RUMA 12:12 - Bible Zulgo

¹² Ŋgayawum ba aɗaba madzala gà gər aka dukw ana Mbulum a gwa, i ta vile a kurum a i sida ya ya. I təv ana ki sèwèrwim a are ya ka, mərum aba sah lele, bàsumaraha. Hamum a Mbulum kəla pat, kà yum ba tsa.

RUMA 12:12 ပူးပေါင်းရင်းမြစ်များ

Mata 5:12

Ŋgeywim ba hinne, gəzləŋ kurum ma ndza ndzəɗakkà ivaɗ, aɗaba Mbulum a ta vile a kurum a dukw maya ba kurum i gər ŋa i mbulum ka, batsah ŋa. Ama sərum dər ka, tàa ge dukw ana ŋgwal ŋa tsiye hinne, a gà ɓəzla məma à guma Mbulum ana tə lah ahər ɗa ya ka, kataya mbaŋa.»

Luka 10:20

Ama ka ta ŋgayum ba agəra ana gà sitene tàa gəs aà kurum ahəm a ɗekɗek tsa. Say ŋgeywim ba ka, agəra ana gà zləm kurum mewetse ŋa i təv Mbulum a ivaɗ.»

Luka 21:19

Mərum aba lele, kərga taŋa ya na ki ta mbilwim a à ba kurum a.»

Luka 8:15

Dite gà mìsle ŋgiɗ pam asa ka, ti ndzikiɗ ba wur daw ana a dza aka ahəɗ ŋgwal ŋana. Ti tsereke a bazlam Mbulum, ta gis a a gəzləŋ tar lele nda maŋgayaba. Bəla mesewere are aka ndzera ka, hiywe ta misek a dər tsa, ta ge a dukw ana a ge a ŋgulum a Mbulum a.»

Gà Ɓəzla Meslire 1:14

Tar ata tserdze ya, nda gà məkəs, ti yahawaba gər aà mahàmà a Mbulum nda gà Mariya məmər Yesuw, dite nda gà damər Yesuw fit tserdze.

Gà Ɓəzla Meslire 12:5

I fataya tsara ka, gà mburma ata ibam, ta kaslawa Piyer kuɗa. Ama ka, gà mburma Mbulum ta hamawa a Mbulum tserdze kəla pat nda gəzləŋ ilik agəra Piyer.

Gà Ɓəzla Meslire 2:42

Tar ata tserdze ya, tə dzawa zləm a guma ana gà ɓəzla meslire Mbulum ata ti ɗifewa a tar dər a ka, lele nda metsehe. Tə ndzawa ba ka, say i təv ilik ŋa. Tə zəmawa ɗaf tekeɗe, i təv ilik ŋa asa. Dite ta hamawa aà Mbulum tekeɗe ka, i təv ilik ŋa asa mbaŋa.

Gà Ɓəzla Meslire 6:4

Dite i dəba ŋa ya, mìi sle a aà meŋgete vatwa kəla pat, aà mahàmà Mbulum nda metsìkè bazlam ŋgar kuɗa.»

RUMA 15:13

Kinehe ka, iye riŋ i heme a a Mbulum, mala metsìkè dukw ana a tsik a ka, dite gà mburma ti dzele a ya, mə vəl a kurum maŋgayaba, mà rah a gəzləŋ kurum tsìsl lele, nda matasla yam zayya, agəra megìse kurum ana kàa gəsum ŋgat nda gəzləŋ a. Kamala taŋa ya, madzala gà gər kurum tekeɗe, fit a de a a təv Mbulum, nda ndzəɗa Mezite Mesife ŋgar.

RUMA 15:4

Kinehe kà sərakwa, dukw ana ta wetse i wakita Mbulum akahər ata ya, ta wetse ka, aà meɗìfè a kwa à dukw ana a da ndaka vatwa ŋa ya. Dite ka, Mbulum a sasar na ki mirekwe a dər aba dzəŋdzəŋ, à mèkwe a dərraha à arəv lele ya. Kamala taŋa ya na tsavəvvà ki dzelekwe a dukw ana Mbulum a tsik i sida ya, a gwa, i ta ge a ya.

RUMA 2:7

Kamala taŋa ya, gà asiŋ gà mburma ana ta gewa dukw ana ŋgwal ŋa ya, nda mayaha mezlibe ana Mbulum à zlibe a à tar, a sàs a tar a tsik aà ter a dukw ana ŋgwal ŋa ya,*fa* ta waya maŋgata mesife ana à ndìv a tsiye mbaŋa. Tar ka, Mbulum a vile a ter a mesife ata à ndìv a tsiye kaɗəŋ.

