RUMA 13:13 - Bible Zulgo

¹³ Mede kwa ma ge ka, ndaka vatwa ŋa lele, kamala gà mburma ana i təv dzaydzay ŋa ya. Ku kwayakwa aà guzum tsa, ka ti yahakwa dukw meèweke nda màŋgùlùhuɗ tsilikw tsilikw tsa. Ka ta gekwa dukw mezelme nda gà məkəs, kige tsa, nda gà asləka tsilikw tsilikw tsa asa. Ki gekwa maàga nda mege are aka dukw mburma tsa asa mbaŋa.

RUMA 13:13 ပူးပေါင်းရင်းမြစ်များ

Luka 1:6

Tar sula məma gà ŋgwal ŋana ika miɗ Mbulum, mede tar a tsahən ahər a. Tə zàmbaɗawa à dukw ana Mbulum a tsikewa, a palawa ahər ahəm a tserdze ya, nda gəzləŋ ilik.

Luka 16:19

I dəba bazlam ata ya ka, Yesuw a gwaɗa a tar asa: «Wele duwa a riŋ, ŋgat mala limana, gà dukw ŋgar a riŋ hinne. A dùwayawa ba ka, nda petek ana ŋgwal ŋa hinne, à sìkim a ba tsiye. Dite kəla pat a zəmawa tekeɗe, dukw mezime ana ŋgwal ŋa ya mbaŋa.

Luka 21:34

«Gwim metsehe, kaslum ba kurum, ka ta kwayum tsa. Ka ta gwim məburnun tsa, dite ka tə dzalum gà gər aka dukw gər ahəɗ tsa asa. Aɗaba gà dukw ata na ta ge a madzək a metsehe kurum a. Na kàa kaslum ba tsa, dite kurum tekeɗe, aà gà dukw ata mbaŋa ka, pat ana a dere a ya ka, gər melek, ki sirwim a aà pat ŋa tsa.

Gà Ɓəzla Meslire 2:15

Gà mburma aaha ka, gà makwàyà ŋa kamala ana kà dzalum a tsa, aɗaba ar ka, ndzemde tswiɗ biy mèkwède pəra, a sle mekweye ɓav tsa asa.

1 Kurintiya 3:3

Aɗaba kurum ka, hiywe kamala gà mburma ana ti dzele a aka dukw gər ahəɗ a mba. Kurum ihər ki gwim a are aka gà mìsle ŋgiɗ ika magər kurum, dite ki geywim aaba a maàga asa mbaŋa dze ana, meme? Na kurum ihər ki gwim a kataya asa ana, taŋa ana, kamala gà mìsle ŋgiɗ ana ti zezem a gər ahəɗ mba ya tsiye. Kaɗəŋ, taŋa ka, kà zùm aba nda gà tar tsidze.

GALATIYA 5:19

Kà sərakwa tserdze, na dukw ana meèweke ba kurum a waya a ge a ya. Gà dukuməŋa ka: Mege mezelme nda təv muva, nda mege dukw hwarwa ana pampam a, nda mayaha gà məkəs ana tsilikw tsilikw a.

GALATIYA 5:21

Izittè ta ge a are aka dukw mburma, ta kweye a à guzum, ta gìrìv a dər hinne, zlarndaɗndaɗ ti zimeye ka, gà dukw ana ŋgwal ŋa ya, dite nda megeye gà medzibe gà duwa ŋgiɗ pampam asa kamala taŋa ya. Dukw ana i tsik a kurum piŋŋe ya ka, kinehe i me a aka metsìkè a kurum asa, i gwaɗa a kurum: Medzìbe gà mburma ana ta gewa gà dukw ata kamala taŋa ya ka, ti ta ŋget a təv mendze i *mekwere Mbulum ana a ta kwere a ya kwizikw tsidze.

EFESIYA 4:1

Kərga taŋa ya, iye ka, iye i daŋgay, aɗaba ana iye mala meslire Yesuw Kiristi BATSAH kwa ŋa ya. Iye ihər i ge kurum a kamkam: Ama mede kurum ma ge ka, kamala biy ana Mbulum a waya, a zal a kurum dər a.

EFESIYA 4:17

Dukw ana i tsik a kurum a ya ka, nda zləm BATSAH kwa ŋa. Ama iye ihər ge a kurum a kamkam, aà megweɗe a kurum ka: Kà zazamum mede gà mburma ana tə sər Mbulum tsiye asa tsa.

EFESIYA 5:15

Kamala taŋa ya, kurum ka, gwim metsehe a mede kurum. Mede kurum ma ta ge kamala biy gà mburma ana tə sər duwa tsiye tsa. Say ma ge ka, kamala biy gà ɓəzla metsehe ana tə sər duwa ya ivaɗ.

EFESIYA 5:18

Ka ta kwayum à guzum tsa, aɗaba taŋa ka, à dzik a aà kurum metsehe ya, à gis aaba kurum aà mege dukw ana ŋgwala tsiye. Say ràhum ka, nda Mezite Mesife Mbulum lele ivaɗ.

