìɗ a tsa. Ti zim a ka, ala bagur pəra.

RUMA 14:21

Aɗaba taŋa, dukw ana ta gwa ahər, ŋgwal ŋa tsa, à dìɗ a à damər yak ika vatwa Mbulum a ka, ŋgulum ki ge tsa. Bəla məpapəɗa slu ata, kige tsa masà guzum nda gà ku mege dukùla tserdze tekeɗe ya.

RUMA 14:3

Ama kər ana ki zim a duwa tserdze ya ka, ka ta fə̀r aà wele ana a sasar tsiye, kamala za ya ɓav tsa. Dite kər ana a sàsak tsiye, ka ta mà à bakal a wele ana a pèpìɗ a ya ɓav tsa asa. Aɗaba Mbulum ka, a wele a ikaba kurum a tsa, à gis a biy ŋgiɗ aaha mbaŋa.

RUMA 15:1

Kwa ana ndzəɗa aà kwa ika vatwa Mbulum a ka, say ki zlèkikwe a dər gà na ndzəɗa aà tar zukw tsiye. Ka ta gekwa dukw ana a tsahən aà ba kwa ɗekɗek a tsa.

RUMA 15:7

Kamala taŋa ya, ki giswim a ba ika magər kurum ilik ilik tserdze, kamala ana Yesuw Kiristi a gəs kurum a mbaŋa. Na kàa gwim kataya ka, dite na mburma tekeɗe, tì zèmbeɗe a à Mbulum a.

RUMA 4:19

Akahər ana Mbulum a tsik a Abəraham kamala taŋa ya ka, mive ŋgar aka à mege dərməka. A sər ka, ba ŋgar aka ge màndawal, dite Sara məkəs ŋgar ibam, aka ge màndawal herem herem, aka ndaha i mawà kəla ya asa mbaŋa. Ku mege kataya tekeɗe, a da aka miɗ nda magəsa dukw ana Mbulum a tsiker i sida ya, i gəzləŋ ŋgar ɓəŋɓəŋ lele, aka ya ba tsidze.

1 Kurintiya 9:22

Ama na iye riŋ ika magər gà mburma ana tàa sime ika vatwa Mbulum zukw tsiye ka, i newa à ba gà kamala tar a mbaŋa, na dite i yehere a tar a təv Mbulum a. Ku mege gà dukùla tekeɗe ka, na Yàa ndze a təv tar ka, i ndze a kamala tar a mbaŋa. I gewa dər kataya ka, aà dite gà asiŋ ŋana i liwiŋ tar a, ta mbala, na mege a ge a ba ya.

FILIPIYA 2:29

Kamala taŋa ya, na bəla aləka aka ndzeha ka, gəsum ŋgat nda maŋgayaba lele, aɗaba ŋgat ka, damər kurum ana ika vatwa BATSAH kwa ŋa ya. Zlə̀bum à medzibe gà mburma ata kamala ŋgat a ya.

1 TESALUNIKE 5:14

Gà damər mər, mìi ge a kurum a kamkam asa: Bwim à ɗaf a gà ɓəzla màsar ana ti ndze a taf masakəŋa ya. Mùmaha à arəv a gà ɓəzla magəɗa, dite kà zlakum gà na ndzəɗa tar a riŋ tsiye mbaŋa. Gəsum gəzləŋ nda təv gà mburma tserdze, kà yum ba ika miɗ mburma tsa.

IBƏRANIKWA 5:14

Ama dukw mezime ana ndzəɗa ŋa kamala ɗaf a ka, say biy gà mburma ana tàa sime ya. Tar ka, tə sər metsehe lele. Tàa sinikebe à masəra ikaba à gà dukw ana ŋgwal ŋa ya, ndəna ŋgwal ŋa tsiye ya.

2 Yuhana 1:10

Aɗaba taŋa i tsik a kurum ŋa: Na wura a dere a a təv kurum a, a dzeŋge a kurum a dukw ana Yesuw Kiristi a dzeŋge a kwa ya tsəka, ka ta gəsum aaba ŋgat a ga a ma kurum tsa. Ka ta gwimer wusa ɓav tsa asa mbaŋa.