RUMA 8:25

Ama na kwa ihər ki dzelekwe a aka dukw ana kàa ŋgatakwar zukw tsiye ka, taŋa ka, ki vevekwe a nda magəsa gəzləŋ hinne ivaɗ.

1 Kurintiya 13:13

Aɗaba taŋa, kinehe ka, gà duwa a riŋ makər na tì ndìv a tsiye. Kamala megweɗe ya: magəsa Mbulum ana kə̀ gə̀sakwa nda gəzləŋ kwa ya, nda metìkè madzala gà gər kwa ana ki tikikwe a nda təv ŋgar a, na dite dukw tserdze a de a lele ya, nda mawàyà mburma. Ama kəla ka, mawàyà mburma na a za gà dukw ata tserdze ya.

2 Kurintiya 12:8

I fataya ka, i hama a BATSAH kwa ŋa medzige makər, aɗaba dukw məməta ata. I gwaɗar: «Be aà iye i mesewere are aaha ya te.»

FILIPIYA 3:1

Gà damər gà, i ndìv a à bazlam ŋa ka, nda magwàɗà a kurumaha ka: Ŋgeywim ba agəra ana kurum mandza ŋa i təv ilik ŋa nda gà BATSAH kwa ŋa ya. I ye a ba tsa, na aà mewetse a kurumaha gà bazlam ana i wetse a kurumaha akahər ata ya. I me a aka mewetse a kurumaha asa. Kamala taŋa ya na dite ki ndzwim a hiywe nda metsehe, duwa a ge a kurum a tsiye.

FILIPIYA 4:4

Ŋgeywim ba kəla pat, agəra ana kurum mandza ŋa nda gà Yesuw BATSAH kwa ŋa a təv ilik ŋa ya. I tsik a kurum a asa: Ŋgeywim ba.

KULUSIYA 1:11

Mər ihər mìi hemer a mbaŋa ka, dite mə vəl a kurum ndzəɗa, ki ndzwim a ɓəŋɓəŋ lele, nda ndzəɗa ŋgar ana a za duwa tserdze ya. Kamala taŋa ya, ku mege ndeɗime tekeɗe, ki slwim a aà magəsa gəzləŋ i təv duwa ya tserdze, ki sìkèhwim a à mandza zayzay nda maŋgayaba i gəzləŋ kurum mbaŋa.

KULUSIYA 1:27

A waya meɗìfè a tar dər ka, à dukw ana ŋgwal ŋa ndzer, a za dukw tserdze ya, dite ka, à zlèk a gà mburma tserdze, ku mege i ŋga tekeɗe ya. Na a ne dukw ata makàhà ŋa piŋŋe, dite araha, a pàt aba kinehe ya ka, Yesuw Kiristi na a riŋ mandza ŋa i gəzləŋ kurum a. Aɗaba taŋa, kàa tikwim madzala gà gər kurum a təv mezlibe ŋgar ana ti zlibe a à ŋgat a, ka sərum ka, ki ndzwim a a fata ndzer.

KULUSIYA 4:12

Apafəras ana a dara i kwite kurum a tekeɗe, a ge a kurumaha wusa asa mbaŋa. Ŋgat ka, mala megemir Yesuw Kiristi. Ku mege ndeɗime tekeɗe ka, a hamawa a Mbulum aɗaba kurum. A mərawa aba ka, hinne. A hamawa ka, na dite ki ndzwim a ɓəŋɓəŋ lele, ki nwim a gà bàba gà mburma ika miɗ Mbulum, dite ki sirwim a dukw ana Mbulum a waya ya lele, ki dzwìmer a zləm a.

KULUSIYA 4:2

Ku mege ndeɗime tekeɗe ka, ndiɗikwime gər aà mahàmà a Mbulum, ka ti yum ba tsidze. I təv ana ki hemwimer a ya ka, gwimer kəkaaha mbaŋa,

1 TESALUNIKE 1:3

Kəla pat a màwa a mərra a gər a, meme na kurum ihər ki gwim a megemir ŋgwal ŋa lele, aɗaba megìse kurum ana kə̀ gəsum Yesuw Kiristi nda gəzləŋ a ya. Dite asa ka, kurum ihər ki mirwim a aba sah hinne, aɗaba ana kà wayum ŋgat a, dite ki ndzwim a ɓəŋɓəŋ lele, nda metìkè madzala gà gər kurum a təv ŋgar a.

