RUMA 12:3 - Bible Zulgo

³ Mbulum aka giŋ ŋgwal ŋa, aka tike iye aà megemir ŋgar. Aɗaba taŋa, iye ihər i gweɗe a kurum a ilik ilik tserdze ka: Kà ɗwim à gər kurum, waytsà mər ŋa mà za biy na a tsahən aà mburma tsa. Ki dzelwim a ivaɗ ka, ku weke à fir aà ba ŋgar ka, meme na i ge a ya, dite i de a ndaka vatwa ana ŋgwal ŋa ya. Ki zezemwim a ka, dukw ana Mbulum a vəl a kurum i təv megìse ana kə̀ gəsum ŋgat a, na dite ki livwime a à gər kurum ka, dàyday a.

RUMA 12:3 ပူးပေါင်းရင်းမြစ်များ

Luka 18:11

Tə daha ka, Farisa ata a ndza a təv ŋgar pam, a dza ba aà mahàmà a Mbulum. A gwa:

Yuhana 3:34

Aɗaba wele ana Mbulum a slərra ŋgat a ka, a me a ka, à bazlam ŋgar, aɗaba a vəlar Mezite Mesife ŋgar, a ràhar dər tsìsl a gəzləŋ.

RUMA 1:5

Mbulum a zla iye ka, aɗaba Kəla ŋgar ata, dite a ne à iye mala meslire ŋgar a. Kamala taŋa ya, a giŋ ŋgwal ŋa, na dite ka, i ɗif a à bazlam ŋgar a mburma, ku mege i ŋga, ika gər ahəɗ tserdze ya. A sasar ka, ta gəs ŋgat nda gəzləŋ, dite ta gəs ahər ahəm, tə̀ zlə̀b à Yesuw Kiristi.

RUMA 11:20

Kaɗəŋ, pàrsa tsa, kà tsik ka, ndzer. Mbulum a sàsara iɗəm a ka, agəra ana tàa gəs ŋgat tsiye. Kər kinehe ka, kàa ŋgat təv mendze yak, aɗaba ana kàa gəs a. Ama kəla ka, ka tə səkah à gər yak tsa, ki ger a magəɗa ivaɗ.

RUMA 11:25

A kurum gà damər gà ana gà Yahuda tsiye. A sèsiŋ i tsik a kurum a ka, dukw ana makàhà ŋa i təv Mbulum, aka pàtakwa dər akahər ata zukw tsiye. I tsik a ka, dukw ana, dite ki slwim a aà mesikehe à ba kurum ika miɗ ŋgar tsik asa tsiye. Araha na dukw ana i tsik a ya: Ama gà asiŋ ŋa i liwiŋ gà Isərayel ka, tàa ne aba gà mandàkugùrum kaɗəŋ. Kəla ka, gà dukw ata ta ge aaka aba kataya ya ka, à ndìviŋa. Ama say gà na gà Yahuda tsa, Mbulum a pala tar, testes tàa yahabaha gər a təv Mbulum ŋa ya dzekwiŋ. I fataya ka, ta mbìɗ a aba a təv ŋgar, ta gis a kuɗa.

RUMA 12:16

Gəsum aaba ahəm ka, tèrihhwè a təv ilik ŋa. Kà sə̀ŋgə̀rum à ba kurum aka gər gà mìsle ŋgiɗ nda mawàlà ika megemir a tsa. Ki giswim aaba a gà na zləm tar a riŋ tsiye mbaŋa. Ka tə samatum ba kurum ka, waytsà kamala ana kurum ka, gà ɓəzla masəra duwa hinne ya tsa.

1 Kurintiya 15:10

Ama ka, Mbulum aka giŋ ŋgwal ŋa, na dite ka, i ne mala meslire ŋgar kamala ana kurum ihər ki ŋgetwimiŋ a kinehe ya. Taŋa mege ŋgwal ŋgar ata a giŋ a ka, aka ne taf masakəŋa tsa. Seyiŋ tsa, Yàa ge megemir ka, hinne, a za biy gà ɓəzla meslire Mbulum ana tserdze ya ivaɗ. Ama ka, iye tsa na a ge megemir ata ya kəla. Mbulum nda ŋgwal ŋgar ata a giŋ a, na a ge megemir ata nda təv ga ya.