EFESIYA 5:8

Akahər ata ka, kurum mandza ŋa i luvuŋ. Ama kinehe ka, kurum i təv dzaydzay ŋa, aɗaba ana kurum mandza ŋa i təv ilik ŋa nda gà BATSAH kwa ŋa ya. Aɗaba taŋa, zazamum mede gà mburma ana i təv dzaydzay ŋa ya.

FILIPIYA 1:27

Ama duwa ilik ma ta məts a kurum gər tsa kəla. Mede kurum ma ge ka, ŋgwal ŋa, kamala bazlam ŋgwal ŋa ana Yesuw Kiristi a ɗif dər a. A sèsiŋ ka, ku mege Yàa ŋgat vatwa aà madaha a təv kurum, kige tsa bəla Yàa ŋgat tsa tekeɗe ka, i tserekere a mendze kurum ana ki ndzwim a ndìɓèkke, kurum masəra ba ŋa ŋgwal ŋa lele, metsehe kurum ilik a. Dite kurum riŋ ihər ki mirwim a aba aà megemir bazlam ŋgwal ŋa ata kə̀ gə̀sakwa nda gəzləŋ ilik kamala gà ɓəzla gùvəl a asa mbaŋa.

FILIPIYA 2:3

Ka tə dzalum ka, ba kurum ɗekɗek tsa. Dite ka tə sə̀ŋgə̀rum à ba kurum ɓav tsa asa. Hənum à gər kurum a bəɗ tiɓìzl ivaɗ. Fə̀rum aà gà asiŋ gà mìsle ŋgiɗ kamala ana tar ka, gà ŋgwal ŋa hinne, tə za dər kurum a.

KULUSIYA 1:10

Kamala taŋa ya, mede kurum ana ika vatwa Mbulum a, a ge a ka, kamala ana a sàs a Yesuw Kiristi BATSAH kwa ŋa ya. Ki gwim a ka, dukw ana a tsahən ahər a tserdze. Ki gwim a ka, dukw ana ŋgwal ŋa ya, kamala dizl ɗaf ana a we a hinne gwètsik gwètsik a. Dite ka, ki sìkèhwim a à masəra Mbulum aka miɗ aka miɗ mbaŋa.

KULUSIYA 3:5

Aɗaba taŋa, miyakum à dukw ana ŋgwala tsa, kà dzalawum i gəzləŋ kurum a. Fə̀rum aà dukw ata ka, kamala ana aka mət, a sle a aà makwàrà kurum asa tsiye ya. Miyakum à mege mezelme nda təv muva, nda mege dukw hwarwa ana pampam a, nda gà ka ti nwim gà mìbìylà ŋa tsa mbaŋa. Ama meèweke ba kurum ma ta kwara kurum asa tsidze. Izittè ka ta gwim are aka dukw mburma tsa asa mbaŋa, aɗaba ana kàa gwim are aka duwa kamala taŋa ya ka, dukw ata a ne a kamala mbulum kurum a.

1 TESALUNIKE 2:12

Mì màwa a kurumaha à arəv, mì vəlawa a kurum ndzəɗa, dite mì hamawa a kurum ka, hinne asa mbaŋa, na dite mede kurum ana ki dwim a ya, mà tsahən aà Mbulum a. Ŋgat a zal a kurum ka, na dite ki dwim a a mekwere ŋgar, ki ti ndzwim a nda gà ŋgat i təv mezlibe ŋgar ana tì zlibe a dər a ya.

1 TESALUNIKE 4:12

Na kàa gwim dər kataya ka, gà na tàa gəs Yesuw Kiristi nda gəzləŋ tar zukw tsiye, ti zlibe a à kurum. Dite kurum tekeɗe, dukw mezime kurum riŋ mbaŋa, ki ŋgeleywim a aba duwa ya ɓav tsa asa mbaŋa.

1 TESALUNIKE 5:17

Ka ta miyakum à mahàmà a Mbulum tsidze.

YAKUBA 4:5

Kurum kù gwaɗum ana, dukw ana ta wetse i wakita Mbulum ana, dukw masakəŋa taf a? A gwa ka: «Mbulum a ge a are aka mesife ana a vəl a kwa ya. A waya, na dite ki mèkwer a dər a.»*fa*

1 Yuhana 2:6

Na wura a gweɗe a, iye riŋ mandza ŋa i təv ilik ŋa nda gà Mbulum kəla pat ka, say ma zazam mendze Yesuw Kiristi ana a ndza ɗa ya mbaŋa.

2 Yuhana 1:4

Yàa ŋgaya ba hinne, aɗaba i samata, gà mìsle ŋgiɗ i liwiŋ gà ɓəza yak ka, tar ihər ti zezem a gà dukw ana ndzer ŋa, kamala ana Mbulum Tsir kwa a tsik a kwa, kà zazamakwa ya.

Yuda 1:23

Gə̀sumara tar i akwa ana tə dəɗ aɗəm a, mbalum à tar. Dite gà na ta ge a dukw ana ba tar a waya ya ka, ti ndze a kurum are tsehe asa mbaŋa. Ama kə̀la ka, gwim metsehe, ka tə dzawum a bakal tar tsa. Nwim are a dukw tar ata ta ge a ya. Ku mege gà petek tar ana ikaba, ta ge a dər akaba bakal a tekeɗe ka, ka tə lə̀mum ahər idep tsidze.