1 TESALUNIKE 5:8

Ama kwa kinehe ka, gà mburma ana mandza ŋa i təv dzaydzay ŋa ndaàpat a, tsəka, kwa gà na i luvuŋ a tsa. Aɗaba taŋa, ka ta kwayakwa tsa, say kwarakwa ba kwa lele, tàkwa aka miɗ aka miɗ nda magəsa Yesuw Kiristi nda gəzləŋ kwa, dite nda mawàyà ba ana ka wayakwa dər ba ika magər kwa ilik ilik tserdze ya asa mbaŋa. Aɗaba mege dukw ata ka, a ne kamala ana kà dùwayakwa ba nda *andiw sayaw, na dite duwa a ndzekwe a asa tsiye ya. Tikekwa madzala gà gər kwa ka, aka pat ana Yesuw Kiristi a ta mbil a à kwa fit kweleŋ a. Aɗaba ar ka, kamala *tazak ana ti tikewa a gər i təv mege gùvəl a.

2 TESALUNIKE 1:4

Aɗaba taŋa, i təv ana mì yahawa ba gər nda gà mburma Mbulum ŋgiɗ a ka, mì tsikewa a tar bazlam aka gər mendze kurum ana ki ndzwim a ya, nda maŋgayaba lele. Aɗaba ku mege gà mburma tar a riŋ ihər ti sèwèr a kurum a are, ti newa a kurum are hinne tekeɗe, kàa tə̀zum tsa, dafarəkrək kàa mərum aba ivaɗ. Dite megìse kurum ana kə̀ gəsum Yesuw Kiristi ya ka, a riŋ a de a aka miɗ aka miɗ mbaŋa. Maŋgayaba i təv mər hinne na taŋa ya.

2 TESALUNIKE 3:5

Mìi heme a a BATSAH kwa ŋa, dite ma ɗif a kurum à vatwa, aà metsereke meme na Mbulum a waya kwa lele ya, dite nda mesimeha a mesewere are kamala Yesuw Kiristi ana a simereha mbaŋa ya.

1 TIMUTE 6:11

Ama kinehe ka, Timute, kər ana mburma Mbulum a ka, are yak ma ta ge ika gà dukw ata ŋgwal ŋa tsiye tsa. Mər aba, dite ka ne mala ndzer ika miɗ Mbulum, zazam vatwa ŋgar lele. Vəlar gəzləŋ yak kəla pat. Ka waya mburma lele. Gəs gəzləŋ i təv dukw ana ŋgwal ŋa tsa tserdze ya, dite kà fàfəl a mburma lìfèɗìɗe asa mbaŋa.

2 TIMUTE 3:10

Ama kər ka, kàa gəs dukw ana i dzeŋgewa a mburma ya, kàa zazam lele. Dite kàa zazam mede gà ana i dawa i liwiŋ gà mburma Mbulum a, nda dukw ana a sèsiŋ i gewa i huɗ mege megemir gà ya mbaŋa. Dite megìse gà ana i gəs Mbulum nda gəzləŋ a, nda miveve ga, dite nda mawàyà mburma ana i waya ya tekeɗe, kàa ge tèrihhwè asa mbaŋa. Mendze gà ana i mà aba à arəv ɓəŋɓəŋ ika miɗ Mbulum a,

TITUS 2:13

Ndzakwa ka, nda mandza zləm, vavakwa pat ŋgwal ŋa ata Yesuw Kiristi, mala məmbə̀là à kwa à mère a ya. A mère a ka, nda mezlibe ŋgar ana tì zlibe a à ŋgat a. Ŋgat ka, Mbulum kwa batsah ŋa ana a za gà dukw tserdze ya.

TITUS 3:7

A ge dər kamala taŋa ya ka, na dite kə̀ ŋgatakwa mesife ana à ndìv a tsa, kà sərakwa dər ka, a ta vile a kwe a ndzer a. A ta ge a kataya ka, aɗaba ana Mbulum a ge a kwa ŋgwal ŋa nda ahər Kiristi ya, dite araha na kinehe kà nekwa tsəɗaŋŋa ika miɗ ŋgar a.

IBƏRANIKWA 10:32

Ama kinehe ka, dzalum, kà sərum dər à mendze kurum ana piŋŋe, aka ana kà lah mendzwim i təv dzaydzay Mbulum ana ndərzayya, a da a gəzləŋ kurum a ka, mə̀ məts a kurum gər tsa. Akahər ata ka, gà mburma tàa sèwèr a kurum are hinne. Ama ku mege kataya tekeɗe, kàa dum aka miɗ aka miɗ nda ndzəɗa ɓəŋɓəŋ lele.

IBƏRANIKWA 10:36

Ama kə̀la ka, mərum aba lele, na dite ki gwim a dukw ana a sàs a Mbulum a ya. Na kàa gwim dər kataya ka, ki ta ŋgetwim a dukw ana a tsik i sida ya, a gwa, i ta vile a kurum a ya.