1 Kurintiya 3:10

Mbulum a giŋ ŋgwal ŋa hinne, na dite a slər iye, i dzar ba aà megemir ŋgar ika magər kurum a. Iye i ne ka, kamala wur ana à zlèzle a ga ka, a sər are mazlazla ŋa ya. I dzàha ka, ɓəŋɓəŋ lele. Ama kinehe ka, gà mìsle ŋgiɗ ti zlèzl aaka a kuɗa. Ku weke na à zlèzl aaka a ka, ma ge metsehe lele, na dite a de a ndaka vatwa ŋa ya.

1 Kurintiya 7:17

Araha kəla ka, ku weke ma zazam dukw ana Əbay Mbulum a vəlar a. Dite ka, ma ndzawa ka, kamala ana akahər ata Mbulum a zalar a mbaŋa asa. Taŋa ka, dukw ana i ɗifewa dər a gà mburma Mbulum i gà təv ga mayahaba gər tar ana ti yahawa ba aɗəm gər tserdze ya.

2 Kurintiya 10:13

Mər ka, mìi zlibe a à ba mər nda ahər mər ŋa, kamala taŋa ya tsa. Mìi ŋgeye a ba ka, nda megemir ana Mbulum a vəl a mər a ahər a, tsəka, nda duwa ŋgiɗ tsa. Na a ne megemir ata Mbulum a vəl a mər a ka, ŋgwal bazlam ana mì dawa dər aka ahəɗ ŋgiɗ pampam, haa a təv kurum tekeɗe ya.

2 Kurintiya 12:13

Dukw ana i gewa a gà asiŋ gà ɓəzla magəsa Yesuw ana nda gəzləŋ a i tsèke ŋgiɗ a ka, Yàa ge i təv kurum mbaŋa, tsəka, Yàa wala ikaba mburma ya tsa. Say duwa ŋgiɗ ilik pəra, na Yàa ge i təv kurum tsiye. Kamala megweɗe ya ka, Yàa wiz aà kurum duwa, Yàa gwaɗa a kurum ka, zlakum iye nda dukw mezime ka, Yàa wiz tsa. Kamkam, pìlwimiŋ à bakal gà, agəra ana i ne à kurum bakal kamala taŋa ya ya.

2 Kurintiya 12:7

Iye ka, i sle a aà mene à ba gà mala zlapa hinne dukw ŋgar, agəra ana Mbulum aka ɗifiŋ à gà ŋgwal gà dukw ana pampam, wura aka ŋgatar ilik zukw tsiye ya. I fataya ka, Mbulum a giŋ dukw ana a wir aà iye a hinne ya mbaŋa, dite ka, na i ge zlapa asa tsiye. Mesewere are gà ata ka, ar ka, kamala ana gawla Əbay sitene a lekeyiŋ a, dite ka, i ne aba mala meɗe zləm asa tsiye.

GALATIYA 6:3

Na wura aka fə̀r aà ba ŋgar kamala ana ŋgat batsah ŋa ya, ama tsaatsa ka, mburma taf masakəŋa, a sle a aà duwa tsa, taŋa ka, a riŋ a bene a ba ŋgar ivaɗ.

EFESIYA 3:2

Wànà kàa tsarakum maɗə̀và zləm megemir ana Mbulum a viliŋ ahər aɗaba kurum a tsiye? Kà sərum ŋgwal ŋa ŋgar ata a viliŋ ahər a.

EFESIYA 3:4

Na kàa dzeŋgwim dukw ata ka, ki sirwim a dər ka, meme na iye i sər dukw ana makàhà ŋa aka gər Yesuw Kiristi piŋŋe ya lele kuɗa.

