RUMA 12:1 - Bible Zulgo1 Aɗaba taŋa, gà damər gà, i ge a kurum a kamkam: Kinehe ka, vəlum ba kurum ədəts a ahər a Mbulum, agəra ana kà ndzekwar are tsehe kataya ya. Ki vilwimer a ba ka, daga kinehe, kamala dukw ana ta kə̀ɗar taf masakəŋa ya, ku mege kinehe kurum riŋ nda are tekeɗe ya. Dukw ata ta kə̀ɗar a ka, ma ne biy ŋgar fit, dite ka, mà tsahən ahər kuɗa. Taŋa ka, vatwa ndzer ŋa ana biy mahàmà a Mbulum a. အခန်းကိုကြည့်ပါ။ |
RUMA 12:1
49 ပူးပေါင်းရင်းမြစ်များ
Ka tə zazamum mede gà mburma ana ta ge a dukw gər ahəɗ a tsa. Vəlum vatwa a Mbulum ivaɗ, ma da a gəzləŋ kurum, mə̀ mbəɗ dər, na dite ŋgiletittè ki nwim a gà awiya ŋa ya. Kamala taŋa ya na ki sirwim a dukw ana Mbulum a waya ya. Kamala megweɗe ya, ki sirwim a dər ka, dukw ana ŋgwal ŋa, a tsahən ahər, a de a ndaka vatwa ŋa kalkal a.
A giŋ ŋgwal ŋa ka, na a zla iye aà meɗè à zləm Yesuw Kiristi ika magər gà na tar gà Yahuda tsiye. Yàa vəl ba gà a ahər a Mbulum fit, aà meɗìfè à bazlam ŋgwal ŋa ana a dara i təv ŋgar a. I tsik a ka, a gà na gà Yahuda tsiye, na dite ta gis a ŋgat a. A sèsiŋ ti ne a kamala dukw taf ana ta vəlar, a tsahən ahər, dite Mezite Mesife ŋgar a palara iɗəm tar a.
Dze ana, ki fìrwim a aà Mbulum kamala za ya, agəra ŋgwal ŋgar ana batsah ŋa ya ivaɗ a? Kige tsa agəra ana aka gəs gəzləŋ hinne aɗaba bakal kwa ana ki gekwa ya ya. Kurum kà sərum, Mbulum a ge a kurum ŋgwal ŋa, dite na kàa sərum ahər kataya ka, ki mbiɗwim a à madzala gà gər kurum i təv ŋgar a ivaɗ ana, kà sərum ti tsiye?
Kamala taŋa ya, ka ta vəlum ba kurum a ahər a bakal, ma kwara kurum aà mege dukw ana ŋgwala tsiye asa tsidze. Ama vəlum ba kurum a ahər ka, a Mbulum ivaɗ. Aɗaba kurum kà nwim ka, kamala gà mburma ana tàa mbəlara i məməta ya, tàa ŋgat mesife ana awiya ŋa ya. Vəlumar ba kurum a ahər fit, na dite ki nwim a dukw ahər ŋgar aà mege dukw ana ŋgwal ŋa ya ya.
Kurum dze ana, kà sərum ti tsiye? Na bəla kàa vəlum ba kurum a wura, ki gweɗwim a, mìi gis ahər a ahəm ka, kàa nwim gà ɓele ŋgar na taŋa ya. Na bəla kurum ihər ki giswim a ahəm aà bakal ka, taŋa ka, kàa nwim gà ɓele bakal dukw ŋgar. I dəba ŋa ya ka, ki metwim a agəra bakal ata. Kige tsa na bəla kurum riŋ ihər ki giswim a ahəm aà Mbulum ivaɗ ka, kurum gà ɓele ŋgar na taŋa ya mbaŋa, dite ka, a ne à kurum a gà ŋgwal ŋa ika miɗ ŋgar.
Iye ihər i fèfil a kurum a aka gər gà ɓele ata ka, aà meɗìfè a kurum dər, na dite ki tserekwim a, a ge a ŋgulum a, aɗaba kàa tsarakum gà dukw ata lele zukw tsa. Piŋŋe ka, kà vəlum ba kurum fit aà mege dukw ana ŋgwala tsiye ya. Kàa geyewim gà bakal pampam hinne, Mbulum aka ŋgaya dər ba tsidze. Kamala taŋa ya, kinehe tekeɗe, vəlum gà dzerisl ba kurum fit aà mege dukw ana ndzer ŋa ya, na dite mendze kurum à tsehin a aà Mbulum a.
