RUMA 13:7 - Bible Zulgo

⁷ Ki dzwìm a ter a tserdze, na dukw ana a da ndaka vatwa ŋa, ta wiz aà kurum a. Kamala megweɗe ya, na tàa wiz aà kurum hadam ka, ki dzwìm a kamala ana ta wiz a. Na bəla ta wiz aà kurum dukw dùwan ka, ki dzwìm a kamala taŋa ya mbaŋa. Zàmbaɗum à gà bàba ŋa ana ta kwere a kurum a, gəsum aà tar bazlam lele.

RUMA 13:7 ပူးပေါင်းရင်းမြစ်များ

Mata 17:25

Piyer a gwaɗa a tar aaka: «A dze a mbaŋa.» I fataya tsara ka, Piyer a da a ga a təv Yesuw. A daha ka, Yesuw a lah mifèfiler. A gwaɗar: «Kər kà dzala ana, meme, Simun? Wànà gà Əbay tə ndzə̀kawa hadam, nda gà bəla gà dùwan, tə ndzə̀kawa siŋgwe ana, aà gà weke ya? Wànà aà gà gwala tar a ya, tsəna, aà gà slele ya ya?»

Mata 22:21

Ta gwaɗar aaka: «Biy batsah Əbay gà Ruma ata ndeɗiŋa ya.» Yesuw a gwaɗa a tar aaka: «Yawwa, dukw ana biy batsah Əbay gà Ruma ya ka, vəlumar dukw ŋgar. Ama dukw ana biy Mbulum a ka, vəlum taŋa a Mbulum.»

Markus 12:17

Yesuw a gwaɗa a tar: «Yawwa, dukw ana biy batsah Əbay gà Ruma ya ka, vəlumar dukw ŋgar. Ama dukw ana biy Mbulum a ka, vəlum taŋa a Mbulum mbaŋa.» Bazlam Yesuw ata a tsik a tar a ka, a za i gər a biy tar ana tə dzala i gər tar a. A ne aka tar ka, kamala dukw mene aà mburma ya asa.

Luka 20:22

Aɗaba taŋa, tsik a mər məpala ahəm Mbulum kwa kwaŋ, dze ana, wànà aka vəl vatwa aà mandza hadam a batsah Əbay gà Ruma ana a kwere a kwa ya, tsəna, aka vəl tsiye?»

Luka 20:25

Yesuw a gwaɗa a tar: «Yawwa, dukw ana biy batsah Əbay gà Ruma ya ka, vəlumar dukw ŋgar. Ama dukw ana biy Mbulum a ka, vəlum taŋa a Mbulum mbaŋa.»

Luka 23:2

Ti ndze dərraha ka, tə dza ba aà masàsà ahər pàrsa hinne ika miɗ Pilatus. Ta gwa: «Mì le aà wele aaha ka, a beye a à mburma kwa a dala. A gwaɗa a tar ka: Dite a gwa asa ka: «

RUMA 12:10

Wayum ba ika magər kurum, aɗaba ana kurum ka, nda gà damər ika vatwa Mbulum a. Ku weke mə̀ fə̀r aà damər ŋgar ka, hə̀zkə̀kə̀mma batsah ŋa kamala ana a za ŋgat ŋa ya.

RUMA 13:6

Agəra taŋa, na ki dzwìm a hadam mbaŋa ya. Aɗaba Mbulum na a dza aɗəm gà taŋa ta ger a megemir lele, ti dzik a hadam a, na dite ta ge a dukw ana ndaka vatwa ŋa, a tsahən aà Mbulum a.

EFESIYA 5:33

Aɗaba taŋa kurum tekeɗe, say ku weke ma waya məkəs ŋgar kamala ba ŋgar ŋa ya. Kurum gà məkəs tekeɗe, hənum à gər a bəɗ a gà zal kurum mbaŋa.

EFESIYA 6:5

Kurum gà ɓele, gəsum ahəm aà gà ɓəzla ga kurum nda magəɗa, nda mazlə̀bà à tar lele. Ki gwim megemir nda gəzləŋ ilik. Na kàa gwim kataya ka, kə̀ gəsum ahəm aà Yesuw Kiristi mbaŋa.

1 TIMUTE 5:13

Ku mege bəla tə da a zal tsa ndeɗiŋa tekeɗe ka, ta mìts a ka, aà mayaha duwa zilikw zilikw ika biye hərmaga mburma ya ɗekɗek, sìrètitte ta ge a megemir ɓav tsa. Ndeyndey ŋa ta mìts a ka, aà melèvekè bazlam aà mburma ɗekɗek. Ta ge a tsàpà nda rawraw hinne, ti tsik a ka, bazlam ana biy metsike tsiye.

1 TIMUTE 5:17

Gà bàba ŋana tar riŋ ta ge a megemir ndaka vatwa ŋa ika magər gà mburma Mbulum a ka, zlə̀bum à tar hinne. Ta ŋgat dukw maya ba tar mbaŋa. Ndeyndey ŋa ka, gà na tar riŋ ti tsik a bazlam Mbulum, ti ɗif a à guma ŋgar a mburma ya.

1 TIMUTE 6:1

Say gà ɓele ana ika magər kurum, ti ziwe a gər tar tsiye ka, tə̀ zlə̀b à gà ɓəzla ga tar lele. Na tàa zlə̀b à tar ka, wura a tsik a manəsa bazlam aà Mbulum asa tsa, kige tsa aà guma ana kwa ihər ki tsikikwe a ya tsa.

1 PIYER 3:7

Kurum gà asləka tekeɗe, ndzum nda gà mə̀kə̀s kurum lele. Kurum kà sərum, ndzəɗa gà məkəs ka, a sle kamala biy kurum a tsa. Zàmbaɗum a tar, aɗaba tar tekeɗe ka, Mbulum a vile a ter a mesife taf masakəŋana, kamala ana a vile a kurum a ya mbaŋa. Gwim kataya, aɗaba duwa ilik ma tə sàs ikaba mahàmà a Mbulum kurum ana ki hemwimer a ya tsa.