EFESIYA 4:16

Ŋgat na a gaw akaba gà mburma ŋgar fit a təv ilik ŋa, ti ne ba ilik, kamala dzerisl ba ana a gaw akaba slu ba mburma ya. Na dukw ana aà ba mburma tserdze a ge a megemir lele ka, asiŋ ba tekeɗe, a de a lele. Kərga taŋa ya, na gà mburma Yesuw Kiristi ya mbaŋa. Na gà mburma ata tàa waya ba ilik ilik tserdze ka, taŋa tì sìkèhiŋa, dite ti de a aka miɗ aka miɗ.

FILIPIYA 2:13

Aɗaba Mbulum a riŋ a ge a megemir i gəzləŋ kurum, na dite ki gwim a dukw ana a tsehin ahər a ya. A vile a kurum a ndzəɗa aà megemir ana ki gwim a ya mbaŋa.

KULUSIYA 1:29

Aɗaba taŋa na iye ihər i mir a aba aà megemir ŋa hinne, nda ndzəɗa Yesuw Kiristi ana a viliŋ a ba ya, na dite ka, araha, i ge a dər megemir ŋa mbaŋa ya.

KULUSIYA 2:13

Akahər ata piŋŋe ka, Mbulum a fə̀r aà kurum kamala ana kurum ka, gà məməta ŋa ya, agəra gà bakal kurum ana kì gewim a, dite aɗaba ana Yesuw Kiristi aka ge aà kurum lambà ŋgar ata zukw tsiye asa mbaŋa. Ama kinehe ka, Mbulum aka vəl a kurum mesife ana awiya ŋa ya i təv ilik ŋa nda gà Yesuw Kiristi. Ŋgat na a pəl à kwa i bakal a tserdze ya.

1 TIMUTE 1:14

Taŋa ŋgat BATSAH kwa ŋa aka pisiŋ ahəm hinne. Dite na kinehe a viliŋ ndzəɗa aà magəsa ŋgat nda gəzləŋ gà ilik, nda mawàyà ba ana a riŋ ika magər kwa mburma nda gà ŋgat a.

1 TIMUTE 2:15

Ku mege kataya tekeɗe, gà məkəs ka, ta mbele a mbaŋa, aɗaba ana tar riŋ ta we a ɓəza ya. Ama kə̀la ka, say na tar riŋ ta gis a Mbulum kəla pat nda gəzləŋ ilik, ta weye a mburma, ta ge a ŋgwal ŋa ika miɗ Mbulum, dite ka, tar riŋ ta hinne a à gər tar a bəɗ lìɓɓet kəla pat asa mbaŋa ya dzekwiŋ.

1 TIMUTE 2:9

I gà məkəs ka, a sèsiŋ na ti dze akaba a gà petek ana a zle a arəv aà mburma ya tsa. Say petek ana ide zləməŋa pəra ya. Madùwàyà ba tar ma tə ndaha i tə̀vəməŋa ya tsa. Ti ta behe a à malàmà ambəz ŋger ŋger ŋger, dite ma zla arəv aà mburma ɓav tsa asa mbaŋa. Tə tə dza aaba dukw daala ana tsìrèslìslsle tsakala ŋa a beha hinne ya tsa asa. Tə tə dùwaya ba nda petek ana ɓə̀sl ɓə̀sl ɓə̀sl à sìkim a ba tsiye tsa mbaŋa.

TITUS 2:12

Mbulum a ge a kwa ŋgwal ŋgar ata ka, dite kà zazamakwa mede ana ŋgwal ŋa tsiye, nda gà dukw gər ahəɗ ana meèweke ba kwa a waya ya asa tsa. Ki ndzekwe a ika gər ahəɗ ka, nda metsehe, nda mege dukw ana ndzer ŋgwal ŋa ya. Mede kwa na à tsehin a aà Mbulum a mbaŋa.

