RUMA 12:13 - Bible Zulgo

¹³ Na duwa aka sle aà gà damər kurum ana ika vatwa Mbulum a ka, zlakum tar. Gə̀sawum gà mbəlakw lele.

RUMA 12:13 ပူးပေါင်းရင်းမြစ်များ

Mata 25:35

Aɗaba akahər ana may a wir aà iye a ya ka, kàa vilwimiŋ dukw mezime, yam a kəɗ iye tekeɗe ka, kàa tìfwimiŋ, Yàa sa. Akahər ana iye mbəlakw ŋa mba ya ka, kàa gwimiŋ gər lele.

Gà Ɓəzla Meslire 10:4

Ama Kwarney a fə̀r aà gawla Mbulum ata nda gà magəɗa, a gwaɗar: «Kà dara ana, labara là, Batsah ga ŋa?» Gawla Mbulum ata a gwaɗar: «Mbulum aka gəs meheme yak ana kà hamawa a, dite nda mezleke ana kà zlàkawa mburma ya asa. Ama ka, kàa mətsar gər tsa.

Gà Ɓəzla Meslire 4:35

Tə dzawa ahər a gà ɓəzla meslire Mbulum. I dəba ŋa ya, tə dzawa ikaba siŋgwe ata ya, a gà mburma ya tserdze. Ku weke kəla hitwis ŋgar ide.

RUMA 12:8

Dite bəla na aka vəlak ndzəɗa aà mimè a taraha à arəv ka, mà a tar dərraha asa. Na bəla mìsle ŋgiɗ aka ŋgat ndzəɗa aà məvəla duwa a gà na duwa a sle aà ter a ya ka, mə vəl a tar gər sah nda gəzləŋ ilik. Na bəla biy ŋgiɗ, aka ŋgat ndzəɗa aà mene batsah ŋa ika gər tar ka, mà gəs aaba tar lele. Kige tsa bəla biy ŋgiɗ asa aka ŋgat ndzəɗa aà mege a tar ŋgwal ŋa ka, ma ge nda maŋgayaba lele mbaŋa.

1 Kurintiya 16:15

Gà damər ga, kurum kà sərum gà Sitefanas nda gà mburma ana i ma ŋgar a tserdze. Dite kà sərum mbaŋa ka, tar na tə lah aà magəsa Yesuw Kiristi ika ahəɗ Akaya a riŋ i faka ya. Tar ka, ta vəl ba tar aà megemir Mbulum, na dite tì zlèk a gà mburma Mbulum lele ya. I ge a kurum kamkam:

2 Kurintiya 9:1

A ge a ŋgulum tsa na i wetse a kurumaha a wakita aka gər siŋgwe ana ki ti slirwimehe a a gà mburma Mbulum ana ika ahəɗ Yuda ya asa ya.

2 Kurintiya 9:12

Siŋgwe ata ki vilwim a ya, à zlèk a ka, gà mburma Mbulum ndzer dukw ŋgar. Ama duwa ŋgiɗ a riŋ asa. Aɗaba gà mburma hinne na ti ta ge a kəkaaha a Mbulum agəra taŋa ya mbaŋa asa.

GALATIYA 6:10

Aɗaba taŋa, daga aà kinehe ya, na vatwa a riŋ ka, gekwa ŋgwal a gà mburma tserdze. Ndeyndey ŋana ka, a gà na ta gəs Yesuw Kiristi nda gəzləŋ a mbaŋa.

1 TIMUTE 3:2

Ama wur ana a ge a megemir Mbulum ata ya ka, mede ŋgar ma ge ŋgwal ŋa lele nda təv gà mburma dze. Daala ma ge ihər ka, ilik. Ma ta kwaya à guzum tsa. Say ma ge ka, dukw ana ndaka vatwa ŋa lele ya. Dite gà mburma tə̀ zlə̀b à ŋgat. Say ma ge ka, mala məvəla ahər. Dite ma sər meɗìfè à metsehe a mburma lele mbaŋa.