IBƏRANIKWA 12:1

Kwa kinehe ka, kwa ihər ki ŋgetekewe a a gà mburma ata hinne, ti le a kwa tits, dite ti ɗif a kwe a dər, meme na ki gìsekwe a Mbulum a. Aɗaba taŋa, miyakukwa aba à gà dukw ana tserdze ta ŋgeye a kwa teztez a. Gwàtsakukwa aba à gà dukw bakal ana ta gese a kwa nda ndzəɗa ya mbaŋa. Kà mərakwa aba, kà tàkwa aka miɗ aka miɗ nda metìze sah lele, ka ndzekwa a təv ana ki tèkwe aɗəm a ya.

IBƏRANIKWA 3:6

Ama *Kiristi ka, kəla mala ga, kamala megweɗe ya ka, Kəla Mbulum. Dukw ana i ma ŋgar tserdze ya ka, i ahər ŋgar. A gewer megemir ndaka vatwa ŋa lele. Kwa tekeɗe, gà mburma ana i ma ŋgar a mbaŋa. Ama kə̀la ka, na ki tèkwe a dər aka miɗ aka miɗ tsikw a təv mendìsle, nda magəsa gəzləŋ, nda maŋgayaba nda təv dukw ana kà tikekwa aaka madzala gà gər a dzekwiŋ.

IBƏRANIKWA 5:7

Aka na Yesuw ɗa ika gər ahəɗ mba ya ka, a sər, Mbulum a sle aà mimbilere a à ŋgat i məməta ya. Aɗaba taŋa na a hama a Mbulum nda magala ŋgəlakəkka hinne, haa a tuwa a dar dərra i are ya. Mbulum tekeɗe, aka tsaraka meheme ŋgar ata, dite i dəba ŋa ya, a mbəlara à ŋgat i məməta ya, agəra ana a hənar à gər a bəɗ a.

IBƏRANIKWA 6:12

A sàs a mər ka, ka yum ba tsa. Ama zazamum ka, mede gà mburma ana tàa gəs Mbulum nda gəzləŋ ɓəŋɓəŋ lele ya ivaɗ. Tar ata na ta ŋget a dukw ana Mbulum a gwa i sida ya ka, i ta vile a kurum a ya ya.

IBƏRANIKWA 6:15

Abəraham ibam, a tsaraka kataya ka, a gəs nda gəzləŋ ɓəŋɓəŋ lele, a veve a dukw ana Mbulum a tsiker a. I dəba ŋa ya ka, a ŋgat dukw ana Mbulum a gwaɗar, i ta vilek a ndzer a kuɗa.

YAKUBA 5:7

Aɗaba taŋa, gà damər gà, gəsum gəzləŋ, haa a pat ana Yesuw Kiristi BATSAH kwa ŋa à mère a a təv kwa ya ya. Fə̀rum aà mala mifìte ana à gis a gəzləŋ a kwaŋ. A veve a yam daw, a sligiŋa. I dəba ŋa ya, a veve a pat ana duwa à nèh a, yam a de a a ma ya, haa a pat ana a pele a gà dukw ŋgar ata i bəɗ a ya mbaŋa.

1 PIYER 4:13

Ama ŋgulum ka, ŋgeywim ba, aɗaba kàa mbər megìswim mesewere are ana Yesuw Kiristi a sèwèr a. Dite a pat ana gà mburma tì zlibe a à ŋgat parakkà aà are mburma tserdze, i fataya ka, ki ta ŋgeywim a ba hinne.

1 PIYER 4:7

Ama kinehe ka, pat mandəvandəv gər ahəɗ aka à mendzera. Gwim metsehe, kaslum ba kurum lele, dite na ki slwim a aà mahàmà a Mbulum a.

2 Piyer 1:6

Ama ka, metsehe ɗekɗek tsa. Gəsum gəzləŋ i təv duwa ya tserdze mbaŋa. I təv ana kurum ihər ki kwerwim a ba kurum kamala taŋa ya ka, mərum aba. I təv məmərà aba kurum ata ya tekeɗe ka, gəsum ahəm aà Mbulum lele.

Sunwa Yuhana 13:10

Wele ana Mbulum aka gwa ahər, ta gəs a daŋgay a ka, ta gis a ŋgat kaɗəŋ. Dite wele ana Mbulum aka gwa, ta kəɗ nda màsalamà ya tekeɗe ka, ta kiɗ a dər ŋgat kaɗəŋ asa. Aɗaba taŋa, gà mburma Mbulum ka, say ta gəs gəzləŋ, tə da aka miɗ aka miɗ nda magəsa ŋgat. Kamala taŋa ya ka, gəzləŋ tar a ndze a ɓəŋɓəŋ lele.»