TITUS 2:2

Tsik a gà mburma ana gà màndawal ŋa ya ka, tə ta kwaya tsa. Mede tar ma ge ka, ŋgwal ŋa, dite gà mburma tì zlibe à ter a ya. Tə dzala gà gər ka, ndaka vatwa ŋa, ta gəs Mbulum a gəzləŋ tar lele. Ta waya gà asiŋ gà mburma ŋgiɗ nda gəzləŋ ilik ŋa, ta gəs gəzləŋ i təv meslè duwa ya tserdze.

TITUS 2:4

Na tàa ge dər kataya ka, dite ti ɗif a dər a gà məkəs ana gà daala ŋa ya mbaŋa, meme na ta weye a gà zal tar, nda gà ɓəza tar a.

TITUS 2:6

Tsik a gà gawla kamala taŋa ya mbaŋa. Ta ge metsehe, ta kwara ba tar lele.

YAKUBA 4:6

Ama ndzəɗa ŋgar ana a vəl a kwa ya ka, a za dər gà dukw meèweke ana i gəzləŋ kwa ya tserdze. A de a ka, aka miɗ aka miɗ kamala ana mewetse ŋa a riŋ i wakita Mbulum ka, ta gwa: «Mbulum a niw a gà ɓəzla zlapa, dite a vile a ndzəɗa a gà na ta həna à gər a bəɗ a.»*fb*

1 PIYER 1:13

Aɗaba taŋa, hadzalum madzala gà gər kurum aà megemir Mbulum. Kaslum ba kurum lele, dite ka tikwim madzala gà gər kurum tserdze aka ŋgwal dukw ata Yesuw Kiristi a ta vile a kurum a, a pat ana à mère a ya.

1 PIYER 4:11

Na wura aka ŋgat ndzəɗa aà metsìkè bazlam ka, ma tsik kamala na Mbulum a tsiker a ika arah a, tsəka, ma zle ahər biy ŋgar pam tsa. Wele ana à zlèk a mburma ya ibam, à zlèk a ka, nda ndzəɗa ana Mbulum a vəlar a mbaŋa. I huɗ gà dukw ana ki gwim a tserdze ya ka, mezembeɗe ma ge ka, biy Mbulum, aɗaba ana kə̀ gəsum Yesuw Kiristi ya. Ŋgat ka, aka ŋgat ndzəɗa ika gər gà duwa ya tserdze aà biybiy, nda gà vatwa mezlibe ana gà mburma tì zlibe à ŋgat a. *Amin.

1 PIYER 4:7

Ama kinehe ka, pat mandəvandəv gər ahəɗ aka à mendzera. Gwim metsehe, kaslum ba kurum lele, dite na ki slwim a aà mahàmà a Mbulum a.

1 PIYER 5:5

A kurum gà gawla tekeɗe ka, gəsum ahəm aà gà bàba kurum ŋa mbaŋa. I tsik a ka, a gà mburma tserdze: Ka ta gwim aba zlapa tsa. Hənum aba à gər a bəɗ ika magər kurum. Hadzalum ba kurum aà mazlàkà ba ika magər kurum asa mbaŋa. Aɗaba ta wetse i wakita Mbulum ka, ta gwa: «Mbulum a niw a gà ɓəzla zlapa. Ama a ge a ŋgwal ŋa a gà na tàa həna à gər tar a bəɗ a.»*fa*

1 PIYER 5:8

Kaslum ba kurum, ka ndzum nda metsehe lele asa. Aɗaba Əbay sitene, mala mene are kurum a riŋ à sìweye a ika magər kurum kamala azil ana à ŋgìrìz a, a yehe a dukw mezime ya.

3 Yuhana 1:9

Wakita kə̀la ŋa ana i wetseha ya ka, a mayahaba gər gà mburma Mbulum ana i təv kurum i fataya. Ama Diyutirefes, wele ana gəlnday gəlnday a waya mene batsah tar ŋa ya ka, a gəs bazlam gà ana i tsiker a tsidze.