Iye Pul, a sèsiŋ i fèfil a kurum a aka gər ba gà. Kamkam kurum, aɗaba gà mìsle ŋgiɗ ika magər kurum tar riŋ ihər ta gweɗe a aà iye ka, akahər ana ŋgat ɗa mandza ŋa ika magər kwa ya ka, tiɓìzl a hənawakwa à gər a bəɗ. Ama i təv ana aka da aà kwa ya diriŋ a ka, ŋgakŋgakəkka, à fèfil a kwere a nda ndzəɗa ya kuɗa. Ar ka, kamala ana magəɗa kwa a ger a asa tsiye. Ama iye ka, a sèsiŋ i ge a ŋgwal ŋa a mburma ivaɗ, i fèfil a ter a ka, nda himmè bazlam, kamala *Kiristi ya mbaŋa.
Dukw ana i waya hinne, i tike aaka madzala gà gər gà ya ka, i ta ge a dukw ana dite ka, tuɗum tuɗum a ndeɗe a aka iye hwarwa ya ilik tsidze. Ama ka, gəzləŋ ga ma ndza ɓəŋɓəŋ lele. A sèsiŋ ka, mege kinehe, kige tsa bəla ndeɗime tekeɗe ka, gà mburma tə̀ zləbawa à Yesuw Kiristi aɗaba iye. Na iye riŋ mandza ŋa nda are ya, ku mege Yàa mət tekeɗe ka, tə̀ zlə̀b à ŋgat pəra kamala taŋa ya.
Megìse kurum ana kə̀ gəsum Mbulum a ka, a ne kamala dukw taf masakəŋa ana kà kə̀ɗumar a. Ama na bəla ta kiɗ a iye ka, a ne a kamala ana i dzar à məmbəz gà kamala dukw taf masakəŋana ya mbaŋa. I səkah dər aaka ka, aka biy kurum ana kà vəlumar a. Na kataya ka, i ta ŋgeye a ba hinne, dite maŋgayaba ata a ge a i təv kurum mbaŋa.
Yàa ŋgat dukw ana kà slirwimiŋara nda ahər Apafaruditus a, aka ndzera aà iye ya. I samata dukw ata ka, a za i gər a dukw ana a sle aà iye ya. I dəba dukw ata kà slirwimiŋara ya ka, duwa aka sle aà iye ilik asa tsa. I ndze a ka, barbararra lele kuɗa. Gà dukw ata ka, gà ŋgwal ŋa ndzer, kamala dukw taf masakəŋa ana ta vile a a Mbulum, a ze a hwaŋŋà lele ika miɗ ŋgar, a tsahən ahər hinne ya.
Gà damər gà, dukw ana a zeha mìi tsik a kurum a ya ka, araha: Akahər ana àvə̀ɗaka mì ɗif a kurum ka, à mede ana a tsahən aà Mbulum a. Araha kaɗəŋ, mì sər ka, mede kurum aka ne kamala taŋa ya. Ama kinehe ka, mì ge a kurumaha kamkam hinne, nda zləm Yesuw BATSAH kwa ŋa: Zazamum ka, mede ata hiywe, səkahum dər aka miɗ aka miɗ asa.
Ama na madakwa məkəs ŋa a riŋ nda gà ɓəza, kige tsa nda gà ɓəza gà ɓəza ŋgar ka, say ki ɗif a ter a dər, meme na ti sle a aà magəsa gà mama tar lele ya, bəla məmər tar, kige tsa batsah məmər tar a. Malahalah ŋa ka, say gà ɓəza ata ti sinike a ba à mazlàkà tar dzekwiŋ, kamala gà tsir tar ana ta waya tar, ta gala tar piŋŋe ya. Aɗaba taŋa ka, a tsahən aà Mbulum.
Kinehe kurum tekeɗe ka, dumara, nwim gà kur ata mesife iɗəm, Mbulum à dzik a, à zlèzle a dər ga ŋgar ana Mezite Mesife ŋgar a ndze a iɗəm a. Vəlum vatwa a Yesuw Kiristi a gəzləŋ kurum, dite ka, mə vəl a kurum ndzəɗa, ma ne à kurum gà ɓəzla mandəva kuɗa a Mbulum ana gà tsəɗaŋŋa lele, ta viler a duwa masakəŋa, dite a tsahən aà ŋgat a.
ကြော်ငြာတွေ