1 TIMUTE 5:10

Dite megemir ŋgar ana a ge a ya, gà mburma tə sər dər ka, ŋgwal ŋa lele, kige tsa na aka gala gà ɓəza ŋgar nda metsehe lele ya, nda gà bəla a gewa gər a gà mbəlakw ana tə dawaha a ma ŋgar a, dite bəla a barawa ahəɗ aà sik a gà mburma Mbulum ana tə dawaha mbaŋa ya, kige tsa na bəla a zlàkawa gà ɓəzla mesewere are asa ya. Na kàa ŋgatar, a gewa gà megemir ana ŋgwal ŋa ya kataya ka, wetse ŋgat kuɗa.

TITUS 1:8

Ama ma ne ka, mala mege gər a gà mbəlakw lele ivaɗ. Ma waya ka, mege dukw ana ŋgwal ŋa ya, ma ne mala metsehe, ma ge dukw ana ndzer a ika miɗ Mbulum tsəɗaŋŋa, bakal ihər tsa. Ma kwara ba ŋgar lele.

TITUS 3:14

Gà asiŋ gà mburma ma ana ta gəs Yesuw Kiristi kamala ma ya tekeɗe ka, say ti sinike ba aà mege dukw ana ŋgwal ŋa ya kəla pat mbaŋa, na dite ka, ti sir a dər, tì zlèk a gà na duwa aà tar tsiye ya. Na tàa ge dər kamala taŋa ya tsəka, megìse tar ana ta gəs a ka, a ge a ŋgulum ɓav tsa.

FILIMUN 1:7

Damər ga, Yàa ŋgaya ba hinne, arəv aka mìŋaha mbaŋa, agəra meweye yak ana kà waya gà mburma Mbulum, kà mà a taraha à arəv, a ŋgaya a tar ba i gəzləŋ tserdze ya.

IBƏRANIKWA 13:16

Mege dukw ana ŋgwal ŋa ya ka, ma ta məts a kurum gər tsa, zlakum ba lele. Aɗaba taŋa na a ne dukw masakəŋa ana a tsahən aà Mbulum a.

IBƏRANIKWA 13:2

Gwim gər a gà mbəlakw ana tə dawaha a təv kurum a, ma ta məts a kurum gər tsa. Gwim a tar gər lele. Aɗaba gà mìsle ŋgiɗ akahər ata ka, tàa ge ɗa gər a gà gawla Mbulum, ama tə sər, naha gà gawla Mbulum ka, tə sər tsa.

IBƏRANIKWA 6:10

Mbulum ka, mala ndzer ŋa. Mege megemir ana ki gwim a ya ka, à mìtser a gər tsa. Kamala taŋa ya, a sər ka, kàa zlakum gà asiŋ gà mburma ŋgar, dite kurum riŋ ki zlèkwim a tar hiywe, haa kinehe. Aɗaba taŋa na a sər ba ka, kà wayum Mbulum a.

1 PIYER 4:9

Vəlum ahər a gà mburma ana tə dawara a təv kurum a, nda maŋgayaba lele, ki geywim aà ba màgwa tsa.

1 Yuhana 3:17

Na bəla wura a riŋ, kuɗa duwa a ger a tsa, dite ka, a ŋget a a damər ŋgar a riŋ, kuɗa duwa a sler a za hinne, ama ka, à zlèk a ŋgat tsəna, meme na a gweɗe a ka, i waya Mbulum asa ya? A riŋ tsa.

3 Yuhana 1:5

A kər masla gà ana i waya kər hinne ya. I samata ka, kər ihər ki ge a megemir kalkal lele na i təv mezleke ana ki zlèk a gà damər kwa ana ika vatwa Mbulum a, ku mege tar ka, gà mbəlakw ana tə dara a liwiŋ kurum a tekeɗe ya.