RUMA 13:8 - Bible Zulgo

⁸ Na wura aka vəl a kurum gwèdèrè, bəla biy dukùla tserdze ka, pə̀lumar dukw ŋgar, ma zeha a təv kurum kwizikw tsidze. Say duwa ilik kə̀la ka, mawàyà ba na ma zeha a təv kurum a. Wayum gà asiŋ gà mburma ilik ilik tserdze aka miɗ aka miɗ. Aɗaba wur ana aka waya mburma ya ka, aka zazam məpala ahəm Mbulum tèrihhwè lele.

RUMA 13:8 ပူးပေါင်းရင်းမြစ်များ

Mata 7:12

Aɗaba taŋa, dukw ana a sàs a kurum zləmana gà mburma ta ge a kurum ŋgwal ŋa ya ka, kurum tekeɗe ibam, gwim a tar kataya mbaŋa. Taŋa na dukw ana i wakita məpala ahəm Musa nda biy gà ɓəzla məma à guma Mbulum a tsik tserdze ya.»

Yuhana 13:34

Araha, i tsik a kurum a məpala ahəm awiya ŋa. Dukw ana i tsik a ya ka, wayum ba kurum ilik ilik tserdze. Ki weywim a ba ka, kamala ana i waya kurum a mbaŋa.

RUMA 13:10

Ku weke na aka waya mburma kamala taŋa ya ka, a ge a dukw bakal a mburma tsa. Aɗaba taŋa, na kàa waya mburma kataya ka, kàa zazam məpala ahəm ata ka, tèrihhwè lele ndzer.

RUMA 13:7

Ki dzwìm a ter a tserdze, na dukw ana a da ndaka vatwa ŋa, ta wiz aà kurum a. Kamala megweɗe ya, na tàa wiz aà kurum hadam ka, ki dzwìm a kamala ana ta wiz a. Na bəla ta wiz aà kurum dukw dùwan ka, ki dzwìm a kamala taŋa ya mbaŋa. Zàmbaɗum à gà bàba ŋa ana ta kwere a kurum a, gəsum aà tar bazlam lele.

GALATIYA 5:14

Aɗaba dukw ana batsah ŋa i huɗ gà məpala ahəm tserdze ya ka, araha: «Waya mburma tserdze, ku mege weke, kamala ana kà waya ba yak a mbaŋa.»*fa*

KULUSIYA 3:14

Ndeyndey ŋa ka, wayum ba ika magər kurum ilik ilik tserdze. Aɗaba na kàa wayum ba kataya ka, ki ndzwim a i təv ilik ŋa ndìɓèkke lele nda gəzləŋ ilik ŋa.

1 TIMUTE 1:5

Ki tsik a ter a bazlam ata ka, dite ta waya mburma. Na aka sàs a tar mawàyà mburma ka, say gəzləŋ tar ma ge lele tsəɗaŋŋa, aruwaŋ ma ge iɗəm tsa. Ta gewa ka, dukw ana ŋgwal ŋa ya ɗekɗek. Dite ta gəs Mbulum nda gəzləŋ tar nda ndzer mbaŋa. Na tàa ge gà dukw ata fit ka, ta waya mburma kaɗəŋ.

YAKUBA 2:8

Na ki zezemwim a məpala ahəm nda ndzer kamala ana Mbulum a gwa i wakita ka: «Wayum mburma, kamala na kà wayum ba kurum a»*fa* ka, kàa gwim lele.

1 Yuhana 3:10

Ama wur ana a gewa dukw ana ŋgwal ŋa tsiye ika miɗ Mbulum, kige tsa a waya mburma tsəka, ŋgat ka, mburma Mbulum tsa. Kamala taŋa ya na ki sirekwe a dər ikaba ya, naha ka, gà ɓəza Mbulum, kige tsa gà ɓəza Əbay sitene ka, aà gà dukw ata ta geye a ya.